Yɛrɛmaya 18:11 - ALLALA KUMƐ

¹¹ A ko n ni a fɔ wole, Yerusalɛm anubɛ Yuda nyamanita-mɔgɛ toe ye ko a ye kasarɛ rabɛn-tinɛ wo ye kaka. A ko wo ni wo fara wola karagbɛlɛya-koenu na wo ye min kun na kaka. Wo ni wola kɛ-nyanu yɛlɛma ka ko-latelennɛ kɛ.

Yɛrɛmaya 18:11 Iomraidhean Croise

Ko-Dabirɛnu 11:7

Wo na, ma ni yigi anu bara ka anu kan yabasan alako anu kana anu nyɔgɔn kan lamɔɛn.”

1 Mansɛnu 22:23

Nɛbi Mɛkaya ya kumɛ kundon a ye ko, “A ara ma wo nya na le. Mari ara a ma, nɛbi kɛnu bara foninyɛ fɔ i ye ka i mayuwaya. Mari nyɛrɛ-nyɛrɛ ara ban a latɛgɛla ko i si kasara.”

2 Mansɛnu 17:13

Mari ya kilayɛnu anubɛ nɛbinu sɔ Isirɛla kɛnu anubɛ Yuda kɛnu makawandi tinɛ nun. A ya a fɔ anu ye nun ko, “Wo ni wo sɔn-yogomɛnu boloka ka nta kumɛnu bira. N bara nna tɔnnu di wo benbanu ma nun, ado nna nɛbinu bara wo bɛɛ fɔ wo ye nun.”

2 Mansɛnu 22:13

“Wo ta Mari manyinika mabɛ nta nyamanita-mɔgɛnu ye ka a tɛgɛ buku kɛ karanla ko ma. Mari ara diminya ma ma bawo ma fanu ma tagama iko a sɛbɛnɛ buku kɛ rɔ nya min.”

2 Mansɛnu 5:5

Mansɛ wo ya kɛdi do don a bolo, a ko, “Ta kɛ la, i ni a don Isirɛla mansɛ bolo.” Min sɛbɛnɛ kɛdi wo rɔ, wo le ko, “Nna kɛlɛ-den-kunyɛ le kɛ la min tɔgɛ Neyaman. A sɔgɛ ye n na, i ni a dandan n ye.” Neyaman ya wodi-gbɛ bi minna gbiliyɛ anubɛ fui-fan bɔrɔ loli rakɛn de! A ya sɛnɛ bi minna gbiliyɛ anubɛ fui-fan bɔrɔ kelen rakɛn de! A ya fɛrɛya-bɔ-hakika tan fanan bi ka ta wonu na a bolo Isirɛla mansɛ wara.

Aiseya 5:5

“N bi kɛ le mala nna nakɔɛ rɔ ki-fannu kɔrɔ. A sansannɛ min na, n ni wo tinya. N si a ma, sogenu ni nakɔɛ kɛ firan fiya!

Aiseya 57:1

Telenbagɛnu bi fagala kɔnɔ mɔgɛnuna ko sa anuna ko rɔ. Alla wa mɔgɔ-nyimɛnu niyi bi tumɛ min, mɔgɛnu ti a lɔn Mari le wara anu bɔ ko-yogomɛnu da kun tɔ.

Yɛrɛmaya 11:11

Mari ko a ti mɛ tun, a si kasarɛ lana wole, Yuda mɔgɛnu kuma, wo ti ke wo burila min kɔrɔ. A ko wo si to dila a dala wo dɛnbɛn-koe la kɔnɔ a ko a ti wo denkun.

Yɛrɛmaya 11:19

N mani de anu yala nun iko anu bi saga-den-makimanɛ min kan-natɛgɛ-koe rɔ. N ma a lɔn nun ko anu si yanfɛ don n ma. Anu bi a fɔla ko, “Ma ni kɔlɔma kɛ anubɛ a gbɔɛ kasara. Ma ni a faga. Wo si a ma, mɔgɛnu ni nyina a ko salon!”

Yɛrɛmaya 18:18

Nde, Yɛrɛmaya ban kɛ fɔla, wole ko, “Wo na, ma ni ko-rabɛn-kɛ Yɛrɛmaya kan ma. Saraka-masɔlɛ donu si taran a gbɛ rɔ ka ma labila. Hɛnkilimɛ donu si to ma hɛnkili kɔla. Nɛbinu si to Marita kumɛ dila ma ma. Ma mako sa Yɛrɛmaya kɛ la tun. Ma ni ta a la mɔgɔ-banu yakɔrɔ. Ni a ya fenfen fɔ, ma kana ma tole masɔ wo la.”

Yɛrɛmaya 19:15

Mari Sɛnbɛ-Bɛɛ-Tigi, Isirɛlata Alla ko a si kasarɛ lana Yerusalɛm anubɛ a dafɛ-soenu ma. A ti mɛ tun. A ye kɛ fɔla le bawo wo ara wo yisi gbɛlɛya ka wo tengberenya.

Yɛrɛmaya 19:3

wole, Yuda kun-tiginu anubɛ Yerusalɛm so-burɔ-mɔgɛnu ni wo tole masɔ Marita sarakanɛ kɛ la. Mari Sɛnbɛ-Bɛɛ-Tigi, Isirɛlata Alla, kɔni, wo ko a si kasarɛ lana kan-tinɛ kɛ rɔ tiriya! Mɔgɔ-wo-mɔgɔ wa kasarɛ wo wara-koe lamɔɛn, wo kun ma si kɔ.

Yɛrɛmaya 25:2

Nde, Yɛrɛmaya ya a fɔ wole, Yerusalɛm so-burɔ-mɔgɛnu anubɛ Yuda nyamanita-mɔgɛ toenu ye ko

Yɛrɛmaya 25:5

Anu ko wo ni fara wola ko-yogomɛnu na. Wo ni tɔn sigi wola karagbɛlɛyɛnu na alako wo siginɛ ni to wo halala-nyamanɛ rɔ Mari ya min di wobɛ wo benbanu ma.

Yɛrɛmaya 26:13

Fɔ wo ni wo kɛ-nya anubɛ wola ko-ladan-nya yɛlɛma. Wo ni wota Mari Alla sako kɛ. Ni wo ya wo ma, ale Mari si a miriya yɛlɛma wo wara la. A ye kasarɛ min nanala wo kan ma, a si tɔn sigi wo la.

Yɛrɛmaya 26:3

Tumado wo si wo tole masɔ ka wo kan-kɔ sɔ wola ko-yogomɛnu na, ado ni wo ya wo ma, a ko a si a miriya yɛlɛma wo kasara-koe ma, a ye min nanala wo kuma wola sɔn-yogoyɛla ko la.

Yɛrɛmaya 3:1

Ni mɔgɛ ya a ban ala musi la ka a yili bɔ, ado musi wo ni ta sunburi ma kei-gbɛrɛkɛ wara, ala kei-kɔrɛ kana a bole sigi a kɔrɔ tun. Ni a sɛgira a ma tun, nyamanɛ la si tinya. Kɔnɔ Mari ko wole Isirɛla mɔgɛnu, wolebɛ wo kenintenu bara yɛlɛnyɛ kɛ siyaman. Nba, kaka, a sɔgɛ ye wole la, wo ni sɛgi ale Mari ma, wa?

Yɛrɛmaya 3:22

Wole telenbɛlɛnu ni sɛgi a ma tun. Wo ni sɛgi a ma. A si wo makoto wola telenbɛlitayɛla ko la. A bɛnta wo ni a fɔ ko, “Ma namatoe le. Mata Mari Alla le ile Mari la.

Yɛrɛmaya 35:15

A ko a ara mɛ ala wɔli-kɛlɛnu sɔla wo wara ala nɛbinu, kɔni, alako wo ni wo fara karagbɛlɛyɛ la ka don ko-latelenni-kɛ rɔ. Anu ya wo lasɛgi bɛsi-kɔ-koe ma alako wo ni a laban nyamanɛ kɛ rɔ, a ya min di wobɛ wo benbanu ma, kɔni. Kɔnɔ a ko hali wo, wo ti wo tole masɔ a la ka a kan to a gbɛ rɔ.

Yɛrɛmaya 36:3

A ko tumado, a ara kasarɛ min tabɛn Yuda kɛnu kan ma, ni anu suira wo ma ka anu bɔ anu sɔn-yogomɛ da-kun tɔ, a si anu makoto anu sɔn-yogomɛ anubɛ anu hakɛ la.

Yɛrɛmaya 36:7

Bawo Mari ara anu tagbɛrɛn ata fondo-bɔɛ la, tumado anu si Mari madiya ka anu bɔ anu gbɛ da la.”

Yɛrɛmaya 4:1

Mari ko ni sɛgi-sɔgɛ ye wole, Isirɛla mɔgɛnu na a ma, nba, wo sɛgi a ma. Kɔnɔ a ko wo ni wola bɛsɛnu nakɛ a rɔ bawo anu gbo a ye. Wo kana ta wo kun fɛ.

Yɛrɛmaya 4:14

Wole Yerusalɛm kɛnu, wo ni ko-yogomɛ bɔ wo yisi rɔ alako wo si na kisi nya min. Wo ni wo fara miriya-yogoma-rabɛn la.

Yɛrɛmaya 4:23

Nde, Yɛrɛmaya ya dugu-kole mafɛlɛn. A rakolɔn filili, ado a pindi-pandi. N ya san-kole mafɛlɛn. Fenfen sa nyɔ fɔ pinpi.

Yɛrɛmaya 4:6

Wo ni tamasere layɛlɛ san ma min si a ma, mɔgɛnu ni Yerusalɛm kilɛ bira. Wo ni wo buri wola kanan-koe la. Wo kana a makɔni bawo a ko a ye kasarɛ lanala ka bɔ kantɔ-wara la. A ko kasarɛ wo si ma kasara-belebele la.

Yɛrɛmaya 51:11

Mari ara Midiya mansɛnu natugu Babilɔn kɛnu ma bawo a miriya sa fenfen ma fɔ ka anu nato. Anu bara a Bato-Bɔn tinya min kɛ, a ye wo le yili-sarɛ la wo la. Midiya kɛlɛ-den-kunyɛnu si a fɔ ko, “Wo ni wola kalabɛnnu nasulen boiboi! Wo ni wola nɛgɛ-lufɛ bira wo bolo tɔ ka wo sɔ-bole rabɛn.

Yɛrɛmaya 7:3

Mari Sɛnbɛ-Bɛɛ-Tigi, Isirɛlata Alla, kɔni, wo ye a fɔla ko wo ni yɛlɛma ka don ko-latelenni-kɛ rɔ. Ni wo ya wo ma, a si sɔn wo ni to sigini yan.

Isikiyɛli 13:22

“Anu bi mɔgɔ-telennɛnu yisi tɔntɔnna a rɔ anuna foninya-kumɛnu na, ado a ma di n ye, mɔgɔ-telennɛ kɛnu yisi ma ni gboya. Anu bi mɔgɛnu manugu-nɛgɛla alako wonu kana na bɔ anu sɔn-yogomɛnu da kɔrɔ bawo ni wonu bɔra anu sɔn-yogomɛ da kɔrɔ, anu si kisi.

Isikiyɛli 18:23

Wole miri ko karagbɛlɛ wa faga, wo di nde, wo Tigi Mari ye, wa? Ade. A di n ye le, a ni ko-yogoma-kɛ boloka alako a ni to a niyi la.

Yona 3:8

Mɔgɛ bɛɛsi ni kasa-kurɛ kɛ a kan ma ka donu kiri anuna kolo-fannu na. Mɔgɛ bɛɛ ni anu sɔn-yogomɛnu boloka ka fara ko-yogomɛnu na. Ma ni Alla matara sɛnbɛ la.

Maika 2:3

“Woletɔ Mari ko minnu bi kɛ sufa mala, a si nyankankantan lana anu kuma ka anu tɔrɔ, anu ti ke anu bɔla min kɔrɔ. Anu si tɔrɔyɛ sɔrɔn. Anu kɔmakɔmɛ si belenna tagamana.

Sakaraya 1:3

Kɔnɔ kaka, a ye a fɔla ko wo ni sɛgi ale Mari ma. A ko ale bɛrɛn si a ya-lamunun wo la.

Kɛwɔlɛnu 26:20

Ka a dabira Damasika ha ka ke Yerusalɛm anubɛ Yudiya nyamanɛ bɛɛ ha sibolo-gbɛrɛnu tɛma, n ya kawandili bɔ wo bɛɛ rɔ. N ya a fɔ anu ye ko anu ni fara hakɛ kɛla ko anu ni na Alla wara. N ko anu ni kɛwɔlɛ wonu kɛ min si a yira ko anu bara yɛlɛma.

Yemesi 4:13

Nba, wo ni wo tole masɔ n kan la. Wole min ko, “Bi, ni wo ma, sina, ma si ta soe do rɔ yilaya-kɛ-tinɛ san kelen ka tɔnɔ-wɛ sɔrɔn.”

Yemesi 5:1

Nba, wole nɔnfulu-tiginu, wo ni wo tole masɔ bɛrɛkɛ! Wo ni gbele-gbelen ka di yakɔrɔ-mamɔɛ wola ko la min bi nala wo yarɔ!