Yɛrɛmaya 17:26 - ALLALA KUMƐ

²⁶ A Yuda so-mɛsɛ wo, a so-mɛsɛ minnu bi Yerusalɛmna foolɛ rɔ wo, a Bɛnyamɛ nyamanita-mɔgɔ wo, a kɔnkɔ-nyamanita-mɔgɔ wo, a dugula-mɔgɔ wo, wole dama si na sarakɛnu na ale Mari Bato-Bɔn la, a saraka-mintanta wo, a fui-fen-saraka wo, a saraka-suma-diyama wo, anubɛ a baraka-bira-sarakɛnu.

Yɛrɛmaya 17:26 Iomraidhean Croise

Ɛsira 3:11

Anu ya Alla-tanto-bɛtinu bɔ ko, “Alla tanto bawo a kin, ala keninteyɛ ti ban Isirɛla mɔgɛnu bara-la habadan!” Bɛɛ ya a kuli mayɛlɛ anu sɛnbɛ la ka Mari tanto sewɛ la bawo anu bara Bato-Bon-kurukɛ-wɔlɛ laban.

Yaburi 107:22

Fɔ anu ba baraka-bira-sarakɛnu bɔ a ye. A ara ko-nyimɛ minnu kɛ anu ye, fɔ anu ni wonu takaran bɛti-diyamɛnu tɔ.

Yaburi 116:17

N si na baraka-bira-sarakɛnu na i ye ka i madiya.

Yaburi 66:13

N si na saraka-mintantɛnu na i Bato-Bɔn la. N ya lanyiri kiri i kɔ koe min na, n si wo labɔ.

Aiseya 58:13

Mari ko ni wo ya Sulen-Tele bira ka a lɔn tele-sɛninyanɛ la, ado wo sa wo diyana-koenu mala tele wo ma, wo si sewɛ sɔrɔn duk! A ko ni wo ya ala Sulen-Tele wo mabalan, wo ma ta tagama rɔ tele wo rɔ, wo ma wɔli tele wo rɔ, wo ma kun-takolonya-kuma fɔ tele wo rɔ, wo ye wɔlɛ min kɛla Mari ye, a ko wo si ma wo bolo diyɛ la. A ko ale Mari si a ma, wo ni gbiliyɛ sɔrɔn duninya tonke bɛɛ rɔ. A ya nyamanɛ kɛ min di wo benba Yakoba ma, a ko wo si taran wo diya nyɔ. Kumɛ kɛ bɔra Mari karɛ le tɔ.

Yɛrɛmaya 30:19

Wo si to baraka-bira-bɛti bɔla sewɛ la. Wo si to wo diya nyɔ. A ko a si den-siyaman di wo ma, ado wo si to gbiliya-wɛ rɔ.

Yɛrɛmaya 32:44

Mɔgɛnu si anu san ka kɛdi ladan anu nyɔgɔn tɛma. Anu si anu tɔgɛ sɛbɛ a kɔrɔ ka anu mandan sa a ma. Wo kɔma, sereyɛnu fanan si anu tɔgɛ sɛbɛ a kɔrɔ. Kɛ ye mala Bɛnyamɛ bɔnsɔnla nyamanɛ le tɔ anubɛ so-mɛsɛ minnu bi Yerusalɛmna foolɛ rɔ. Kɛ ye mala fanan Yuda nyamanɛ soenu tɔ anubɛ nyɔ-kɔnkɔ-nyamanɛ rɔ. A ye mala fanan Yuda nyamanɛ dugula soenu tɔ anubɛ gburukulinu bi nyamanɛ min tɔ. A ko a si nyamanɛ lasɛgi a tiginu ma tun. Ale Mari kan le kɛ la.

Yɛrɛmaya 33:13

Saga-fɛ-biralɛnu si anuna sagɛnu dan tun. Kɛ ye mala Bɛnyamɛ bɔnsɔnla nyamanɛ le tɔ anubɛ so-mɛsɛ minnu bi Yerusalɛmna foolɛ rɔ. Kɛ ye mala fanan Yuda nyamanɛ soenu tɔ anubɛ nyɔ-kɔnkɔ-nyamanɛ soenu tɔ. Anu si sagɛnu dan fanan Yuda nyamanɛ dugula soenu tɔ anubɛ gburukulinu bi nyamanɛ min tɔ.

Sakaraya 7:7

Wo tumɛ Yerusalɛm sabatinɛ, ado a lafanɛ mɔgɛnu na, Mari ya kuma kelan kɛ le fɔ ala fɔlɔ-nɛbinu ye nun. Wo wati rɔ, mɔgɛnu sigini ma soela foolɛ dɔrɔn tɔ. Anu siginɛ tala ha Iyipiti nyamanɛ dan la anubɛ gburukulinu bi kan min tele-yigi wara la.

Hiburunu 13:15

Nba, ma ye Alla matɔgɔla tuma-wo-tuma min kɛ, ma wa sɔn ata Mariyɛ ma tumɛ min, wo ye sarakayɛ le la Alla ye Yisa baraka rɔ.

1 Pita 2:5

Wo ni wo nyɛrɛ yira iko kuru-nimɛnu alako wole nyɛrɛ ni ma Allala bon-sɛnimɛ dandan la. Wo si wɔlɛ kɛ bɔn wo la ka ma saraka-masɔla-sɛnimɛnu na. Wo si saraka-sɛnimɛnu bɔ min si Alla hɛnɛ Yisa Kirasiti baraka rɔ,

Lankɛnimayɛ 1:5

Hinɛ anubɛ yisi-kimɛ wonu ni na fanan ka bɔ Yisa, Allata-Mɔgɔ-Yabɔnɛ bolo, dɛnkɛninya-sereyɛ, kɔni, ado a fɔlɔtɛ le Yisa la min nawulita ka bɔ furinu tɛma. A ye kun-tigiyɛ kɛla duninya-mansɛnu kun na fanan. A ara ma keni ka ma hɔrɔya mala hakɛnu ma ala sayɛ fɛ.