Yɛrɛmaya 15:15 - ALLALA KUMƐ

¹⁵ E, Mari, ile min ya ko lɔn, i fonde lamiri n ma ka n nakanan. N tayili sara n tasɛlɛnu na. I kana i munyu anu kɔrɔ, ha anu ni n faga. Mari, anu bi tɔrɔyɛ min bɛɛ sigila n ma, wo bɛɛ tɛgɛnɛ ile le ma.

Yɛrɛmaya 15:15 Iomraidhean Croise

Nihɛmaya 13:22

Wo kɔma, n ya a fɔ Lifayinu ye ko anu ni anu nyɛrɛ sɛninya ka to tarɛ don-dɛnu makandanna alako Sulen-Tele ni to gbiliyɛ rɔ. E, Alla, i fonde lamiri n ma kɛ fananna ko la. I ni n tanka ka a tɛgɛ ita keninteya-wɛla ko ma.

Nihɛmaya 13:31

N ya sɔgɛ wara-koe rabɛn anu bi sarakɛnu mintanna minnu na alako sɔgɛ wo ni na a wati-bɛrɛ rɔ. Mɔgɛnu si na dɔn-fen-kun-fɔlɛnu na nya min, n ya wo bɛɛ rabɛn. E, nta Alla, i miri kɛ dama ma. I ni n barayi wonuna ko la.

Nihɛmaya 5:19

E, Alla, i yandi, n bara koe min bɛɛsi kɛ mɔgɛ kɛnu ye, a ma, n ni wo barayi sɔrɔn yarɔ.

Nihɛmaya 6:14

Woletɔ n ya matarali-kɛ. N ko, “Nta Alla, Tobaya anubɛ Sanbalati bara min ma n na, i fonde lamiri wo ma ka anu tɔrɔ. Hali Nɛbi-Musi Nowadaya anubɛ nɛbi-siyaman bara anu taya ka n takilan nya-wo-nya, i fonde lamiri mɔgɛ wonu ma.”

Yobu 10:7

I ya a lɔn serr, ko fɛɛ-wo-fɛɛ sa n na. I ya a lɔn ko mɔgɔ-wo-mɔgɔ ti ke n bɔla ila sɛnbɛ kɔrɔ.

Yaburi 102:24

E, Alla, bawo n ma kɔrɔya wɛ, i kana n natuntun kanbɛ rɔ fɔlɔn. E, Mari, i ye nyɔ tolon!

Yaburi 106:4

Mari, i wa wuli ila mɔgɛnu dɛnbɛna, i ni i fonde lamiri nde fanan ma. I tenbi ila mɔgɛnu nakisila, i kana nyina nde fanan ko.

Yaburi 119:84

N ni i makɔnɔ ha tumɛ nyamintan? I si n yakɔrɔ-mamɔlɛnu tɔrɔ muntuma?

Yaburi 17:3

Ile ya n burɛ lɔn. I wara i gbɛrɛn n ma suyi rɔ. I wara n bara-koe fɛsɛfɛsɛ a kila-bɛrɛbɛrɛ fɛ kɔnɔ i ma fɛɛ-wo-fɛɛ yen n na, ado n bara a latɛgɛ ko foninya ti bɔ n dɛ rɔ.

Yaburi 39:13

I masɛgi n na alako n ni sewa tun. A ti mɛ tun, n si a fesakɔrɔ ka faga.

Yaburi 44:22

Kɔnɔ anu bi ma fagala ile lela ko la tuma-wo-tuma, anu bi ma bira boloko-yogomɛ-kɛla iko saga-kan-natɛgɛtɛ.

Aiseya 38:3

“E, Mari, i miri n ma. N ya ko-telennɛ kɛ ka ita kumɛnu to anu gbɛ rɔ. N ya n taya ka i sako bɛɛ kɛ.” Ala madiyali-kɛ wo ya a laban di-kɛ ma a bolo.

Yɛrɛmaya 12:3

Mari, ile ya n burɛ lɔn. Ile le ye n miriya lakɔrɔsila. I ni karagbɛlɛ kɛnu sagan dugi la iko saga-bosotɛ. Anu namara a dan na kan-natɛgɛ-telela ko la.

Yɛrɛmaya 15:10

E, n na, alako i kana n sɔrɔn nun. N ma di mɔgɔ-wo-mɔgɔ ye Yerusalɛm soe burɔ. N ma yili tɛgɛ hali ka fen sinka mɔgɔ ma kɔnɔ hali wo, mɔgɛ bɛɛ ye n dankala.

Yɛrɛmaya 15:20

Mari ko a si n ma wole ye iko dandan tagbɛlɛ. A ko n ta si gbɛlɛya iko sila-dandan. A ko wo ya n kɛlɛ nya-wo-nya, wo ti n nɔ worɔ. A ko ni wo ya a yen wo ye mala bawo ale Mari ye n fɛ. A ko a si n kumafunfan ka n nakanan.

Yɛrɛmaya 17:16

N Mari, i ya n ma ila mɔgɛ kɛnu saga-fɛ-biralɛ la, ado n ma n ban wo ma. A ma di n ye tele-makilannɛ ni na nun. Mari, n bara min bɛɛ fɔ, i ye wo bɛɛ kalama.

Yɛrɛmaya 18:23

Mari, ile ya n faga-koe lɔn anu bolo. I ka kinikini anu ma anuna ko-yogomɛnuna ko la. I kana anu hakɛ makoto. I ni anu nabɔ anuna sɔ-tinɛnu tɔ. Anu tɔrɔ i fondo-bɔnɛ la.

Yɛrɛmaya 20:11

Kɔnɔ ile Mari taranta n fɛ iko kɛlɛ-nyana. N gbennɛnu si anu kian latugu ka bui fugbu! Anu ti n nɔ muk! Anu ba foo n na, anu si to miliyɛ rɔ kɔgɔrɔyɔlɔ! Anu si to miliyɛ wo rɔ ha, ado mɔgɔ ti nyina anu bara-koe la,

Yɛrɛmaya 20:12

ado Mari Sɛnbɛ-Bɛɛ-Tigi, ile le si mɔgɔ-telennɛnu kɔrɔbɔ. I ya mɔgɔ-kɔntɛ-bɛrɛbɛrɛ lɔn. Kɔndɔfili min bi mabɛ mɔgɛ kɛnu tɛma, n bara ban wo yirala i la. Woletɔ a ma, tɔrɔyɛ min bɛnta anu ma, wo ni sigi anu ma n yala.

Yɛrɛmaya 20:8

N tenbi kumala mɔgɛnu ye fɔ n ba n kan mayɛlɛ. N bi karagbɛlɛyɛ anubɛ kasarɛ le dɔrɔn wara-koe fɔla. N bi ile Marita sarakanɛ le dɔrɔn nakɛla mɔgɛnu ma, ado wo le ye a mala, mɔgɛnu bi n mamɔɛnna wati bɛɛ.

Nimisa Koe 3:64

“E, Mari, anu tɔrɔ iko anu wɔli kɛ-nya.

Nimisa Koe 3:66

Anu manɛgɛn ka anu wara-koe ka-a-la duninya kɛ rɔ.”

Matiyu 10:22

Wo si gboya mɔgɛ bɛɛ ye ndela ko la kɔnɔ ni min si a munyu ha a laban, wo tigi si kisi.

Matiyu 19:29

ado min bɛɛ ara ala bɔn to, anubɛ a na-kelen-nyɔgɛnu, anubɛ a sɔrɔnnɛnu, anubɛ ala dannu, hali ata sɛnɛ-kɛ-tinɛ ndela ko la, wo si wo nyɔgɔn kɛmɛ sɔrɔn anubɛ habadan-nimayɛ fanan.

Luka 21:17

Bɛɛ si wo kɔn ndela ko la

Romu 12:19

N diyana-mɔgɛnu, wo kana wotɛ lasɛgi. Wo ni wotɛ to Alla ma, ado a sɛbɛnɛ Allata kitabu rɔ ko, “Mari si wo tayili sara.”

Romu 8:35

Nfen si ke ma farala Kirasitila keninteyɛ ma worɔ? Tɔrɔyɛ wo, gbɛlɛyɛ wo, niyi-ragbɛran wo, kɔnkɛ wo, bolo-kolonyɛ wo, masiba-koe wo, sayɛ wo, wonu fenfen ti ke ma farala ata keninteyɛ wo ma.

2 Kɔrɛnti 5:11

Ma kilannɛ Mari la min kɛ, ma ye ma rayala ko mɔgɛ bɛɛ ni a yɛ lamunun Mari la. Alla ya ma lɔn feu, ado wole ya nde lɔn wo yisi rɔ wo nya na le fanan.

2 Timoti 4:14

Alɛsanda, siyaki, kɔni, a ya ko-yogoma-ba kɛ n na. Mari si a sara iko ala kɛwɔlɛ ye nya min.

Lankɛnimayɛ 18:20

Kɔnɔ ile Arinyɛnɛ, i ni nyagalen soe wo tinya-koela ko la! Wole Allala mɔgɛnu anubɛ ata kilayɛnu anubɛ ata nɛbinu, wo ni fa sewɛ la ka a tɛgɛ min bara ma soe kɛ la. A ara wo tɔrɔ nya min, Alla ara a kiti tɛgɛ wola ko la!

Lankɛnimayɛ 6:10

Anu gbele-gbelenta kan-ba la ko, “Ma Mari Sɛnbɛ Bɛɛ Tigi, sɛninya-tigi anubɛ tonya-tigi le ile la! I si duninya-mɔgɛ bɛɛ kiti ka anu tɔrɔ ma faga-koela ko la tumɛ nyamintan?”

Kɛlɛ-Kurugbɛnu 16:28

Samsin ya Mari rakele ko, “E, n tigi Alla, n bara i madiya, i miri n ma. Nna fanka lasɛgi n ma kɛ kelan rɔ alako n ni n tayili sara Filisiti kɛ kɛnu na minnu bara n ya-filɛ tii kɛ la.”