Yɛrɛmaya 14:2 - ALLALA KUMƐ

² wole, Yuda nyamanita-mɔgɛnu bi diyi kun na gbɛ bawo wola so-burɔ-mɔgɛ bɛɛ ye faga-tinɛ le. Wo bonnɛ dugi ma di-kɛ-tinɛ, ado wole, Yerusalɛm kɛnu bi wo dɛ sala-a-rɔ wo dɛnbɛn-koe rɔ lungbɔn!

Yɛrɛmaya 14:2 Iomraidhean Croise

Yobu 34:28

Kun-tigi wonu ya bolo-kolɔnnu bira boloko-yogomɛ-kɛ ha bolo-kolɔn wonu dira Alla dala. Wo le ya a ma, ale fanan ya anu di-kɛ-kan lamɔɛn.

Yaburi 144:14

Alamɛ mala ninkinu tora dannu sɔrɔnna. Anu bu kana tinya ha anu ni tunu yen! Alamɛ yerelen-tɛgɛ-kan kana taran mala soenu tɔ.

Bɔ-Koe-Iyipiti 2:24

Alla ya anu di-kɛ-kan lamɔɛn. A ya lanyiri min kiri Iburayima anubɛ Isiyaka anubɛ Yakoba ye, a ya a fonde to wo ko

Aiseya 15:5

Nde, Aiseya yisi tinyanɛ Mohabu kɛnuna ko la. Minnu ya anu buri, wonu tara fɔɔ Sohari soe anubɛ Igilati-Sɛlisiya soe burɔ. Donu bi yɛlɛla dila Lohati soe kilɛ la. Donu bi tala anu dɛ sala-a-rɔ Hɔrɔnayim soe burɔ.

Aiseya 24:11

Gbɛɛ wa ban, mɔgɛnu si belen worondola soe burɔ. Sewɛ si a buri anu kɔrɔ. A ti taran nyamanɛ rɔ tun.

Aiseya 24:4

Dugi si gbala ha a ra ni farafara. Duninya mumɛ si to kɔlɔbɔ! San-kole anubɛ dugu-kole si tuli ka a mafɔsɔ.

Aiseya 24:7

Nɔnbɔ-kurinu na si fɔsɔ. Anu gbɔɛnu, yi ti taran anu tɔ tun! Mɔgɛ min bɛɛ sewanɛ, wonu yisi ma si gboya.

Aiseya 3:26

Kiti-fɔ-tinɛnu si ma di-kɛ-tinɛnu na. Yerusalɛm soe rakolonyanɛ si to iko anu bara digin musi min ma.

Aiseya 33:9

Nyamanɛ lakolɔnnɛ si to wo nya na le. Lɛbanan gbɔngbɔn-lafɔsɔnɛ si to. Sarɔn lɛɛ si ma iko wula-da-rakolɔn. Yanba-kunyɛ bɛɛ ye yalanna Basan nyamanɛ anubɛ Kamɛli kɔnkɛ ma.

Aiseya 5:7

Mari Sɛnbɛ-Bɛɛ-Tigita nakɔɛ, wo le Isirɛla kɛ la. Yuda nyamanita-mɔgɛ wonu minnu di a ye, wonu denu bi ki-fenyɛ la. Mari miri ko anu bi ko-kɛndɛ le kun na nun, yaga, anu sa fenfen kun na fɔ mɔgɔ-fagɛ. A ya a lɔn ko anu bi ko-telennɛ le kun na nun, yaga, anu bi buila minnu ma, wonu bi dila a dala ko-telenni-koe la.

Yɛrɛmaya 11:11

Mari ko a ti mɛ tun, a si kasarɛ lana wole, Yuda mɔgɛnu kuma, wo ti ke wo burila min kɔrɔ. A ko wo si to dila a dala wo dɛnbɛn-koe la kɔnɔ a ko a ti wo denkun.

Yɛrɛmaya 12:11

Anu si nta sɛnɛ-hakikɛ yɛlɛma wula-da-rakolɔn la. A makolɔn sanɛ filili! Nyamanɛ mumɛ ara ma wula-da-rakolɔn la. Kɔnɔ wo bɔrɔ sa taranna mɔgɔ-wo-mɔgɔ ye.

Yɛrɛmaya 12:4

Nyamanɛ kɛ si to diyi kun na ha muntuma? Nyamanɛ kɛ bin-nafɔsɔnɛ ni to ha muntuma? Ka a tɛgɛ mɔgɛnuna karagbɛlɛyɛ ma, sogenu anubɛ konanu bara ban fagala. N yogenu bi a fɔla ko, “Ma wara-koe ye nya min, ma ma la a la ni Alla ye wo kalama.”

Yɛrɛmaya 18:22

A ma, anu ni to gbele-gbelenna anuna bɔnnu na. A ma, anu yogenu ni na anu kɛlɛ tiriya! Kɛ bɛɛ ni ma bawo n yogenu bara denkɛ sin n bira-koe la. Anu bara gbɛrɛ-siyaman lasigi n ya rɔ.

Yɛrɛmaya 4:28

Nyamanita-mɔgɛnu si anu dɛ sa-a-rɔ lungbɔn! San-kole si fin. Mari ko kɛ ye mala le bawo ale ti a kuman-kan dɔn. A ara ban a latɛgɛla, ado a ti a miriya yɛlɛma.

Yɛrɛmaya 46:12

Duninya ye anuna miliya-koe lamɔɛnna. Bɛɛ ye anu di-kɛ-kan lamɔɛnna. Kɛlɛ-dannu si to fɛrɛnna anu nyɔgɔn na. Anu ni bui anu nyɔgɔn fɛ fugbu!

Yɛrɛmaya 8:21

Bawo wole nde, Yɛrɛmayala mɔgɛnu ta ara bunden min kɛ, nde fanan ta ara bunden. N bara kilan wo kuma min kɛ, n ya n dɛ sa-a-rɔ lungbɔn!

Nimisa Koe 2:8

Mari ara banna Yerusalɛm soe tarɛ bu-koe latɛgɛla. A ara tarɛ wo suman alako hali doni kana to sɔni. A bɛɛ ni tii mɛmɛ! A kan-tina-layan-ba wo, a tara wo, wo bɛɛ ye dila anu nyɔgɔn fɛ bawo anu tinyanɛ.

Nimisa Koe 2:9

Tarɛ wo don-da-wɛnu tora sani yefe-gbalɛ rɔ. A dɛ-balan-kɔnnu ta ara kerikeri. Nna mansɛ anubɛ nna mɔgɔ-banu bi biralɛ rɔ nyamani-gbɛrɛkɛnu tɔ. Nta saraka-masɔlɛnu sa mɔgɛnu karanna tɔn ma tun. Mari sa wɔlɔyiya-kumɛnu yirala nta nɛbinu ma tun.

Nimisa Koe 5:10

Ma fɛrɛ fafanɛ ma ma kɔnkɛ bolo kodokodo, iko biredi bɔ-san tenbi a mintan-tinɛ.

Hoseya 4:3

Woletɔ a ko wola dugi ra ye gbalala le todo! Fan min bɛɛ ye a rɔ, wo bɛɛ si faga. A sogo wo, a koni wo, a yɛgɛ wo, a ko wo bɛɛ la si to dogbe!

Yowɛli 1:10

Sɛnɛ bɛɛ ara ma gbɛkole la. Dugi fanan bi dila bawo sɛnita-fannu anubɛ ki-fannu bara kasara.

Yowɛli 1:11

Wole sɛni-salɛnu, wo di soee, bawo wola sɛnita-fannu bara tinya pɔ! Wole ki-fen-kilɛnu, wo dɛ sa-a-rɔ lungbɔn, bawo wola ki-fannu na ara gbala nyawo! Ki-fannuna gbalɛ, wo le ya a ma, mɔgɛnu yisi ma ara gboya.

Yowɛli 1:14

Wo ni ladɛn kɛ Bato-Bɔn la. Bɛɛ ni sunyɛ don. Wo ni Yuda mɔgɔ-banu anubɛ a mɔgɛ bɛɛ kundɛn. Anu damasi la ni dɛn mata Mari Alla Bato-Bɔn la, anu si di a dala kan min.

Yowɛli 2:6

Anu tenbi gbɛrɛnna kan tinɛ min ma, nyɔ-mɔgɛnu bi kumakɔla kilan bolo.

Hegayi 1:11

N ya tɛtɛgɛ ladon bandɛla nɛ rɔ nyamanɛ kɛ rɔ. N ma bandɛ lana wola kɔnkɛnu kuma anubɛ wola sɛnɛnu tɔ. N ma bandɛ lana wola nɔnbɔ-gbɔɛnu kuma anubɛ wola ɔlifi-tuli kɔlɔmanu kuma. N ma bandɛ lana wo fenfen kuma wobɛ wola kolo-fannu si min dɔn.”

Sakaraya 7:13

A ko wo ma sɔn wo tole sigila ata kumɛnu kɔrɔ, woletɔ a ma a wɔlɔ matɔlɔ wola madiyali-kannu na.

1 Samuwɛli 5:12

Hali minnu tora anu kɛndɛ la, wonu ya kirayɛ kɛ sɔrɔn de! Anu tora dila anuna bɛsɛnu dala anu dɛnbɛn-koe rɔ.

1 Samuwɛli 9:16

“Kɛ-nyɔgɔn-tumɛ sina, n si kei do lana i ma min bɔnɛ Bɛnyamɛ bɔnsɔn rɔ. I ni dantɛgɛ-tuli kɛ a kunyɛ rɔ ka ale dantɛgɛ n ma. A si ma Isirɛla mɔgɛnuna mansɛ la. N bara nta mɔgɛnuta tɔrɔyɛ yen, ado anu bi dila n dala anu dɛnbɛn-koe rɔ. Ale kei wo si anu natanka Filisitinuna masibɛ ma.”