Yɛrɛmaya 17:20 - ALLALA KUMƐ

²⁰ N ni a fɔ wo ye nyɔ ko wo ni wo tole masɔ Marita kumɛ la. Wole Yuda mansɛnu ni wo tole masɔ. Wole Yuda mɔgɛ bɛɛ min bi wo kunyɛ ladonna Yerusalɛm don-dɛ kɛnu na, wo ni wo tole masɔ.

Yɛrɛmaya 17:20 Iomraidhean Croise

Yɛrɛmaya 13:18

Mari ya a fɔ n ye ko n ni kɛ fɔ Yuda mansɛ anubɛ a na ye. A ko anu ni anu nasɔ anuna mansaya-waganɛ rɔ. Anuna mansaya-fulɛ si bɔ anu kunyɛ la.

Yɛrɛmaya 17:19

Mari ya a fɔ nde, Yɛrɛmaya ye ko n ni ta n sɔ Yerusalɛm soe don-da-wɛ la, wole Yuda mansɛnu bi tenbila min tɔ. A ko n ba bɔ nyɔ, n ni ta sɔ Yerusalɛm don-dɛ doinu na.

Yɛrɛmaya 19:3

wole, Yuda kun-tiginu anubɛ Yerusalɛm so-burɔ-mɔgɛnu ni wo tole masɔ Marita sarakanɛ kɛ la. Mari Sɛnbɛ-Bɛɛ-Tigi, Isirɛlata Alla, kɔni, wo ko a si kasarɛ lana kan-tinɛ kɛ rɔ tiriya! Mɔgɔ-wo-mɔgɔ wa kasarɛ wo wara-koe lamɔɛn, wo kun ma si kɔ.

Yɛrɛmaya 19:4

A ko a ye wo mala le bawo wole, Yuda mɔgɛnu bara wo kan-kɔ sɔ a la. A ko wo ara kan-tinɛ kɛ ma bɛsi-kɔ-tinɛ la ka saraka-mintantɛnu mintan wola bɛsɛnu ye nyɔ, ado wo benbanu wo, wola Yuda mansɛnu wo, wole wo, fɔlɔ nun wo do-wo-do ma bɛsɛ wonu kɔ. A ko a ya a ma, kan-tinɛ kɛ la ara fa mɔgɔ-yele la minnu ma ko tinya.

Yɛrɛmaya 21:11

Mari ko n ni sarakanɛ kɛ latenbi wole, Yuda mansaya-bɔn la, Dawuda kegeyɛnu, kɔni. Mari ko wo ni wo tole masɔ a kan la. Wo ni to ko-latelennɛ kɛla tolon! Mɔgɛ min kensunnɛ, wo ni wo latanka a kensunte ma. Ni wo ma wo ma, a ko ata fondo-labɔɛ si ma iko tɛ min si mintanni kɛ a yisi ma, ado tɛ wo dufen-nya sa.

Isikiyɛli 2:7

Nde ye min fɔla i ye, i ye tala wo le fɔla anu ye dɔrɔn, a biranɛ anubɛ a birabɛlɛ anu bolo bawo anu murutiyanɛ le.

Isikiyɛli 3:17

“Ile hadama-dan, n bi i sigila Isirɛla mɔgɛnu kuma ka anu fɛ-bira. N ba min fɔ i ye, i ye anu makawandila wo le la.

Hoseya 5:1

“Wole saraka-masɔlɛnu, wo ni wo tole masɔ. Wole Isirɛla kun-tiginu, wole fanan ni wo tole masɔ. Wole min bi mansa-bɔn la, wo ni wo tole masɔ. Wo si kiti sɔrɔn bawo a bɛnta, wo ni kiti sa telenbagayɛ la nun. Wo ye bɛsi minnu kɔla Misipa soe burɔ, wo mara gbɛrɛ la mɔgɛnu ye. Wo ara ma donsoya-yalɛ la Tebɔ kɔnkɛ kuma.

Emɔsi 4:1

Wole Samariya musu-ba-kunbanu Basan nyamanɛ rɔ, wo kunbayanɛ iko bɔrɔkɛ. Wo ni wo tole masɔ. Wo sa fɛlɛtenɛnu anubɛ bolo-kolɔnnu birala a kin na! Wo ye wola keinu fɔrɔsɛla alako anu ni to nala baan la wo ye tuma-wo-tuma.

Maika 3:1

Nde, Nɛbi Maika ko, “Wole Isirɛla kun-tiginu, wo ni wo tole masɔ! A bɛnta, ko-latelenni-hɔnya ni sigi wo la.

Lankɛnimayɛ 2:29

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la!’