Yɛrɛmaya 18:10 - ALLALA KUMƐ

¹⁰ Kɔnɔ ni a ya a yen, sibole wo ye karagbɛlɛya-koe kɛla, a ko a si a fonde yɛlɛma. A miri ye ko-nyimɛ min ma a ye nun, a ti wo ma tun.

Yɛrɛmaya 18:10 Iomraidhean Croise

Yaburi 125:5

Kɔnɔ i wa karagbɛlɛnu tɔrɔ minnu bara ita kilɛ boloka, i ni wonu fanan tɔrɔ. Alamɛ yisi-kimɛ tora Isirɛla mɔgɛnu ye.

Isikiyɛli 18:24

“Kɔnɔ ni mɔgɔ-telennɛ ya a bɔ ko-nyima-kɛ da kɔrɔ, a ni kisimiriya-ko-kɛ dabira iko karagbɛlɛ doinu bi a mala nya min, mɔgɔ-sufa wo si to a niyi la, wa? Ade! A ara ko-nyimɛ min bɛɛsi ma, wo fenfen bɔrɔ ti taran nde, wo Tigi Mari ye. A si faga ka a tɛgɛ ata telenbɛlitayɛ anubɛ a hakɛla ko ma.

Isikiyɛli 33:12

“Nba, ile hadama-dan, a fɔ Isirɛla mɔgɛnu ye ko mɔgɔ-nyimɛ tenbi hakɛ kɛla, a ara ko-nyimɛ min bɛɛ ma, wo ti a kisi. Ni sɔn-yogoma-tigi ya a bɔ ko-yogomɛ da kun tɔ, a ti tɔrɔ. Ni mɔgɔ-nyimɛ ya a bɔ ala ko-nyimɛ da kun tɔ, a ti to a niyi la.

Isikiyɛli 33:18

Mɔgɔ-telennɛ wa a bɔ ko-nyima-kɛ da kun tɔ ka don ko-yogoma-kɛ rɔ, a si faga ka a tɛgɛ wola ko ma.

Isikiyɛli 45:20

Karɛ wo tele wɔrɔnfilɛ ma, a si wo sufa ma mɔgɛ bɛɛ ye, hali min ma hakɛ kɛ lawuli a ma, ado a sa a kalama. Ni wo ya wo ma, wo si a ma, Bato-Bɔn sɛninyanɛ ni to.

Sɛfanaya 1:6

Minnu bara anu kan-kɔ sɔ Mari la ka anu bɔ aleta kilɛ fɛ, a ko a si wonu bara-koe ban. Anu sa hɛnkili nyinina a bolo tun.

Yilan-Yilan Koe 14:22

nba, anu do-wo-do ti don Kenan nyamanɛ rɔ. Anu damasi ya nna ta-waan wo yen serr! Anu ya kabana-ko-siyaman yen n ya min ma Iyipiti anubɛ n ya min ma wula-da-rakolɔn rɔ. Anu ya a yen, n ya n munyu anu kɔrɔ iko siyaman. Hali wo, anu ma sɔn ka nta kumɛ bira.

Yilan-Yilan Koe 14:23

N ya nyamanɛ min di anu benbanu ma, anu ti don nyɔ rɔ muk! Minnu ya n nafɛya, hali wonu kelen ti don Kenan nyamanɛ wo rɔ mumɛ!

Yilan-Yilan Koe 14:34

Wo si tɔrɔya wo hakɛla ko la. Wo si san bi-nani bɔ, wo ye yilan-yilanna iko wo ya tele bi-nani bɔ nya min nyamanɛ wo mafɛlɛn tinɛ. Wo si na a lɔn ni n bi nya min ni nde sa wo fɛ!

1 Samuwɛli 13:13

Samuwɛli ya a fɔ a ye ko, “I wara yuwaya-koe le ma wo la. Ita Mari Alla ya tɔn minnu di i ma, i ma sɔn wonu bira-koe ma. Ni i ya a sako le kɛ nun, a si a ma, wobɛ i kegeyɛnu ni to mansayɛ la Isirɛla kun na burubukai!

1 Samuwɛli 15:11

“Sɔli kɛ mɛ n bolo mansɛ la, n bara nimisa ala ko la bawo a ara a kan-kɔ sɔ n na ka nna kumɛnu tinya.” Samuwɛli yisi kɔrɔtɔra a ma ha a kira Mari madiyala.

1 Samuwɛli 15:35

Mari nimisara bawo a ara Sɔli ma mansɛ la. Samuwɛli fanan yisi tinyanta Sɔlila ko la, ado a ma Sɔli yen a yɛ la tun ha ale Samuwɛli fagara.

1 Samuwɛli 2:30

“A ko ale Isirɛla mɔgɛnuta Mari Alla ara lanyiri kiri wati-tenbinɛ ko Aruna anubɛ ata denbayɛ si ma ata wɔli-kɛlɛnu na tolon! Kɔnɔ a ko kaka, a ti sɔn wo ma tun. A ko min bi a gbiliyala, ale fanan bi wo le fanan gbiliyala. Min bi a lafɛyala, ale fanan bi wo le tigi lafɛyala.