Yɛrɛmaya 13:9 - ALLALA KUMƐ

⁹ a si wole, Yerusalɛm so-burɔ-mɔgɛnu anubɛ Yuda nyamanita-mɔgɛ toe bɛɛta wasinteyɛ ma iko kura-kore wo.

Yɛrɛmaya 13:9 Iomraidhean Croise

Hɛnkilimaya-Kumɛnu 16:18

Mɔgɔ-wasinɛ ti mɛ buila. Wasinteyɛ si mɔgɛ kasara.

Aiseya 16:6

Yuda kɛnu ko, “Ma ya a lamɔɛn ko Mohabu kɛnu wasira dɔgɔma-ma-de! Hali anu wasinɛ ka a dan-natenbi kɔnɔ anu kɔgɔ-raka-koe, fufafu le wo la.”

Aiseya 23:9

Mari Sɛnbɛ-Bɛɛ-Tigi le ya a rabɛn. A ya ko-rabɛn-kɛ alako ka tɔn sigi ila wasinteyɛ la anubɛ ka ila mɔgɔ-banu namiliya.

Yɛrɛmaya 13:8

Wo kɔma, Mari kumara n ye tun. A ko

Yɛrɛmaya 25:18

N ya do di wole, Yerusalɛm kɛnu ma anubɛ Yuda nyamanita-mɔgɛ toenu, a mansa wo, a mɔgɔ-ba wo. N ya wo ma le alako yan kasaranɛ ni to. Mɔgɛnu ba anu tinya-bole mafɛlɛn, anu kuma si tɛgɛ. Wo si a ma, mɔgɛnu ni anu mamɔɛn ka anu tɔgɛ ratɛgɛ dankali-kɛ-tinɛ, ado a ye wo nya na le ha bi.

Yɛrɛmaya 48:29

Mohabu kɛ kɛnu wasira. Anu nyɛrɛ kɔrɔtanɛ. Anu ya anu nyɛrɛ kelen pe lɔn mɔgɛ la.”

Isikiyɛli 16:50

Wonu fanan wasira, ado anu tole gbɛlɛ. Anu ya n tanama-ko-gbansan le ladan. Woletɔ iko wo ya a lɔn nya min, n ya anu kasara.

Isikiyɛli 16:56

Ile wasinɛ tumɛ min, i sa yɛlɛnna Sɔdɔm soe ma nun, ba?

Saraka-Masɔlɛnuta Tɔnnu 26:19

Ni wo ya wo nyɛrɛ kɔrɔbi, n si na n bɔ wo kɔrɔ. N ti bandɛ lana wo ye woletɔ wola duginu si gbɛlɛya iko fara-kole.

Nehami 2:2

(A ara to doni, Mari ni Yuda nyamanɛ lasɛgi a gbɛ rɔ ka a kinya iko a ya lanyiri kiri nya min Isirɛla nyamanɛla ko la fɔlɔ nun, yanni a yogenu ni a tɔnbɔn.)

Sɛfanaya 3:11

A ko wo wati wa ke tumɛ min, wole Isirɛla kɛnu kana miliya tun ka a tɛgɛ wo ara murutiyɛ min ma Mari ma nun fɔlɔ. Kɔnɔ yanni wo wati ni ke, a ko a si mɔgɔ-wasinɛ bɛɛ firan dugu-kole kɛ kuma. Woletɔ wo ti murutiya Mari ma tun kɔnkɔ-kolo-wɛ kuma ata Bato-Bɔn sɔnɛ kan min.

Luka 18:14

N bi a fɔla wo ye, duti-makelelɛ kɛ, a latelennɛ sɛgira a warɛ Alla yala, Farisi wo ma de, ado min ba a nyɛrɛ kɔrɔbi, wo la si yigi. Min ba a nyɛrɛ famayigi, wo la si yɛlɛ.”

Yemesi 4:6

Alla ye keninteyɛ min yirala ma la, wo sɛnbɛ kolo kati, ado Allala kitabu ko, “Alla kɛlɛ-nyɔgɛ le mɔgɔ-wasinɛnu na kɔnɔ mɔgɛ min famayiginɛ, a si wonu kɔntɔ-diya.”

1 Pita 5:5

Fonikenu fanan ni sɔnnaya kɛmɔgɛnu ye wo nya na le. Wo dama ni famayigiya-duruki don wo kan na ka wɔlɛ kɛ wo nyɔgɔn ye, ado a sɛbɛnɛ Allala kitabu rɔ ko, “A mako sa mɔgɔ-wasinɛnu na kɔnɔ a si ata hinɛ yira mɔgɔ-famayiginɛnu na.”