Yɛrɛmaya 13:21 - ALLALA KUMƐ

²¹ Wo ye a fɔla minnu ma ko wo diyana-mɔgɛ le, wonu ba sigi wo kun na, wo si nfen fɔ? Wo ti yakɔrɔ-mamɔɛ anubɛ dumɛ sɔrɔn? Wo dumɛ si ma wo bolo iko musi buyi wa a lamaga.

Yɛrɛmaya 13:21 Iomraidhean Croise

2 Mansɛnu 16:7

Yuda Mansa Ehasi ya kilayɛnu nata Asiriya Mansa Pulu ma. A ya a fɔ kilayɛ wonu ye ko ala wɔli-kɛlɛ le ale la. A ko a ni na anubɛ ala mɔgɛnu kunyɛ bɔ gbaran rɔ Siriya mansɛ anubɛ Isirɛla mansɛ bolo.

Aiseya 10:3

Alla wa a lasɔ wole tɔrɔla, wo si nfen ma gbɛ? A wa kasarɛ lana wo kuma ka bɔ nyamani-yan rɔ, wo si na nfen ma? Wo burimatoe si ta yon bara wo dɛnbɛn-koe rɔ? Wo si wola fen-da-gbɛlɛnu dogon mintɔ?

Aiseya 13:8

Bɛɛ kun ma si kɔ. Anu si taran dumɛ rɔ iko musu-den-sɔrɔnmatoe. A bɛɛ yɛ si wuya-a-rɔ kilan bolo. Anu ti ke anu kunyɛ kɔrɔbila yisi-tinyɛ bolo.

Aiseya 21:3

N bara min tayen anubɛ n bara min namɔɛn ko-rayirɛ kɛ rɔ, wo ara dumɛ anubɛ kumakɔɛ tenbi n tɔ iko musi wa wuli a nyɛrɛ-masɔrɔn la.

Yɛrɛmaya 2:25

Mari ko wole, Isirɛla mɔgɛnu kana wo buri ha wo kian ma ni wulen kɔli-fannu-nyinɛ bolo, ado wo kana wo buri ha wo niyi tɛ ni tɛgɛ kɔli-fannu-sɔrɔn-koe la. Wo ye a fɔla wo bɛɛ rɔ ko bɛsɛ wonu denu di wo ye. Wo ko fɔ wo wa anu kɔ le serr!

Yɛrɛmaya 22:23

Wola mansɛla bɔn sɔra sida-fɛran minnu na ka bɔ Lɛbanan kɔnkɛnu kuma, ale mansɛ lafɛrɛnɛ sanɛ wo burɔ! Kɔnɔ dumɛ wa tagbaya a ma, a makinikininɛ si to iko nyaganɛ wa sigi tin kɔrɔ.

Yɛrɛmaya 30:6

Wo ni wo miri kumɛ kɛ ma. Kei si ke buyi bila ka dan sɔrɔn? Nfenna a ye kemini-tagbɛlɛmɛnu yenna anu bi anu buyi rabirala iko musi tenbi a nyɛrɛ masɔrɔnna? Nfenna bɛɛ yakɔrɛ manɛ fangbo iko furitɛ?

Yɛrɛmaya 38:22

N ya min yen ko-rayirɛ wo rɔ, musi min bɛɛ tora Yuda mansɛla bolɔn la, n ya mɔgɛ do sɔnɛ yen wonu yarɔ. A ye tala anu na Babilɔn mansɛla mɔgɔ-banu bara. Musi wonu bi tala a fɔla ko, ‘Mansɛ diyana-mɔgɛnu bara a lasama kilɛ ma. Sɛnbɛ ye wonu na ka tenbi mansɛ la. Ale mansɛ kian ara yigi bore rɔ. A diyana-mɔgɛnu bara a bolokanɛ to ka a magboya.’ ”

Yɛrɛmaya 4:30

Ile Yuda nyamani-tinyanɛ, i ye nfen kun na? Nfenna i ye kura-hakikɛnu donna i kan na? Nfenna i ye i makirila sɛnɛ la? Nfenna i ye i ya-siyi lafinna? I ye i nyɛrɛ mabɛnna fu! I gbo i kenintenu ye, ado i faga-sɔgɛ ara anu bira.

Yɛrɛmaya 4:31

N bi di-kɛ-kan lamɔɛnna iko musi tenbi a nyɛrɛ-masɔrɔnna. A ye dila iko nyaganɛ tenbi a fɔlɔtɛ sɔrɔnna. Yerusalɛm ye a niyi makawa-tinɛ le. A ara a bole rasagan ka a fɔ ko, “N bi kirɔnna-a-la le kɛ la. Anu bi n faga-tinɛ le kɛ la!”

Yɛrɛmaya 48:41

Anu si Mohabu soe bɛɛ bira-a-la anubɛ a so-latankanɛnu. Tele wo ma, Mohabu kɛlɛ-dannu si kilan iko musi buyi wa a lamaga.”

Yɛrɛmaya 5:31

Nɛbinu sa fenfen fɔla foninyɛ kɔma. Saraka-masɔlɛnu bi anu nyɛrɛta fanka le lawɔlila, ado wole, Mari nyɛrɛta mɔgɛnu diyana-koe le wo la. Kɔnɔ kɛ damasi laban si ma wo bolo nfen na?

Yɛrɛmaya 6:24

Wole Yerusalɛm so-burɔ-mɔgɛnu ba kɛlɛ-dan wonu na-koe lamɔɛn, wo mankulan si bɔ wo ma kilan bolo. Yisi-tɔrɛ si wo bira. Wo si taran dumɛ rɔ iko musi tenbi den sɔrɔn kun na.

Isikiyɛli 28:9

Anu ba na a faga-tinɛ tumɛ min, a si to a fɔla ko Alla le ale la, wa? Anubɛ a fagalɛ yakɔrɛ wa ma kelen na, a si a lɔn worɔ ko hadama-den-gbansan le ale la. Alla ma ale la feu!

Matiyu 24:8

Wola tɔrɔyɛnu dabirɛ le kɛnu na dɔrɔn.

1 Tɛsalonaika 5:3

Mɔgɛnu tenbi a fɔla ko anu bi yisi-kimɛ anubɛ lafɛrɛ rɔ, nba, anu si tɛrɛna halakiyi la wo wati le tɔ, yɔ! A si ma iko musu-kolomɛ buyi wa a lamaga. Anu ti kisi Mari na-tumɛ rɔ.