Yɛrɛmaya 15:6 - ALLALA KUMƐ

⁶ Mari ko wole, Yerusalɛm mɔgɛnu bara wo ban a la, ado wo ye tola tala le tun. Wo sa wo yɛ lasɛgila. Woletɔ a ko a ye wo dan labirala ka wo tɔrɔ. A ko wola koe min nakɔlɔn-kɔlɔnnɛ a burɔ, a ti ke wo birala-a-rɔ tun.

Yɛrɛmaya 15:6 Iomraidhean Croise

Aiseya 1:4

Wole Isirɛla mɔgɛnu, hakɛ-tigi anubɛ ko-yogoma-kɛlɛnu le wole la. Gbalo ye wo kuma. Wola hakɛ ye tala wo lasɛgila wo kɔma. Wo ara wo ban Mari la, Isirɛlata Alla-sɛnimɛ, kɔni. Wo ara wo kan-kɔ sɔ a la.

Aiseya 28:13

Wo le ya a to, Mari nyɛrɛ si to wo raforongbanna doni-doninyɛ ma. Wo wati rɔ, min ba kin-fa-kelen bi, wo si tonko-tanka. Wonu si wo tanban ka ta wo la pon!

Aiseya 31:3

Hadama-dan le Iyipiti kɛnu na dɔrɔn. Alla ma anu na. Soee dɔrɔn de anuna soeenu na. Mari wa ata sɛnbɛ lawɔli, nyamani-sɛnbɛmɛnu si tii mɛmɛ! Nyamani-nɛ minnu dunnɛ nyamani-wɛnu na anu dɛnbɛn-koe la, wonu fanan si tii nya-kun-kelen tɔ.

Yɛrɛmaya 1:16

N bi nna mɔgɛnu tɔrɔla nya min, n si wo ragbɛ anu ye. N si anu tɔrɔ bawo anu bara hakɛ kɛ ka anu kan-kɔ sɔ n na. Anu bi bɛsɛnu nadanna ka nta sarakɛnu di anu ma, ado anu bi bɛsɛ wonu nadanna anu bole nyɛrɛ-nyɛrɛ le la.”

Yɛrɛmaya 13:14

A ko a si a ma, wole Yuda mɔgɛnu ni to tonko-tankanna ka bui wo nyɔgɔn kuma. Den wo, fa wo, bɛɛ si bui a nyɔgɔn kuma. A ko wola hina-wo-hina ti don ale tɔ. A ko ata hinanteyɛ ti a ma, wo ni to wo niyi la.

Yɛrɛmaya 2:13

A ko wole, ata mɔgɛnu bara hakɛ-su fila kɛ. A fɔlɔtɛ, wo ya wo kan-kɔ sɔ ale Mari la, ale min bi tenke-nyimɛ la wo ye, kɔni. A fila nyɔgɛ, wo ara bila bɛsi-gbɛrɛkɛnu fɛ minnu manɛ iko mɔgɛ wa yi kɛ bɔnku-daga-ratiinɛnu tɔ.

Yɛrɛmaya 2:17

A ko wo nyɛrɛ gbɛ le wo la, yɔ! Wo mara bawo wo ara wo kan-kɔ sɔ ale wota Mari Alla la wo tumɛ a sɔnɛ wo yarɔ wulɛ rɔ.

Yɛrɛmaya 2:19

A ko wola karagbɛlɛyɛ si tɔrɔyɛ lana wo ma. Wola ko-yogomɛnu si wo don nyagbɛ rɔ. Wo ni wo miri a ma a kilɛ fɛ alako wo ni ko nya-yen. Ka wo kan-kɔ sɔ wota Mari Alla la, wo yogo dɔgɔma-ma-de! A ko ka a fɔ wo ti kilan a la, wo ma telen. Wo Tigi Mari Sɛnbɛ-Bɛɛ-Tigi kan le kɛ la.

Yɛrɛmaya 20:9

Ni n ya n ban ile Marita kuma-lake-koe la ka n fara ila kumɛ fɔla ala ko la, wo si a ma, ile Marita kumɛ ni ma n yisi rɔ iko tɛ, ado wo dumɛ si taran n tɔ fɔ n kole. N tenbi ala kilayɛ kɛ birala n tɔ, wo si n tafaga kɔlɔbɔ, ado a mabɔ-fɛrɛ sa fɔ n ba a fɔ.

Yɛrɛmaya 44:22

Bi, wola nyamanɛ ye tonbonyɛ le la gbɛ! Mɔgɔ sigini sa a rɔ. Mɔgɛnu ba nyɔ yen, anu si anu bole sa anu dɛ la ka kawa. Anu si wo tɔgɛ ma dankali-kɛ-fan la bawo Mari ti ke a munyuna wola karagbɛlɛya-koe kɛnu kɔrɔ muk!

Yɛrɛmaya 6:11

Kɔnɔ n dɛ la ara fa Marita fondo-bɔɛ la. N ti ke a birala n tɔ tun. Mari ko ala fondo-bɔɛ ni bon dennɛnu ma minnu bi tolonna soe tɔnkɔnnu tɔ. A ni bon kemini-mɛsɛnu ma minnu nadɛnnɛ kan-tina-kelen. Ala fondo-bɔɛ si keinubɛ ala nyaganɛ bira anu nyɔgɔn fɛ. A si kɛmɔgɛnu anubɛ musu-kɔrɛnu fanan bira.

Yɛrɛmaya 6:12

Wo halala-bɔnnu si to mɔgɔ-gbɛrɛnu bolo. Wola musinu anubɛ wola wɔli-kɛ-tinɛnu si di mɔgɔ-gbɛrɛ ma. A ko a wa a kɔɛn kɔrɔbi, a si wole, Yuda mɔgɛnu tɔrɔ.

Yɛrɛmaya 6:19

Wole duninya-mɔgɛnu, wo ni kɛ lamɔɛn. Mari ko a ye kasarɛ lanala Yuda mɔgɛnu kuma. Anu ya karagbɛlɛyɛ min tabɛn, wo ye mala anu na ka a tɛgɛ wo ma. A ko anu ma sɔn anu tole masɔla ata kumɛ la. Anu ma ata karan bira.

Yɛrɛmaya 7:16

Kɔnɔ Mari ya a fɔ n ye ko nde, Yɛrɛmaya kana madiyali kɛ wole, Yuda kɛnu ye. A ko n kana di wola ko la. N kana fenfen matara wo ye. A ko n kana a madiya wo dɛnbɛn-koe la bawo a ti a wɔlɔ matɔlɔ wola ko la mumɛ!

Yɛrɛmaya 7:24

Kɔnɔ a ko wo benbanu ma sɔn anu tole masɔla a la. Anu tole gbɛlɛ nun. Anu taranta anu nyɛrɛ diyana-koenu denu mala. Anu ma to tala yarɔ fɔ ka to sɛgila anu kɔma.

Yɛrɛmaya 8:5

Nfenna wole, Yuda kɛnu bi samala, wa? Nfenna wole, Yerusalɛm kɛnu sa wo sɛgila kilɛ ma? Wo lanɛ foninyɛnu denu na, wota bɛsɛnu, kɔni. Wo ya wo ban sɛgi-koe ma.

Yɛrɛmaya 8:9

Wola hɛnkilimɛnu na si yarabi. Anu kunyɛ ni don gbaran rɔ bawo anu bara anu ban anu tole-masɔ-koe ma Marita kumɛ la. Woletɔ Mari ko kun-takolɔn le anu na filili!

Isikiyɛli 14:9

“Ni nɛbi do ya foninya-kumɛ fɔ, nde, Mari le ya a yanfa wo la. Nde nyɛrɛ-nyɛrɛ si nɛbi wo wurun Isirɛla mɔgɛnu tɛma.

Isikiyɛli 25:7

N si anu don sibolo-gbɛrɛnu bolo. Wonu si anuna mirannu kankan anu ma. N si anu halaki ha ka anu sibole bɛɛ ban. Anu ti anu halala-nyamanɛ sɔrɔn tun! Wo si a lɔn wo le ma ko wo Tigi Mari le nde la.”

Isikiyɛli 35:3

Nde, i Tigi Marita kumɛ latenbi anu ma ko Idɔm mɔgɛnu yogo-fin-bɛ le nde, Mari la. N si anuna nyamanɛ ma nyamani-halakinɛ la pɔ!

Hoseya 11:7

Ka wo kan-kɔ sɔ n na, wo nɔrɔnɛ wo ma fatifati! Wo si to gbele-gbelenna ka a tɛgɛ dunɛ wo ma min siginɛ wo kuma kɔnɔ mɔgɔ-wo-mɔgɔ ti dunɛ wo bɔ wo kuma.

Hoseya 13:14

Nde, Mari ti wo kunyɛ bɔ lakira bonda-dɛ la, ni wo ma, ka wo bɔ sayɛ sɛnbɛ kɔrɔ tun! Ile sayɛ, i ni na ila fitinɛ la i bolo. Ile lakira, na ila kasarɛ la. Nde, Mari ti kinikini wo ma.

Hoseya 4:16

Wole, nta mɔgɛnu tengberenyanɛ iko sofɛlɛ. N ti ke wole, sofɛlɛnu nagbengbenna binyɛ ma iko saga-dannu.

Sɛfanaya 1:4

Mari ko a si a kɔɛn lata wole Yuda nyamanita-mɔgɛnu anubɛ Yerusalɛm so-burɔ-mɔgɛnu kan ma ka wo tɔrɔ. A ko a si Beyali bɛsi-kɔlɛnu ban yan fegba! Hali Beyalita saraka-masɔlɛnu tɔgɛ si tunu mɔgɛnu tɛma.

Sakaraya 7:11

A ko kɔnɔ wo ma sɔn wo tole masɔla a kuman-kan wo la. A ko wo ya wo tole gbere