Yɛrɛmaya 18:16 - ALLALA KUMƐ

¹⁶ Woletɔ wole, Yuda nyamanɛ si ma nyamani-fuyi la. Nyamanɛ wo si ma yɛlɛnma-fan la mɔgɛnu ye. Mɔgɛnu ba bɔ nyɔ, anu si kawa ka anu kunyɛ firifiri. Wola nyamanɛ wo tinya-koe si ma tɛrɛna-koe la mɔgɛnu bolo.

Yɛrɛmaya 18:16 Iomraidhean Croise

1 Mansɛnu 9:8

Bato-Bon-nyimɛ kɛ si tinya ka ma bon-gbarɛ la. Mɔgɔ-wo-mɔgɔ wa tenbi nyɔ, wo si kawa ka a bole sa a dɛ la. A si a fɔ ko, ‘Nfenna ko la Mari ara ko sufa kɛ ma ala nyamanɛ anubɛ ala Bato-Bɔn kɛ la?’

2 Ko-Kɔrɔta-Karan 29:8

Ka a tɛgɛ wo ma, Mari fonde bɔra Yuda kɛnu anubɛ Yerusalɛm kɛnu kuma. Mari ya min sigi anu ma, wo ara anu dama kumakɔ. Anu mara yɛlɛnma-fan la mɔgɛnu yala, ado wo ya wo lɔn bɛrɛkɛ!

Yaburi 109:25

Mɔgɛnu ba n yen, anu si yɛlɛn n ma. Minnu ba a labɔ n ma, wonu si anu kunyɛ firifiri.

Yaburi 22:7

Minnu ba n yen, wonu si n mayɛlɛn. Anu bi anu nagan labɔla n ma ka anu kunyɛnu tamaga.

Yaburi 44:14

I wara ma ma yɛlɛnma-fan la sibolo-gbɛrɛnu ye. Anu bi ma bɔrɔbɔla ka anu dɛ bogoya ma telen tɔ.

Aiseya 37:22

A ko Yerusalɛm kɛnu si tɛgɛ Asiriya Mansa Sɛnakaribu rɔ ka a mayɛlɛn.

Aiseya 6:11

N ya Mari manyinika. N ko, “Kɛ si to a la ha wati nyamintan?” A ya a fɔ n ye ko, “Kɛ si to a la ha soenu ta ni kolonya ka tii mɛmɛ! Ha bɔnnu na ni kolonya filili! Fɔ nyamanɛ bɛrɛn ni kasara pɔ!

Yɛrɛmaya 19:8

A ko a si so-karantan kɛ rade dogbe! So-karantan kɛ si ma yɛlɛnma-fan la mɔgɛnu ye. Mɔgɛnu tenbi tenbila, anu si anu kunyɛ firifiri. Anu ba so-karantan kɛ tinya-bole mafɛlɛn, anu si kawa.

Yɛrɛmaya 25:9

a si kantɔ-mɔgɛ bɛɛ kele wo kan ma katarala Babilɔn Mansa Nɛbukanasa ma, ata wɔli-kɛlɛ, kɔni. A ko mansɛ wo si na wole Yuda nyamanita-mɔgɛ bɛɛ kɛlɛ anubɛ wo dan-masa-nyɔgɛnu. Anu ba ban wo kɛlɛla, anu si wola nyamanɛ kasaranɛ to. Mɔgɛ min ba nyɔ yen, wo kuma si tɛgɛ.

Yɛrɛmaya 29:18

A ko a si kɛlɛ anubɛ kɔnkɛ anubɛ kirayɛ ma anu gben-fan la, ado sibolo-gbɛrɛnu ba anu yen tumɛ min, anu kuma si tɛgɛ wao! Mɔgɛnu si anu manyini ka anu tɔgɛ ma dankali-kɛ-fan la.

Yɛrɛmaya 42:18

“Mari Isirɛlata Alla ko iko a fonde bɔra Yerusalɛm kɛnu kuma nya min, ni wo tara Iyipiti nyamanɛ rɔ, a fonde ye bɔla wo kan ma wo nya na le. A ko min ba wo yen, wo kuma si tɛgɛ. Mɔgɛnu si wo bira boloko-yogomɛ-kɛ ka wo tɔgɛ ma dankali-kɛ-fan la. A ko wo ti kan-tinɛ kɛ yen tun!

Yɛrɛmaya 44:12

Wole Yuda mɔgɛ toe minnu bara Iyipiti sigi-koe latɛgɛ, a ko fɔ a wa a yen, wo damasi ara kasara. A kina wo, a denni wo, wo kunyɛ si to kɛlɛ anubɛ kɔnkɛ bolo Iyipiti nyamanɛ rɔ yan. Mɔgɛnu ba wo yen tumɛ min, anu si anu bole sa anu dɛ la ka kawa. Mɔgɛnu si wo mayɛlɛn ka wo tɔgɛ ma dankali-kɛ-fan la.

Yɛrɛmaya 48:27

Mohabu kɛnu taranta Isirɛla mɔgɛnu bira boloko-yogomɛ-kɛla. Anu bara anu bira iko kankannu.

Yɛrɛmaya 49:13

Mari ara a keli ko mɔgɛ min ba Bɔsira soe tinya-nya yen, wo yisi si tinya bawo a ara ma wula-da-rakolɔn la. Anu si nyɔ-tɔgɛ rakele dankali-kɛ-tinɛ. Nyɔ-dafɛ-so-mɛsɛnu si to tonbonyɛ la tolon! Mari kan le kɛ la.

Yɛrɛmaya 49:17

Mari ko kasarɛ min bi sigila Idɔm kɛnu na, wo ma si kilan. Hali min tenbi tenbila nyɔ, anu yigi si tɛgɛ kumakɔɛ bolo gbat!

Yɛrɛmaya 50:13

Mari ko ka a tɛgɛ ata fondo-bɔɛ ma, mɔgɔ-wo-mɔgɔ ti to sigini Babilɔn tun. Nyɔ si to tonbonyɛ la. Min tenbimatoe wa a yen, wo si kawa ka a bole sa a dɛ la.

Yɛrɛmaya 51:37

Nyamanɛ wo si ma tonbɔn la. Mɔgɔ ti taran nyɔ fɔ bintɔ-sogenu. Mɔgɔ-wo-mɔgɔ ya nyɔ yen, a kun ma si kɔ.

Yɛrɛmaya 51:43

Nyɔ-soenu ma si kilan. Nyɔ bɛɛ si ma wula-da-rakolɔn la, mɔgɔ ti sigi kan min. Mɔgɔ ti bɔ nyɔ kilɛ la.

Yɛrɛmaya 9:11

Mari ko a si Yerusalɛm soe ma iko sundu-kunyɛ. Nyɔ si ma fira-wulinu barɛ la. A ko a si soenu bunden Yuda nyamanɛ rɔ ha mɔgɔ ti sigi nyɔ tun.

Nimisa Koe 1:12

Yerusalɛm soe ya a fɔ ko, “Wole minnu bi tenbi-tenbila, wola ko sa nna ko rɔ. Ha bi, wo ara mɔgɛ yen tɔrɔla mintɛ tenbira ndetɛ la, wa? Mari diminyara n ma lunyɛ min, a ya tɔrɔyɛ sigi n ma wulɔn le.

Isikiyɛli 12:19

A fɔ Isirɛla mɔgɛ bɛɛ ye ko kilayɛ kɛ ye bɔla wo Tigi Mari le bolo Isirɛla mɔgɛnu denu ye minnu bi anu niyi la Yerusalɛm soe burɔ. Anu si yɛrɛyɛrɛn fen-dɔn-tinɛ. Anu tenbi anu minna, anu kun ma si kɔ kilan bolo. Fenfen ti taran anuna nyamanɛ rɔ ka a tɛgɛ anuna karagbɛlɛyɛ ma.

Isikiyɛli 27:36

A ara tinya pɔ, ado duninyama-yila bɛɛ ara kilan. A ti sɔ tun habadan!”

Isikiyɛli 36:3

I ni nna wɔlɔyiya-kumɛ kɛ latenbi anu ma ko Isirɛla mɔgɛnu dan-masa-nyɔgɛnu nara bui Isirɛla nyamanɛ ma tumɛ min ka a kɔnkɔrɔ-fannu kankan, anu ya Isirɛla lafɛya dɔgɔma-ma-de!

Isikiyɛli 6:14

Tonyɛ le wo la. N si n bole lata ka anuna nyamanɛ tinya. Ka a bi anuna wula-da-rakolɔn dugu la, ha ka ta a sigi Ribila soe kan tɔ pon, Isirɛla mɔgɛnu siginɛ kan tinɛ min bɛɛ rɔ, n si wo bɛɛ halaki pɔ! Mɔgɛ bɛɛ si a lɔn worɔ ko Mari le nde la.”

Saraka-Masɔlɛnuta Tɔnnu 26:32

N si wola nyamanɛ duginu tinya, hali wo yogo minnu bi nala anu sigila wo gbɛ rɔ, wola dugi wo tinya-nya si ma latɛrɛna-koe la anu fanan bolo.

Saraka-Masɔlɛnuta Tɔnnu 26:43

Kɔnɔ a fɔlɔfɔlɛ, fɔ wo ni nyamanɛ wo boloka, woletɔ nyamanɛ si a sulen bɛrɛbɛrɛkɛ. N bara tɔrɔyɛ min bɛɛsi lana wo kuma wola kalabanteyɛla ko la, fɔ wo kegeyɛnu ni anu munyu wo damasi kɔrɔ.

Maika 6:16

Wo ara ko-yogomɛ ma iko wola mansɛ Hɔmɔri anubɛ ala den Mansa Ehabu, woletɔ tɔrɔya-su kɛ ye nala sigila wo la. Mari si wola nyamanɛ kɛ halaki. Mɔgɛnu si wo mayɛlɛn dɔgɔma-ma-de! Fɔ ni wo ya wo munyu manyinɛnu kɔrɔ bawo wo ma sɔn Marita kumɛ birala.

Matiyu 27:39

Mɔgɔ-tenbimatoenu ya anu kunyɛ radɔn Yisa ma ka a lafɛya.

Maraka 15:29

Mɔgɔ-tenbimatoenu ya anu kunyɛ radɔn Yisa ma ka a lafɛya. Anu ko, “Ile. I ko i si Alla-Bato-Bɔn wayan ka a sɔ tun tele sawa kɔrɔ,

Tɔn-Fɔɛ-Fila-Nyɔgɛ 28:59

Mari si kiraya-yogomɛ kɛnu nana wobɛ wo kegeyɛnu kuma. A si kiraya-dandanbɛlɛnu anubɛ wuka-kirayɛnu nana wo kuma.

Tɔn-Fɔɛ-Fila-Nyɔgɛ 29:23

Wola sɛni sa tinɛnu si ma kɔgɔ-dugi la. Fenfen ti ma-a-la wo bolo. Hali binyɛ ti ma-a-la nyɔ. Wola nyamanɛ si ma iko Sɔdɔm wo, Kɔmɔra wo, Adima wo, anubɛ Sebom mara nya min. Marita fondo-bɔ-belebele kɛra min kɛ, a ya soe wonu tinya.