Yɛrɛmaya 17:25 - ALLALA KUMƐ

²⁵ A ko ni wo ya ata sereya kɛnu bira, min bi mala, wo le kɛ la. Mansɛ minnu bi sigila Mansa Dawuda gbɛ rɔ, wonu si to tenbila Yerusalɛm don-dɛ kɛnu na anubɛ anuna mɔgɔ-banu. Wonu si to kirindinu anubɛ soeenu naburila. Anu si to tala wole, Yuda anubɛ Yerusalɛm nyama tɛma yan. Mɔgɛnu si to sigini Yerusalɛm soe burɔ yan tolon!

Yɛrɛmaya 17:25 Iomraidhean Croise

2 Samuwɛli 7:16

Tɔn ti sigi mamani-koe la, ado mansayɛ ti bɔ a kegeyɛnu bolo muk! Mansayɛ kɛ dan sa!”

2 Samuwɛli 8:4

Kɛlɛ-dan minnu bi soeenu naburila, Mansa Dawuda ya wonu mɔgɔ waga kelen anubɛ mɔgɔ kɛmɛ wɔrɔnfila (1,700) bira. So sa kɛlɛ-dan minnu bolo, a ya wonu mɔgɔ waga mogan (20,000) bira. Soee minnu si ke kirindi kɛmɛ saganna, a ya wonu namara. A toe, a ya wonu kin-kɔma-fasɛnu natɛgɛ.

Bɔ-Koe-Iyipiti 12:14

Wo si to wo mirila tele kɛ ma. San-bo-san, wo si tele kɛ ma ladɛn-tele la nde, Mari ye, ka to kɛ mala habadan!”

Aiseya 9:7

Ata mansaya-dan sa. Yisi-kimɛ le ye ata mansayɛ rɔ burubukai! A si mansayɛ kɛ a kebila Mansa Dawuda gbɛ rɔ. Ka a bi wo wati ma ha tumɛ min di Alla ye, ata mansaya-sɛnbɛ le tɔn-birɛ anubɛ telenbagayɛ la. Mari Sɛnbɛ-Bɛɛ-Tigi ara a wakila wo kɛ-koe ma.

Yɛrɛmaya 13:13

Wo kɔma, a ko n ni wo yabi ko ale Mari si wo bɛɛ ma iko gbɛɛtoe nyamanɛ kɛ rɔ. A ko a mansa wo, Dawuda kegeyɛnu, kɔni, a nɛbi wo, a saraka-masɔla wo, anubɛ a Yerusalɛm kɛ bɛɛ, a ko a ye wole ma kɛ la.

Yɛrɛmaya 22:30

Ale Mari ko a ara ban a latɛgɛla ko fɔ ale Mansa Yɛhoyasin kɔrɔ wa kolonya filili! A wara-koe ti ta yarɔ muk! A kegeya-wo-kegeya ti taran a gbɛ rɔ Yuda nyamanɛ kun na Mansa Dawudata bɔn la. Mari kan le kɛ la.

Yɛrɛmaya 22:4

A ko ni wo ya ale Marita kumɛ bira, mansayɛ ti bɔ Mansa Dawudala bɔn la worɔ, ado min tenbinɛ wo la, wola mansa wo, wola mɔgɔ-ba wo, wonu si to tenbila tenbi-bolɔn la soeenu anubɛ kirindinu na anu bolo. Anu si to tala wole, Yuda anubɛ Yerusalɛm nyama tɛma yan.

Yɛrɛmaya 25:5

Anu ko wo ni fara wola ko-yogomɛnu na. Wo ni tɔn sigi wola karagbɛlɛyɛnu na alako wo siginɛ ni to wo halala-nyamanɛ rɔ Mari ya min di wobɛ wo benbanu ma.

Yɛrɛmaya 33:15

Wo wati rɔ, a si Mansa Dawuda kegeyɛ do ma mansa-latelennɛ la. Wo si to ko-telennɛ kɛla nyamanɛ wo kan tinɛ bɛɛ rɔ.

Yɛrɛmaya 33:17

Ale Mari ko lanyiri le kɛ la ko Isirɛla mansayɛ ti bɔ Mansa Dawudala bɔn la mumɛ!

Yɛrɛmaya 33:21

anubɛ ala wɔli-kɛla, Dawuda ya sarama-kan min kiri anu nyɔgɔn tɛma, mansayɛ ti bɔ mansaya-bɔn la mumɛ! Lifayi bɔnsɔnnu si to mala saraka-masɔlɛnu na a ye tolon, ado sarama-kan wonu ti tinya ni!

Yɛrɛmaya 7:3

Mari Sɛnbɛ-Bɛɛ-Tigi, Isirɛlata Alla, kɔni, wo ye a fɔla ko wo ni yɛlɛma ka don ko-latelenni-kɛ rɔ. Ni wo ya wo ma, a si sɔn wo ni to sigini yan.

Yɛrɛmaya 7:7

Ni wo ya tɔn kɛnu bira, Mari ko nyamanɛ kɛ ti bɔ wo bolo, ado a ya nyamanɛ kɛ le di wo benbanu ma tolon!

Tɔn-Fɔɛ-Fila-Nyɔgɛ 17:16

Wo ye mansɛ min yabɔla ka a sigi wo kuma, a fɔlɔtɛ, a kana a raya ka soeenu nadɛn siyaman ata kɛlɛ-dannu ye. A kana mɔgɛnu nata so san tinɛ Iyipiti bawo Mari ya a fɔ ko Isirɛla mɔgɛnu kana sɛgi nyɔ tun mumɛ!

Hiburunu 12:22

Kɔnɔ wole ara ke Sayɔn kɔnkɛ min ma, Mansa Dawudata kɔnkɛ le wo la anubɛ Alla-nimɛta soe, Yerusalɛm min bi Arinyɛni tɔ, kɔni. Allata melika waga siyamɛ minnu nadɛnnɛ nyɔ, sewɛ ye wonu yisi rɔ.

1 Samuwɛli 8:11

A ya a fɔ anu ye ko, “Wo ye mansɛ min sɔrɔnna, a ye wo birala ka le. A si wola den-keinu bi ka anu ma kɛlɛ-dannu na. Donu si kɛlɛ kɛ kirindi la. A si a ma, donu fanan si kɛlɛ kɛ soee la. Donu fanan si anu buri ala kirindinu yarɔ ka ta kɛlɛ-kɛ-tinɛ.