Yɛrɛmaya 17:12 - ALLALA KUMƐ

¹² Kebi fɔlɔ, mala Bato-Bɔn ye gbiliyɛ rɔ bawo Marita mansaya-waganɛ le nyɔ la.

Yɛrɛmaya 17:12 Iomraidhean Croise

Yaburi 103:19

Mari ya ata mansaya-waganɛ sigi san-kole rɔ. Ale le mansayɛ la fan bɛɛ kun na.

Yaburi 96:6

A mayiginɛ kinyɛ anubɛ gbiliyɛ tɛma. Ala Bato-Bɔn lafanɛ sɛnbɛ anubɛ nyimayɛ la.

Aiseya 6:1

Mansa Yusaya ya so-sɛgi-kɛ san min na, n ya Mari yen ko-rayirɛ rɔ. A mayiginɛ ala waganɛ rɔ san ma, ado a gbiliyanɛ. Ala mansaya-duruki ya a Bato-Bɔn lafa pen!

Aiseya 66:1

Mari ko ata mansaya-waganɛ le san-kole la. A tontɛ rasagan tinɛ le dugu-kumɛ la. Wole lara a la, wo si ke nfen bon-sufa sɔla ale ye? A ko a si a sulen kan-tina-nyuman tɔ?

Yɛrɛmaya 14:21

Ka a tɛgɛ i nyɛrɛ ma, i kana ma kɔn. Gbiliyɛ min bi ila mansaya-waganɛ rɔ, i kana wo gborondo. I ni i fonde lamiri ita sarama-kan ma ma tɛma. I kana na i waralɛ tinya.

Yɛrɛmaya 3:17

Wo wati wa ke tumɛ min, mɔgɛnu si Yerusalɛm kele ko, “Marita mansaya-waganɛ.” Sibole bɛɛ kun si dɛn nyɔ ka a bato. Sibole wonu ti bila anuta tolo-gbɛlɛyɛ anubɛ anuta sɔn-yogoya-kilɛ fɛ tun.

Isikiyɛli 1:26

N ya fan do yen fan wo fanan kuma nyɔ rɔ. Wo mani de iko mansaya-waganɛ min nadannɛ kuru-da-gbɛlɛ-bilolamɛ la. Min siginɛ waganɛ wo rɔ, wo mani de iko hadama-dan.

Isikiyɛli 43:7

“Ile hadama-dan, nta mansaya-waganɛ le bɔn kɛ la. N si sigi yan Isirɛla mɔgɛnu tɛma ka to anu kun na yan tolon! Ka bɛsɛnu kɔ wo, ka anuna mansɛnu togon yan bara la wo, wo do-wo-do ti n tɔgɔ-sɛnimɛ lafɛya tun, a mara a Isirɛla mɔgɔ la wo, a mara a mansa la wo.

Matiyu 25:31

“Nde, Hadama-dan wa na nta mansayɛ rɔ tumɛ min nta melikanu fɛ, n si n sigi nta mansaya-sigi-fan rɔ.

Hiburunu 12:2

Ma ni la Yisa la dɛɛ bawo ale le ye mala dɛnkɛninyɛ dabirɛ anubɛ ala ban la. A ma a ban faga-koe ma kɔlɔma ma! Miliyɛ wo bɔrɔ ma taran a ye. A fonde latɛgɛnɛ sewɛ wola ko la min siginɛ a yarɔ, ado a siginɛ Alla kɔɛn-nyimɛ rɔ kaka.

Hiburunu 4:16

Ma ni na ma sɔ Alla yakɔrɔ yisi-latɛgɛ la. Ma si kinikinɛ anubɛ hinɛ sɔrɔn nyɔ le. Ma makoe wa bila fenfen na tumɛ min, a si ma dɛnbɛ wo la.

Lankɛnimayɛ 3:21

Min ba nɔlɛ kɛ, n si sarati di wo ma alako a ni sigi n dafɛ nta mansaya-sigi-fan rɔ. Nde fanan ya nɔli kɛ ka sigi n fa Alla fɛ wo nya na le n fa Allata mansaya-sigi-fan rɔ.