Yɛrɛmaya 18:15 - ALLALA KUMƐ

¹⁵ Kɔnɔ a ko wole, ala mɔgɛnu bara nyina a ko. Wo ye sarakɛnu bɔla bɛsi-fuyinu ye. Wo ara sama kilɛ ma. Wo ara sama ka wo benbanuna kila-kɔrɛnu bi. Wo ye bɔla kila-nɛnu fɛ ka kila-wɛnu to.

Yɛrɛmaya 18:15 Iomraidhean Croise

Nihɛmaya 9:17

Anu ma sɔn anu tole sigila ita kumɛ kɔrɔ. I wara kabana-koe min bɛɛ ma anu ye nun kɔrɔma la, anu nyinara wonu ko salon! Anu bilara anu kun-telenmɛ fɛ ka anuna kun-tigi yabɔ min si anu kunyɛ don yɔɔnyɛ rɔ tun iko anu taranta nya min Iyipiti. Kɔnɔ kinikini-mansɛ le ile la. Anu di i ye, ado i si ko-nyimɛ kɛ anu ye. I fonde ti bɔ anu kuma yona. Ila kinikinɛ kolo anu bara la, ado i ma anu boloka mumɛ!

Aiseya 3:12

Kemini-mɛsɛnu bi nna mɔgɛnu tɔrɔla. Musinu bi kun-tigiyɛ kɛla anu kuma. Anuna mɔgɔ-banu bi anu bolo labirala, ado anu ma a lɔn anu si anu ya-lamunun kun-tigi minnu na.

Aiseya 41:29

“Fufafuyi le bɛsɛ wonu na. Anu ti ko-wo-ko nyinya. Anu dama rafaganɛ, sɛ sa bɛsɛ wonu ye.”

Aiseya 57:14

Mari ko ala mɔgɛnu ni sɛgi a ma. Wo ni wola gbaran-fannu bɔ kilɛ la. Wo ni kilɛ rabɛn yɔnyɔn!

Aiseya 62:10

Wole Yerusalɛm kɛnu, wo bɔ soe burɔ. Minnu bi sɛgila ka bɔ biralɛ rɔ, wo ni kilɛ rabɛn wonu ye yɔnyɔn! Wo ni kurinu bɔ kila-kole la. Wo ni falafalɛ layɛlɛ san ma tamasereyɛ la sibolenu ye.

Aiseya 65:7

Ka a tɛgɛ wo benbanu hakɛ anubɛ wo hakɛ ma, Mari ko a si wo tɔrɔ. Wo benbanu ya isɛnti mintan bɛsɛnu ye kɔnkɛnu kun tɛma. Anu ya a ma, a miliyara kɔnkɛnu ye. Woletɔ a ye anu tɔrɔla iko a bɛnta, anu ni tɔrɔ nya min.

Aiseya 9:16

Wonu minnu bɛnta ka kila-telennɛ yira mɔgɛnu na, anu ma wo ma fɔ ka kila-radunɛ yira anu na alako ka mɔgɛnu kɔndɔfili pirikali!

Yɛrɛmaya 1:16

N bi nna mɔgɛnu tɔrɔla nya min, n si wo ragbɛ anu ye. N si anu tɔrɔ bawo anu bara hakɛ kɛ ka anu kan-kɔ sɔ n na. Anu bi bɛsɛnu nadanna ka nta sarakɛnu di anu ma, ado anu bi bɛsɛ wonu nadanna anu bole nyɛrɛ-nyɛrɛ le la.”

Yɛrɛmaya 10:15

Fufafuyi le anu na. Anu ti ko-wo-ko nyinya. Yɛlɛnma-fan le anu na. Kiti-tɛgɛ-lunyɛ wa ke, bɛsɛ wonu si kasara.

Yɛrɛmaya 11:12

Yerusalɛm kɛnu anubɛ Yuda nyamanita-mɔgɛ toe bɛɛ si ta wola bɛsɛnu bara wo dɛnbɛn-koe rɔ. Wo si isɛnti mintan bɛsɛ wonu ye sarakayɛ la kɔnɔ kasarɛ wo wati wa ke, bɛsɛ wonu ti ke wo kunyɛ bɔla kasarɛ wo kɔrɔ.

Yɛrɛmaya 11:13

Soe min nyɔgɔn ye Yuda nyamanɛ rɔ, wo le nyɔgɔn bɛsɛ ye wo bolo. Wo ara saraka-mintan-tina-siyaman nadan wola kisimiriya-bɛsɛ Beyali ye. Kila-kunyɛ min nyɔgɔn bi Yerusalɛm soe burɔ, wo le nyɔgɔn saraka-mintan-tinɛnu bi nyɔ.

Yɛrɛmaya 11:17

Mari Sɛnbɛ-Bɛɛ-Tigi le ya wo ki. Ale le nyɛrɛ ya a fɔ wo ye ko kasarɛ si na. Wo bɛɛ ye tɛgɛla min ma bawo Isirɛla mɔgɛnu anubɛ wole, Yuda mɔgɛnu bara yogoya ka a dan-natenbi. Wo ara sarakɛ di Beyali ma min kɛ, wo ara a ma, Mari fonde ara bɔ ka tenbi a dan kun na.

Yɛrɛmaya 13:25

A ko kɛ le ye nala sigila wo ma. A miriya bɛnnɛ min ma wo wara la, wo le kɛ la. Kɛ bɛɛ ye sigila wo ma bawo wo ara wo kan-kɔ sɔ ale Mari la ka la bɛsɛnu na.

Yɛrɛmaya 16:19

E, Mari, n sɛnbɛ anubɛ n natankalɛ le ile la. Tɔrɔyɛ wa na tumɛ min, n si ta i wara n nakanan-koe rɔ. Sibolenu si bɔ duninya tonke bɛɛ rɔ ka na i wara. Anu si a fɔ ko, “Bɛsi-fuyi le ye ma benbanu bolo nun dɔrɔn! Anu bi bɛsi-fufafuyinu kɔla nun minnu ti ko nyinya anu ma.

Yɛrɛmaya 17:13

Mari, Isirɛla mɔgɛnu yigi le ile la. Mɔgɔ-wo-mɔgɔ wa a kan-kɔ sɔ i la, wo tigi si miliya. Min bi a bɔla ile Marita kilɛ fɛ, wo tigi mani de iko tɔgɛ min sɛbɛnɛ gbangban rɔ. Wo sa mɛla bawo a ara ile Mari boloka. Tenke-kimanɛ le ile Mari la.

Yɛrɛmaya 18:14

Lɛbanan kɔnkɛnu si to, duri ti taran anu ma, wa? Nyɔ-kɔnkɛrɔ yi-kimanɛnu si gbala, wa? Ade, wo ti ma dɛɛ!

Yɛrɛmaya 19:5

Wo ya bɛsi Beyali kɔ-tinɛ ladan nyɔ ka wola dannu ma saraka-mintantɛnu na a ye. Mari ko a ma wo fɔ wo ye, ado a miriya ma ke wo ma.

Yɛrɛmaya 2:13

A ko wole, ata mɔgɛnu bara hakɛ-su fila kɛ. A fɔlɔtɛ, wo ya wo kan-kɔ sɔ ale Mari la, ale min bi tenke-nyimɛ la wo ye, kɔni. A fila nyɔgɛ, wo ara bila bɛsi-gbɛrɛkɛnu fɛ minnu manɛ iko mɔgɛ wa yi kɛ bɔnku-daga-ratiinɛnu tɔ.

Yɛrɛmaya 2:19

A ko wola karagbɛlɛyɛ si tɔrɔyɛ lana wo ma. Wola ko-yogomɛnu si wo don nyagbɛ rɔ. Wo ni wo miri a ma a kilɛ fɛ alako wo ni ko nya-yen. Ka wo kan-kɔ sɔ wota Mari Alla la, wo yogo dɔgɔma-ma-de! A ko ka a fɔ wo ti kilan a la, wo ma telen. Wo Tigi Mari Sɛnbɛ-Bɛɛ-Tigi kan le kɛ la.

Yɛrɛmaya 2:32

Sunkurɔn ti nyina a makiri-fan ko. Kɔɛn-kurɛ ti nyina ala kɔnyɔ-masɔ-kurɛnu ko. Kɔnɔ Mari ko ata mɔgɛnu nyinara a ko bi-ko-ma,

Yɛrɛmaya 3:21

Mɔgɛnu si wo di-kɛ-kan lamɔɛn kɔnkɛnu kun tɛma. Wole Isirɛla mɔgɛnu bi wo dɛ sala-a-rɔ madiyali-kɛ-tinɛ. Wo sɔn ara yogoya ka a dan-natenbi. Wo ara nyina wota Mari Alla ko.

Yɛrɛmaya 51:18

Fufafuyi le anu na. Anu ti ko-wo-ko nyinya. Yɛlɛnma-fan le anu na. Kiti-tɛgɛ-lunyɛ wa ke, bɛsɛ wonu si kasara.

Yɛrɛmaya 6:16

Mari ko wole, ata mɔgɛnu sɔnɛ kila-faran rɔ. Wo ni wo yɛ lakalan. Wo ni ata kila-kɔrɛ manyinika. A ko wo ni kila-nyimɛ manyinika alako wo ni ta wo fɛ nya min, ado ni wo bɔra kilɛ wo fɛ, wo yisi la si fɛrɛ. Kɔnɔ hali wo, wo bannɛ bɔla kila-nyimɛ wo fɛ.

Yɛrɛmaya 7:9

Ha bi, wo ye kankanyɛ kɛla. Ha bi, wo ye mɔgɔ-fagɛ kun na. Ha bi, wo bole ye yɛlɛnyɛ rɔ. Ha bi, wo ye tɔgɛ sala mɔgɛnu na. Ha bi, wo ye bɛsi Beyali kɔla. Ha bi, wo nɔrɔnɛ sibolo-gbɛrɛnuna bɛsi-kɔ-koenu ma.

Isikiyɛli 21:15

Wo si mɔgɛnu kumakɔ. Anu si to yɛrɛyɛrɛnna. N bi soe rakilanna faan min na, wo si malan-malan iko san-sɛran, ado a rabɛnnɛ mɔgɔ-faga-koe la.

Hoseya 11:2

N bi wo kelela nya min, wo ye wo kan-kɔ sɔla n na wo nya na le. Wole nta mɔgɛnu ya sarakɛnu bɔ wola bɛsi Beyali ye ka isɛnti mintan wola bɛsɛ doi wonu ye.

Hoseya 2:13

N si a tɔrɔ bawo a ye n bolokɛ min kɛla ka ta isɛnti mintan ala bɛsi Beyali ye. N bi a tɔrɔla bawo a ye a makiri boloko-nyimɛ-kɛla ka bila ala keminɛnu fɛ. Mari kan le kɛ la.

Hoseya 2:6

Ka a tɛgɛ wo le ma, n bi wɔnɔ-sansan donna a ma. N si sansan don ka kilɛ tɛgɛ a ma.

Malakayi 2:8

Kɔnɔ wole saraka-masɔlɛnu, a ko kaka wo ara ka kila-telennɛ ma, ado wola karan-bole ara a ma, mɔgɔ-siyaman bara don ko-yogoma-kɛ rɔ. A ko wo sarata min ma, wo ara wotɛ tinya.

Matiyu 15:6

ko ni min ya wo ma, hali a ma anu gbiliya kɔ-fan wo la tun. Wo wa bila wo benbanuna karan fɛ, wo ye Allala kumɛ mala fuyi la wo nya na le.

Romu 14:21

Min fisa, sogo-dɔn wo, gbɛɛ-minyɛ wo, ko-wo-ko min si a ma, wo na-kelen-nyɔgɛ la ni bui ala dɛnkɛninyɛ rɔ, wo kana wonu ma.

Tɔn-Fɔɛ-Fila-Nyɔgɛ 32:21

Wo ara a ma, Mari fonde ara bɔ wola bɛsi-kɔ-koenu tɔ. Wo ara a ma, Mari ye wo makeliyala bawo wo ye bɛsɛnu kelela ko alla, ado Alla ma wonu na hali! Wo ye yɛlɛnna sibole minnu ma, Mari si wonu bi ka anu ma wole lamɔniya-fan la. Wo tɛgɛnɛ mɔgɛ minnu tɔ, wonuna keliyɛ si wuli wo fanannu na.