Yɛrɛmaya 17:1 - ALLALA KUMƐ

¹ Mari ko wole, Yuda mɔgɛnu, wo ara hakɛ minnu kɛ, wonu gbɛni de mɔgɛnu ye. A mani de iko mɔgɛ wa fen sɛbɛ nɛgɛ la farɛ ma. Wo hakɛ mani de iko anu sɛbɛra saraka-mintan-tinɛ bolon nanɛ ma.

Yɛrɛmaya 17:1 Iomraidhean Croise

Hɛnkilimaya-Kumɛnu 3:3

I kana i bɔ keninteyɛ rɔ, wo kɔma, i kana lanayɛ boloka. Wonu ni ma ila kan-na-fan la ka anu sɛbɛ i yisi rɔ.

Hɛnkilimaya-Kumɛnu 7:3

Nna karan-lamaranɛ ni to i yisi rɔ tuma-wo-tuma. Anu fɛ kana yanya i la.

Aiseya 49:16

Mari ko a ti nyina male Yerusalɛm kɛnu ko hali! A ara ma tɔgɛ sɛbɛ a kɔɛn burɔ gbarr!

Yɛrɛmaya 11:13

Soe min nyɔgɔn ye Yuda nyamanɛ rɔ, wo le nyɔgɔn bɛsɛ ye wo bolo. Wo ara saraka-mintan-tina-siyaman nadan wola kisimiriya-bɛsɛ Beyali ye. Kila-kunyɛ min nyɔgɔn bi Yerusalɛm soe burɔ, wo le nyɔgɔn saraka-mintan-tinɛnu bi nyɔ.

Yɛrɛmaya 2:22

Nde, wo Tigi Mari ko hali wo ya soda bi ka wo ku a la, hali wo ya sefini-siyaman yogobɔrɔ wo ma, wo hakɛ ye a yirala ko wo kɔsɔnɛ.

Yɛrɛmaya 31:33

A ko sarama-kan-kurɛ min bi taranna anubɛ wole, Isirɛla mɔgɛnu tɛma, wo le kɛ la. A ko a si ata tɔnnu sɛbɛ wo yisi rɔ. Ale si ma wota Alla la. Wole si ma ata mɔgɛnu na.

Yɛrɛmaya 4:14

Wole Yerusalɛm kɛnu, wo ni ko-yogomɛ bɔ wo yisi rɔ alako wo si na kisi nya min. Wo ni wo fara miriya-yogoma-rabɛn la.

Hoseya 12:11

Hali wo, wo ye bɛsɛnu kɔla Kaliyadi nyamanɛ rɔ. Min bɛɛ ye wo kun na, n si wo bɛɛ faga tɛrr! Wo ye turɛnu mala sarakɛnu na wola bɛsɛnu ye Kiligali soe burɔ kɔnɔ wola saraka-mintan-tinɛ wonu si ma kuru-ladɛnnɛnu na gbɛkole ma tala.”

Hoseya 7:2

N miriya sa wo la ko nde, Alla si wo bira wo yili la. Wo hakɛ mininɛ wo ma iko gbɔfɛ, ado wo hakɛ gbɛnɛ n yɛ la feu!”

Hoseya 8:11

“Wole Isirɛla mɔgɛnu bi tola saraka-mintan-tinɛnu nadanna nya min wo hakɛ makoto-koe ma, wo ye tola hakɛ-kɛ-tinɛnu nasiyayala wo nya na le.

Saraka-Masɔlɛnuta Tɔnnu 4:25

Saraka-masɔlɛ si a bolo-nɔlɔnɛ layigi baa-yele wo rɔ ka do sosa isɛnti mintan tinɛ bolon nanɛ wo kuma ka a toe rawuya dugi ma saraka-mintan-tinɛ kɔrɔ.

Sakaraya 7:12

ka wo yisi gbɛlɛya iko kuri bawo a ko ale Mari Sɛnbɛ-Bɛɛ-Tigi ya ala nɛbinu nana ka wo karan min ma ata Niyi baraka rɔ, wo ma sɔn wo bira-koe ma. Woletɔ ale fonde bɔnɛ.

2 Kɔrɛnti 3:3

A ara gbɛ feu, ko Kirasiti-nyɛrɛ le ya kɛdi kɛ sɛbɛ ka a don ma bolo. A ma sɛbɛ duwa-yi anubɛ kalɛ la. A sɛbɛnɛ Alla nimɛla Ni-Sɛnimɛ le la, ado a ma sɛbɛ kuru-walan ma. A sɛbɛnɛ mɔgɔ yisi le tɔ.