Yɛrɛmaya 14:19 - ALLALA KUMƐ

¹⁹ Mari, i wara i ban bɛrɛbɛrɛkɛ male, Yuda mɔgɛnu na, wa? Yerusalɛm gbo i ye, wa? Nfen bara a to, i wara ma tanban boloko-yogomɛ-kɛ ha ma sa kɛndɛyala tun? Ma yili ye yisi-kimɛ le ma nun kɔnɔ ma ma a sɔrɔn. Ma yili-madiyanɛ ma kɛndɛya-koe la Yaga, kumakɔɛ le ma kuma.

Yɛrɛmaya 14:19 Iomraidhean Croise

2 Ko-Kɔrɔta-Karan 36:16

Kɔnɔ hali wo, anu tora Allata kilayɛnu manyinina. Anu bi anu tengberenyala Marita kuma-lamɔɛn-koe ma ka ata nɛbinu mayɛlɛn. Kɔnɔ tɔ-a-la, Marita diminyɛ warata anu kuma ha anu bɔ-kunya ma sɔrɔn tun Marita diminya kɔrɔ.

Yobu 30:26

Nde ye sewɛ anubɛ wan-takanɛ le nyinina nun. Kɔnɔ yanni wo ni ma, fɔ n ya tɔrɔyɛ anubɛ pinpi min sɔrɔn.

Yaburi 78:59

A ya wo yen min kɛ, a diminyara dɔgɔma-ma-de! Wo le ya a ma, a ya a ban ala mɔgɛnu na feufeu!

Yaburi 89:38

Ile Mari, i fonde bɔnɛ ita mansa-yabɔnɛ kan ma. I wara a boloka ka i ban a la.

Hɛnkilimaya-Kumɛnu 29:1

Mɔgɛ min ti sɔn a sɔn-boloka-koe ma hali anu bi a makawandila, mɔgɛ wo dɛnbɛn-kila ti taran, ado a si tinya pɔ!

Yɛrɛmaya 12:7

“N bara n ban Isirɛla mɔgɛnu na. N bara n ban nta mɔgɛnu na. Anu denu min di n ye bɛrɛbɛrɛkɛ, n bara anu kunyɛ don anu yogenu bolo.

Yɛrɛmaya 12:8

Nta mɔgɛnu manɛ n kan ma iko yarɛ tenbi firɛ rɔ. Anu bi bɔrɔndɔ-bɔrɔndɔla n ma. Woletɔ anu ma di n ye.

Yɛrɛmaya 15:1

Wo kɔma, Mari ya a fɔ nde, Yɛrɛmaya ye ko hali Nɛbi Musa anubɛ Samuwɛli ya madiyali-kɛ wole, Yuda mɔgɛnu ye, a ko a ti kinikini wo ma. A ko wole ni wo masɛgi a la fasi! Wo ni wo mata pon!

Yɛrɛmaya 15:18

Nfenna dumɛ sa foola n kun na. Nna tɛlɛ sa sɔnna kɛndɛyala. Mari, i kana ma n ma iko yi min bi gbalala a worɔn la todo! I kana ma n ma iko tenke min sa yigila tun.

Yɛrɛmaya 30:12

Mari ko tanban-nɛ ye wo ma min ti dandan. Wo duma-tinɛnu ti kɛndɛya.

Yɛrɛmaya 30:13

Wo fɛ-birala fenfen ti taran. Bɛsi-wo-bɛsi ti taran wola tɛlɛnuna ko la. Wo lakɛndɛya-yigi-wo-yigi ti taran.

Yɛrɛmaya 51:5

Hali Isirɛla mɔgɛnu anubɛ Yuda mɔgɛnu bara hakɛ kɛ Mari-Sɛnimɛ la, ale anuta Mari Alla Sɛnbɛ-Bɛɛ-Tigi ko a ma a ban anu na.

Yɛrɛmaya 6:30

A ko wole, ala mɔgɛnu si kele ko, “Wodi-gbɛ ani a boe.” Wo ara ma wodi-gbɛ-munke la bawo Mari ara a ban wo la.

Yɛrɛmaya 7:29

Mari ko wole, Yuda kɛnu ni wo kunyɛ gbana ka wo kun-sigi lakɛ a rɔ. A ko wo ni ta kɔnkɔ-makolɔn kun tɛma ka saya-sigi sa. Wo ni wo ma bawo ale Mari nyɛrɛ ara a ban wole la. A ko a ara a kan-kɔ sɔ wo la. A ye wo tɔrɔla ata fondo-bɔɛ la.

Yɛrɛmaya 8:15

Ma miri ye yisi-kimɛ le ma nun kɔnɔ yisi-kimɛ sa ma ye. Ma hɛnkili latɛgɛnɛ kɛndɛyɛ le ma nun kɔnɔ yaga, kumakɔɛ gbansan!

Yɛrɛmaya 8:22

Takun-bɛsi sa Kaliyadi nyamanɛ rɔ? Mɔgɔ-dandanna sa nyɔ, wa? Nfenna nna mɔgɛnuna dumɛ sa kɛndɛyala?

Nimisa Koe 2:13

N si ile Yerusalɛm soe sanka nfen ma? Mɔgɔ-wo-mɔgɔ sa nyɔ min tɔrɔnɛ iko ile. I ni-radiya-kuma sa n da rɔ mumɛ! Ita tɔrɔyɛ kolo iko kɔgɔ-yi kolo nya min. Yigi wo-yigi sa i bolo.

Nimisa Koe 2:22

I ya ma yogenu kele ma kan ma alako anu ni ma kɛlɛ kan-tinɛ bɛɛ rɔ. Anu tugura ma kan ma iko anu keleta dɔn-fan le ma. Mɔgɔ-wo-mɔgɔ ma ke a sɔrɔnna anu na. Mɔgɔ ma to a niyi la min si a rakaran. Hali ma diyana-dan minnu siginɛ ma kɔnkɔn tɔ, anu ya wonu faga.

Nimisa Koe 4:17

Ma ya ma yɛ lakalan ma dɛnbɛn-koe ma furr, kɔnɔ ma ma a sɔrɔn. Ma mɛra makɔnɛ kɛla. Ma ko, “Tumado sibolo-gbɛrɛ do si na ma dɛnbɛ” kɔnɔ ko-wo-ko ma bɔ wo rɔ.

Maika 1:12

“Maroti soe wo tɔgɔ-kɔrɛ mani de iko ‘a kuna.’ Soe wo mɔgɛnu bi kun-nadiya-tele makɔnɔna bawo Mari ara nyankankantan gbɛrɛn Yerusalɛm soe ma.

1 Tɛsalonaika 5:3

Mɔgɛnu tenbi a fɔla ko anu bi yisi-kimɛ anubɛ lafɛrɛ rɔ, nba, anu si tɛrɛna halakiyi la wo wati le tɔ, yɔ! A si ma iko musu-kolomɛ buyi wa a lamaga. Anu ti kisi Mari na-tumɛ rɔ.