Yɛrɛmaya 16:18 - ALLALA KUMƐ

¹⁸ A ko wole, Yuda mɔgɛnu ya karagbɛlɛyɛ min bɛɛ ma, a si wo yili sara wo la ka wo tɔrɔ hakɛ wo la iko fila fila. A ko a si wo ma bawo wo ara nyamanɛ latinya wola kisimiriya-bɛsɛnu na, ado wo ara ale Marita nyamanɛ kɛ lafa bɛsɛnu na pen!

Yɛrɛmaya 16:18 Iomraidhean Croise

Yaburi 106:38

Dan minnu sa ko kalama, anu ya wonu faga. Mɔgɔ-fagɛ wo ya nyamanɛ wo rakɔsɔ.

Aiseya 24:5

Duninya la ara tinya bawo mɔgɛnu bara Allata tɔnnu tinya ka ata habadan-sarama-kan boloka.

Aiseya 40:2

N ni Yerusalɛm kɛnu manugu-nɛgɛ. Anu bara tɔrɛ min kɛ, wo da ra ara kolo, ado anu hakɛ ma ara koto le gbɛ! Mari ko a bɛnta, tɔrɔya sufa min ni sigi anu ma, a ara ban wo sigila anu ma.

Aiseya 61:7

Wola miliyɛ si a laban wo bolo fen-tigiya-wa-belebele ma. Fen-tigiyɛ wo si a ma, wo ni sewa-belebele-wɛ kɛ. Mari si wola nyamanɛ kɛ nyɔgɔn fila di wo ma tun. Tɛtɛgɛ-wo-tɛtɛgɛ ti taran wola sewɛ la muk!

Aiseya 65:6

A ko wo ni wo yɛ lata min sɛbɛnɛ a yakɔrɔ. A ti ke a muinna wo ma. A si a tayili sara wo bɛɛ la. A si wo tɔrɔ wo hakɛla ko la.

Aiseya 65:7

Ka a tɛgɛ wo benbanu hakɛ anubɛ wo hakɛ ma, Mari ko a si wo tɔrɔ. Wo benbanu ya isɛnti mintan bɛsɛnu ye kɔnkɛnu kun tɛma. Anu ya a ma, a miliyara kɔnkɛnu ye. Woletɔ a ye anu tɔrɔla iko a bɛnta, anu ni tɔrɔ nya min.

Yɛrɛmaya 17:18

Minnu bi n yakɔrɔ-mamɔla, alamɛ wonu yarabira miliyɛ bolo pɔ! I yandi, n Mari, i kana n namiliya. Anu kumakɔ n ye kɔnɔ i kana sɔn, nde kun ma ni kɔ. Alamɛ i ya kasarɛ sigi n yogenu ma. I ni anu tinya ka anu tabunden n ye iko kɔrɛ.

Yɛrɛmaya 2:7

Mari ko a tara anu na nyamani-diyamɛ rɔ alako anu si nyɔ dɔn-fan-diyamɛnu dɔn. Kɔnɔ hali wo, anu ya ala nyamanɛ wo latinya. Anu ya nyɔ ma nyamani-magboyanɛ la Mari ye.

Yɛrɛmaya 3:9

ado a sɔn-yogomɛ wo bɔrɔ ma taran a ye. Woletɔ nyamanɛ wo sɛninyani ma tun. A ara farɛ anubɛ kɔlɔma kɔ min kɛ, wo mani de iko anu ya yɛlɛnyɛ kɛ,

Yɛrɛmaya 44:4

Mari ko a taranta ala wɔli-kɛla-nɛbinu nanala wo ma ka wo makawandi ko-yogomɛ kɛnu wara-koe ma min gbo a ye ha ka a dan-natenbi.

Yɛrɛmaya 7:30

Mari ko fenfen min yogo, wole Yuda kɛnu diyana-koe le wo la. Ale ya a bato-tinɛ min yabɔ wole, ata mɔgɛnu ye, wo ara ta wola kisimiriya-bɛsɛnu sɔla nyɔ. Wo ara kan-tinɛ wo latinya feu!

Isikiyɛli 11:18

Anu ba sɛgi Isirɛla nyamanɛ rɔ tumɛ min, anu bi bɛsi-makɔsɔnɛ minnu taranna nyɔ rɔ, fɔ anu ni wo bɛɛ kasara pɔ!

Isikiyɛli 11:21

Kɔnɔ bɛsi-makɔsɔni-batoe di minnu ye anubɛ ko-yogoma-su bɛɛ, n si wonu dama tɔrɔ. N si anu tɔrɔ ka a tɛgɛ anu bara min ma n na. Nde, wo Tigi Mari kan le kɛ la.”

Isikiyɛli 36:18

Anu bara fagalɛ min kɛ nyamanɛ rɔ ka nyamanɛ latinya bɛsi-kɔ-koe la fanan, anu ya nna fanka dan-natenbi lɔn wo le ma.

Isikiyɛli 5:11

“Woletɔ nde, wo Tigi Mari ko wo ara n Bato-Tinɛ latinya kisimiriya-ko-ladan la. Fananta n bi n niyi la, fɔ n ba wo malanfan de serr! Hali wola hinɛ pe, a ti don n tɔ!

Hoseya 9:7

Wo tɔrɔ-wati ara ke. Wo si wotɛ sɔrɔn iko a bɛnta wo ni a sɔrɔn nya min. Wo tumɛ wa ke, wole Isirɛla mɔgɛnu si a lɔn yati, ko wo tɔrɔya-wati ara ke. Wo ye a fɔla ko, “Nɛbi kɛ, yuwɛ le kɛ la.” Wo hakɛ da ara koloya min kɛ, woletɔ n gboyanɛ wo ye dɔgɔma-ma-de!

Saraka-Masɔlɛnuta Tɔnnu 26:30

Wo si wola isɛnti mintan wola bɛsɛnu bi kan min, nde si kan tinɛ wonu tinya ka wo furinu nakɛ wola bɛsi-tinyanɛ wonu kuma. Wo wara-koe si gboya n ye.

Maika 2:10

Mari ko wole kensunte-kɔrɛnu, wo ni wo bɔ yan, wo ni ta pon! Wo sigi-tina sa yan tɔ tun, wo si taran wo diya kan min. Wo hakɛ ara a ma, kan-tinɛ kɛ ara tinya pɔ!

Lankɛnimayɛ 18:6

Wo ni a bira iko a ya wo bira nya min. Wo ni wo tayili sara kinyama fila ala wɔli-yogomɛ wola ko la. A ya minni-fen-kunayanɛ min tabɛn wo ye, wo ni ala yi-lafɛ lafa wo nyɔgɔn fila la a ye.