Yɛrɛmaya 13:22 - ALLALA KUMƐ

²² Wo ni wo nyɛrɛ manyinika, wo ni a fɔ ko, “Nfen bi a tola, kɛnu bi mala ma la?” Wo hakɛ le ye a mala, wonu bi sigila ma ma, yɔ! Ka a tɛgɛ wo hakɛ wonu ma, anu ya wola kurɛ tɛgɛ wo la. Woletɔ anu buira wo ma ka digin wo ma.

Yɛrɛmaya 13:22 Iomraidhean Croise

Aiseya 20:4

Mari ko Asiriya mansɛ si mɔgɛnu bira nyamani filɛ wonu tɔ, wonu makolɔn si ta. A kina wo, a dennɛ wo, wonu dama kuru-lakolɔn si ta anubɛ anu kin-takolɔn. Wo si a ma, Iyipiti ni miliya.

Aiseya 3:17

Mari ko a si anu tɔrɔ. A ko a si anu kunyɛ gbana ka anu kunya-sondokore to.

Aiseya 47:8

Ile Babilɔn soe, i tole masɔ, sewɛ di ile min ye wɛ kɛ, kɔni, i miri ko i siginɛ lafɛrɛ rɔ. I ye i nyɛrɛ matagbala. I ko i rakɛn fenfen sa nyɔ. Ile ma a lɔn nun ni i si ma kɛɛ-musi la. I ma a lɔn ko i si foo ila dannu na.

Yɛrɛmaya 13:26

Ile Yerusalɛm kɛnu, Mari ko a si wola kurɛ wusɔn wo kun na. Bɛɛ si wo lakolɔn yen. Wo si miliya.

Yɛrɛmaya 14:16

A ko nɛbi wonu bi kumala minnu ye, wonu furinu na si kɛ a rɔ Yerusalɛm kila-kunyɛnu na. Anu tɔgɔ si to kɔnkɛ anubɛ anu yogenuna faan la. Anuna musu wo, anuna den wo, anu togonna-wo-togonna ti taran. A ko a si anu tɔrɔ feu, iko a bɛnta, anu ni tɔrɔ nya min.

Yɛrɛmaya 5:19

Wole Yuda mɔgɛnu si to nyinikalɛnu kɛla ko nfenna wota Mari Alla ye karagbɛlɛya-su kɛ sigila wo ma. Mari ko nde, Yɛrɛmaya ni wo yabi ko a ye wo mala le bawo wo ara ale Mari boloka ka sibolo-gbɛrɛnuna bɛsɛnu kɔ wo halala-nyamanɛ rɔ. Woletɔ wo si wɔli sibolo-gbɛrɛnu ye nyamanɛ do rɔ, wo halala ma min na.

Nimisa Koe 1:8

Yerusalɛm soe ara a nyɛrɛ latinya bawo a ara hakɛ-yogomɛ kɛ. A gbiliyanɛ minnu bolo nun, wonu ya a magboya bawo anu bara a lakolɔn yen. Ale fanan bi dila a yakɔrɛ dogonna miliyɛ bolo.

Isikiyɛli 23:26

Anu si ila kurɛnu bɔ i ma ka i mɛlan to. Anu si ila fen-kolomɛ bɛɛ toronde i la.

Hoseya 12:8

Wo ye a fɔla ko, ‘Ma ara ma nɔnfulu-tiginu na, ado mɔgɔ-den-kelen ti ke a fɔla ma ma ko ma ara kɛ sɔrɔn kensunyɛ le tɔ.’

Hoseya 2:10

Wo kɔma, n si a mawuran ala keminɛnu yala. Mɔgɔ-wo-mɔgɔ ti ke a latankala nta sɛnbɛ kɔrɔ.

Hoseya 2:3

Ni a ma sɔn, n si a makolonya iko a na ya a sɔrɔn nya min. A si ma iko dugu-magbalanɛ anubɛ gbangban. Kan-nagbalɛ si a faga.

Nehami 3:5

Mari Sɛnbɛ-Bɛɛ-Tigi ko a si ile Ninɛfa soe tɔrɔ. A ko a si ile Ninɛfa lakolonya alako duninya ni i lakolɔn yen.

Sɛfanaya 1:12

Mari ko wo wati wa ke, a si lɛnpu bi ka a yɛ lakalan Yerusalɛm soe tonke bɛɛ rɔ. Ni a ya mɔgɔ-wo-mɔgɔ taran min wasinɛ, ado a lanɛ a nyɛrɛ la, Mari ko a si wo tigi tɔrɔ. Wo tigi ye belenna a fɔla a nyɛrɛ ma ko, “Mari ti ko-wo-ko sigi a ma, a mara a nyima la wo, a mara a yogoma la wo.”

Tɔn-Fɔɛ-Fila-Nyɔgɛ 18:21

“Wo si to kɔndɔfili rɔ wo rɔ, ni nɛbi do ya kumɛ do fɔ min ma bɔ-a-la. Wo si a lɔn kama worɔ ko kumɛ wo bɔra Alla le bolo?

Tɔn-Fɔɛ-Fila-Nyɔgɛ 7:17

“Wo ka kilan wo yogenu na bawo anu siya wo ko. Hali anu siya, wo si ke le ka anu gben. Wo ni wo miri Mari ya min ma Iyipiti mansɛ anubɛ ata mɔgɛnu na.

Tɔn-Fɔɛ-Fila-Nyɔgɛ 8:17

Wo tenbi sewɛ wo rɔ, wo kana wo miri ko wo ye fan wonu sɔrɔnna wo nyɛrɛta fanka anubɛ wola kɛwunteyɛ le la.