Yɛrɛmaya 15:10 - ALLALA KUMƐ

¹⁰ E, n na, alako i kana n sɔrɔn nun. N ma di mɔgɔ-wo-mɔgɔ ye Yerusalɛm soe burɔ. N ma yili tɛgɛ hali ka fen sinka mɔgɔ ma kɔnɔ hali wo, mɔgɛ bɛɛ ye n dankala.

Yɛrɛmaya 15:10 Iomraidhean Croise

1 Mansɛnu 21:20

Mansa Ehabu ya Nɛbi Ilaya yen tumɛ min, a ya a fɔ a ye ko, “N yoge, i wara n gba bɔ?” Nɛbi Ilaya ko, “Ɔn! Koe minnu ma di Mari ye, i wara i nyɛrɛ ma wonu malɛ la.

1 Mansɛnu 22:8

Mansa Ehabu ya a fɔ a ye ko, “Mɔgɔ kelen bi yan, Imilala den Nɛbi Mɛkaya, kɔni. Kɔnɔ wo ma di n ye mumɛ bawo a ti wɔlɔyiya-kuma-wo-kuma fɔ n ye min di n tole la fɔ a yogomɛ gbansan!” Mansa Yɛhosafati ya Mansa Ehabu makawandi ko, “A ma bɛn, i ni kuma-sufa kɛ fɔ muk!”

Yaburi 109:28

Anu si to n dankala kɔnɔ ita duwɛ si to yigila n kuma. Minnu bi n kan ma, alamɛ wonu yarabira pɔ! Alamɛ nde, ita wɔli-kɛlɛ sewara.

Yaburi 15:5

A si mɔgɔ dɔndɔ, a ti tɔnɔ sa a kuma. Ni mɔgɛ min yilikinɛ kumɛ rɔ, a ti sɔn dogonta-fan birala wo bolo. Min bi a mala a fɛrɛma ko sufa kɛ dama ma, mɔgɛ wo ra ti maga muk!

Yaburi 69:4

N sɔgɔ labɔnɛ minnu na, n ma ko ma minnu na, wonu siya n kun-sigi ko. N yogenu bi tɔgɛ sala n na. Anu tagbɛlɛ n ko, ado n faga-sɔgɛ ye anu na. N ma fan minnu bi, anu bi n fɔrɔsɛla ko n ni wonu nasɛgi.

Bɔ-Koe-Iyipiti 22:25

“Ni min ya nta mɔgɔ bolo-kolɔn do dɔndɔ wodi la, a kana tɔnɛ sa wodi wo kuma ka a nyɛrɛ ma mɔgɔ-bɔnɔnɛ la.

Hɛnkilimaya-Kumɛnu 26:2

Iko kona ye tenbila mɔgɛnu kuma nya min ka ta a ye pon, mɔgɛ min ma ko tinya, ni i ya wo danka, dankɛ wo fanan bi tenbila wo kuma wo nya na le fɛlɛlɛ!

Yɛrɛmaya 15:20

Mari ko a si n ma wole ye iko dandan tagbɛlɛ. A ko n ta si gbɛlɛya iko sila-dandan. A ko wo ya n kɛlɛ nya-wo-nya, wo ti n nɔ worɔ. A ko ni wo ya a yen wo ye mala bawo ale Mari ye n fɛ. A ko a si n kumafunfan ka n nakanan.

Saraka-Masɔlɛnuta Tɔnnu 25:36

Ni i ya a dɔndɔ min na, i kana tɔnɛ sa wo kuma. Ni i ye ila dɔntɛ mayirala a ma, i kana tɔnɛ sa wo fanan kuma. Wo ni kilan nde, Alla la ka wo sigi-nyɔgɛnu fɛ-bira.

Habakuku 1:3

N nafoonɛ karagbɛlɛnu anubɛ kasara-kɛlɛnu na pito! Mɔgɛnu bi buila anu nyɔgɔn ma ka wunduyogoya-su bɛɛ sigi anu nyɔgɔn na kan-tinɛ bɛɛ rɔ. Nfenna i ye a mala, nde ye wonu tayenna n yɛ la? Nfenna Mari, ile nyɛrɛ ye ko-sufa kɛnu tayenna ka i munyu wonu kɔrɔ?

Matiyu 24:9

“Wo kɔma, mɔgɛnu si wo bira ka wo ladon tɔrɔyɛ rɔ. Anu si wo faga. Mɔgɛ bɛɛ si wo kɔn ndela ko la.

Matiyu 5:44

Kɔnɔ kaka, n bi a fɔla i ye ko i ni i yogenu keni ka madiyali kɛ anu ye, hali minnu sa i birala a kin na!

Luka 2:34

Simiyɔn duwara anu ye ka a fɔ a na Mariyama ye ko, “Alla ara dennɛ kɛ yabɔ ka a ma tamasere la min si a ma, Isirɛla mɔgɔ siyaman si bui. Kɔnɔ a si ma kisi-koe la fanan mɔgɔ siyaman ye. Isirɛla mɔgɔ siyaman si anu ban a la.

Luka 6:22

“Mɔgɛnu ba wo kɔn ka anu ban wo la, mɔgɔ-sewanɛ le wole la. Anu si wo manyini ka a fɔ ko mɔgɔ-yogomɛ le wole la ka a tɛgɛ nde, Hadama-dan la ko ma!

Kɛwɔlɛnu 28:22

Kɔnɔ a di ma ye ka i burɛ lɔn bawo ma ya a lɔn ko i ye dina kɛ min tɔ, mɔgɛnu bi kumala wo ma dinkirɛ bɛɛ rɔ.”