Yɛrɛmaya 13:24 - ALLALA KUMƐ

²⁴ Mari ko a si wole, Yerusalɛm kɛnu tanyɛnsɛn iko fɔnyɔ ye tala fɔrɔn min na.

Yɛrɛmaya 13:24 Iomraidhean Croise

Yaburi 1:4

Kɔnɔ karagbɛlɛnu mani ma iko mɔgɛ kɛ. Wonu mani de iko fɔnyɔ si ta fen-gbalɛ min na.

Aiseya 17:13

Hali sibolenu bi tugula a rɔ Isirɛla kan ma wo nya, Alla wa anu makuma, anu si sɛgi anu kɔma iko fɔnyɔ wa gbangban kɔ, ni wo ma, iko tɔnkɔlɔn wa bin-gbalɛ fɔrɔn.

Aiseya 41:16

Anu ta si fɛ. Fɔnyɔ si ta fofe wonu na pon! Fɔnyɔ si a ranyɛnsɛn. Kɔnɔ wole si sewa Mari la. Wo si Isirɛlata Mari-sɛnimɛ matɔgɔ.

Yɛrɛmaya 18:17

Mari ko a si wo ranyɛnsɛn wo yogenu yakɔrɔ. A si wo ranyɛnsɛn iko tele-bɔ-fɔnyɔ wa gbangban ranyɛnsɛn a sɛnbɛ la. A si a kan-kɔ sɔ wo la. A ko wo tenbi tɔrɔyɛ rɔ, a ti wo dɛnbɛ.

Yɛrɛmaya 9:16

A ko a si wo ranyɛnsɛn ka wo basan sibolo-gbɛrɛnu na pirikali! Wo si taran sibolo-gbɛrɛnu tɛma, hali wo benbanu ma minnu lɔn. A ko a si wo yogenu natugu wo kan ma ha wo damasi ni ban fagala.

Nimisa Koe 1:15

“N Tigi Mari ma nna kɛlɛ-kurugbɛnu lɔn fenfen na. A ya kɛlɛ-dan donu nana nta kemini-mɛsɛnu kan ma. Alla ara nna mɔgɛnu taburun sagbayi!

Isikiyɛli 17:21

Ala kɛlɛ-den-tagbɛlɛmɛnu kunyɛ si to kɛlɛ rɔ. Ni min kunyɛ ma to kɛlɛ wo rɔ, wonu ta si nyɛnsɛn kan-tinɛ bɛɛ rɔ. Wo ye a lɔnna wo le ma ko nde, Mari kan le kɛ la.

Isikiyɛli 5:12

Wole Yerusalɛm kɛnu tatalanɛ sigi-tina sawa la, a tɔnkɔn kelan si to kirayɛ anubɛ kɔnkɛrɔ-soe burɔ. A tɔnkɔn kelan, wonu kundu si bɔ faan la soe kɔma. A tɔnkɔn kelan fanan ta si nyɛnsɛn kesemeren, iko fɔnyɔ wa ta fen na. N si wo sagaran faan la.

Isikiyɛli 5:2

Kɛlɛ wa ka-a-la ila so-ladannɛ wo rɔ, i ni i kun-sigi, sigi kelan bi ka a mintan nyɔ. A sigi kelan, i ni wo ratɛgɛ gbede-gbede, ila faan wo la soe wola foolɛ rɔ. A sigi kelan min tonɛ, i si wo ranyɛnsɛn. Fɔnyɔ ni ta a la bawo nde, Mari si Isirɛla mɔgɛ wonu sagaran nta faan la.

Isikiyɛli 6:8

“N si a ma, donu ni bɔ muri kɔrɔ ka anu tanyɛnsɛn sibolo-gbɛrɛnu tɛma.

Hoseya 13:3

Ka a tɛgɛ wo ma, anu si tunu yen, iko duri. Anu si ma iko fɔrɔn, fɔnyɔ ye tala min na. Anu mani de iko ta-sisi min bi bɔla nyandan-bɔn kuma.

Saraka-Masɔlɛnuta Tɔnnu 26:33

N si wo yogenu nana ka wo kɛlɛ ka wo bira ka ta wo la nyamanɛ siyamɛnu tɔ. Wola nyamanɛ rakolɔn si to. Wola soenu si ma iko tonbon-kɔrɛnu.

Luka 21:24

Donu si faga faan la. Donu si ta yɔɔnyɛ rɔ nyamanɛ bɛɛ rɔ. Sibolo-gbɛrɛnu si Yerusalɛm radɔn ha anuta wati ban tumɛ.

Tɔn-Fɔɛ-Fila-Nyɔgɛ 28:64

“Ka a fɔlɔ duninya-tonko kelan ma ha ka a sigi a tonko-doi la, Mari si wo ranyɛnsɛn sibolo-gbɛrɛkɛ-mɔgɛnu tɛma. Wo tenbi anu tɛma, hali wo benbanu ma bɛsɛ minnu kɔ, wole si wonu kɔ. Kɔlɔma-malɛsɛnɛ anubɛ kuru-malɛsɛnɛ le wonu na.

Tɔn-Fɔɛ-Fila-Nyɔgɛ 32:26

A bɛnta nun, Mari ni wo lato dogbe, woletɔ mɔgɛnu ti anu miri wo ma tun.

Tɔn-Fɔɛ-Fila-Nyɔgɛ 4:27

Wo kɔma, Mari si wo ranyɛnsɛn. Wo si basan sibolo-gbɛrɛkɛnu na. Wo siyaman si faga. Wo ma ni dɔgɔya.