Yɛrɛmaya 17:11 - ALLALA KUMƐ

¹¹ Kona wa kɛwɔli do latii ale ma min sa, wo mani de iko mɔgɛ wa ma-a-la kensunteyɛ rɔ. Mɔgɛ wo siyi wa tala a tɛma, ala nɔnfuli bɛɛ si ban. Yanni a siyi ni ban, bɛɛ si a lɔn kuntan la.

Yɛrɛmaya 17:11 Iomraidhean Croise

Yobu 20:21

A ara fan dɔn ha, fenfen sa a si min dɔn tun. Woletɔ ala sabatiyɛ ti mɛ!

Yaburi 49:13

I yɛ lata mɔgɔ-sufa wonu ma minnu yigi sanɛ anu nyɛrɛ rɔ. Minnu yigi sanɛ anuna nɔnfuli kuma, wo ni anu naban-bole mafɛlɛn.

Yaburi 55:23

E, Alla, i si mɔgɔ-fagalɛ anubɛ foninya-fɔlɛnu natosokɔrɔ lakira hali anu siyi ma ban. Kɔnɔ nde lanɛ ile la.

Hɛnkilimaya-Kumɛnu 13:11

Mɔgɛ ye wodi min sɔrɔnna yanfanteyɛ la, fɔnyɔ le ye sigila wodi wo kɔrɔ. kɔnɔ min bi wodi ladɛnna doni-doninyɛ ma, wola nɔnfuli si siyaya a bolo ka sabati.

Hɛnkilimaya-Kumɛnu 15:27

Tɔnɔ-yogoma-nyininɛ si nanparan lana a kebilɛ kuma kɔnɔ min ti sɔn dogonta-fan la, wo si simayɛ sɔrɔn.

Hɛnkilimaya-Kumɛnu 21:6

Mɔgɛ ye nɔnfuli min nyinina foninyɛ rɔ, nɔnfuli wo si a boloka tiriya, ado a si ma gbɛrɛ la a ye ka a faga.

Hɛnkilimaya-Kumɛnu 23:5

Ni i ya wo ma, ila wodi si gban i bole tɔ iko kokɛ si gban nya min ka ta a ye pon!

Hɛnkilimaya-Kumɛnu 28:16

Kun-takolɔn wa kun-tigiyɛ sɔrɔn, a si wunduyogoyɛ sigi mɔgɛnu ma. Kɔnɔ ni mɔgɛ ya a kan-kɔ sɔ kensunya-fannu na, a si simayɛ sɔrɔn.

Hɛnkilimaya-Kumɛnu 28:20

Lanaya-mɔgɛ si duwɛ sɔrɔn boi, kɔnɔ wodi-kalama-nyininɛ anubɛ tɔrɔyɛ ti fara.

Hɛnkilimaya-Kumɛnu 28:22

Mɔgɛ min bi hɔnna a nyɛrɛ la alako a ni wodi sɔrɔn tiriya, a ma a lɔn ko bolo-kolonyɛ ye a makɔnɔna yarɔ.

Hɛnkilimaya-Kumɛnu 28:8

Ni mɔgɛ ya tɔnɛ nyini a ta-nyɔgɛnu kuma ka ma nɔnfulu-tigi la, ala nɔnfuli wo si to mɔgɔ-hakikɛnu ye minnu bi hinala bolo-kolɔnnu na.

Yɛrɛmaya 22:13

Mari ko gbalo ye ale mansɛ ma, ale min bi ala bolɔn sɔla wunduyogoya-fan rɔ. A kɛnɛna mɔgɛnu bole labirala alako a ni ala bolɔn lakoloya. A ye a fɔla ko a si bolon-ba-belebele sɔ a nyɛrɛ ye. San-bɔn wo konkonu si ma fulan! A si wundan-ba-dɛgbɛnu sɔ ka sida-fɛrɛnnu sa a dandan ma tala. A wa ban, a si nɛrɛ-wulan nɔrɔn a ma. Kɔnɔ a ye ala mɔgɛnu nawɔlila, a sa fenfen dila anu ma. Hali fen-yantarani, a ti a di anu ma.

Yɛrɛmaya 22:17

Kɔnɔ a ko ale Mansa Yahoyakim, kensunya-fen-sɔrɔn, wo le dɔrɔn bi a hɛnɛna. Ka to hɔnna a nyɛrɛ la tolon, wo di a ye kosɛbɛ! Mɔgɛ min ma ko-yogomɛ ma tele-kelen-bɛrɛni, a si wo faga. A ye a lagbɛlɛyala mɔgɛnu kuma.

Yɛrɛmaya 6:13

A mɔgɔ-ba wo, a fɛlɛteni wo, wo bɛɛ sokesoke wodi-sɔrɔn-koe rɔ. A nɛbi wo, a saraka-masɔla wo, wo bɛɛ siginɛ foninyɛ le ma.

Yɛrɛmaya 8:10

Mari ko a si anuna musinu di kei-gbɛrɛkɛnu ma. A si anuna wɔli-kɛ-tinɛnu di mɔgɔ-gbɛrɛkɛnu ma. A mɔgɔ-ba wo, a fɛlɛteni wo, anu dama sokesoke wodi-sɔrɔn-koe rɔ. A nɛbi wo, a saraka-masɔla wo, wo bɛɛ siginɛ foninyɛ le ma.

Emɔsi 3:10

“Mari ko wo si a yen, anu bi anuna bon-hakikɛnu nafala kankanya-fannu na. Anu bi buila mɔgɛnu ma ka fan wonu bi anu bolo. Anu ma telenbagaya-kilɛ lɔn muk!

Maika 2:9

Wo ye bɔnnu bila kɛɛ-musinu bolo kensunteyɛ la. A bɛnta, wonuna dannu ni minnu sɔrɔn Mari bolo, wo ara wonu bɔ kelennɛ wonu bolo wola kensunteyɛ la feu!

Maika 7:3

Ko-yogoma-kɛlɛnu karan-mɔgɛ le wole la. Wola kun-tiginu anubɛ wola kiti-salɛnu bi dogonta-fannu makelela mɔgɛnu bolo kiti-sa-tinɛ. Sɛnbɛ ye minnu na, wonu bi yanfɛnu donna mɔgɛnu ma.

Sɛfanaya 1:9

Minnu si sibolo-gbɛrɛnuta namunyɛ bi bɛsi-kɔ-tinɛ, wonubɛ minnu bi mɔgɔ-fagɛ anubɛ kankanyɛ kun na alako anu ni anu tiginuna bɔnnu nafa, Mari ko a si wonu tɔrɔ.

Sakaraya 5:4

Mari Sɛnbɛ-Bɛɛ-Tigi ko dankɛ wo si don wonuna bɔnnu na ka a bon-kɔlɔmanu keri anubɛ a bon-kuri minnu siginɛ anu nyɔgɔn kuma. Digi Yen-Koe

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Matiyu 23:13

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, Alla min bi Arinyɛni tɔ, wo ara ata mansayɛ don-dɛ sɔgɔ mɔgɛnu yarɔ. Kɔnɔ wole fanan ti don, ado mɔgɛ minnu bi anu tayala don-koe ma, wo ti sɔn wonu ni don. [

Luka 12:20

Kɔnɔ Alla ya a fɔ a ye ko, ‘Ile kuntan, bi suyi nyɛrɛ rɔ, wobɛ i niyi si fara wo nyɔgɔn na. Wo kɔma, i wara fan minnu namara i nyɛrɛ ye, wonu si ma yontɛ la gbɛ?’ ”

1 Timoti 6:9

Kɔnɔ minnu bi a fɛ ka ma nɔnfulu-tigi la, wonu si bui nata-yogoma-su bɛɛ rɔ. Yuwaya-koe anubɛ sɔn-yogoma-siyamɛ si ma gbɛrɛ la anu ye. Wonu bi nala buila ka don nyɛrɛ-tinya anubɛ halaki-koe rɔ

Taita 1:11

A bɛnta, i ni anu nakala anuna kumɛ ma bawo anu bi denbaya-siyaman tinyana karan wo fɛ. Anu bi wo mala wodila ko la, ado miliya-koe le wodi-makele-koe wo la.

2 Pita 2:14

Anu ba musu-wo-musu yen, anu bi nyinina wo ma. Nata-yogomɛ min bi anu yisi rɔ, wo ti anu wasa mumɛ! Mɔgɛ minna dɛnkɛninyɛ sɛnbɛ sa, anu bi wonu nadonna hakɛ rɔ iko gbɛrɛ-lasiginɛ. Anu burɛ lafanɛ nata la, ado anu bi Allala dankɛ kɔrɔ!

2 Pita 2:3

Ka a tɛgɛ foninya-karan-mɔgɛ wonuna wasabɛlitayɛ ma, anu si to tɔnɛ sɔrɔnna wo kuma anuna foninya-kumɛnu fɛ. Anuna kiti-tɛgɛlɛ rabɛnnɛ le, bi ma, ado anu halakiyi ye a yɛ la feu!