Yɛrɛmaya 13:10 - ALLALA KUMƐ

¹⁰ A ko wole, kalabantenu sa sɔnna wo tole masɔla ata makawandili-kan la. Wola tolo-gbɛlɛyɛ le ye a mala, wo ye wo nyɛrɛ diyana-koenu mala. Wo ye bɛsɛnu kɔla, woletɔ wo ye mala iko kufama kɛ. Wo ti ko-wo-ko nyinya mɔgɛ ma.

Yɛrɛmaya 13:10 Iomraidhean Croise

Yaburi 78:8

Anu denu ti lanayabɛlitayɛ kɛ iko anu benbanu, murutinu anubɛ kuma-birabɛlɛ wonu, kɔni. Lanayɛ min bi anu bolo Alla wara la, wo dɔgɔ, ado anu telenni ma a ye.

Makawandili Kumɛnu 11:9

Wole fonikenu! Wo ni wo nyɛrɛ ladiya. Fananta i pose, i ni i tele kɛ. Ko-wo-ko di i ye, wo ma fasai! Kɔnɔ i miri de, lunyɛ do, i wara koe min bɛɛsi ma, fɔ Alla wa i kiti wonuna ko la.

Aiseya 3:24

Kaka, anu suma-diyamɛ ye bɔla iko tulu-suma-diyamɛ kɔnɔ anu suma-yogomɛ ye nala bɔla tutu! Kaka, anu bi anu buta kirila fen-hakikɛ la kɔnɔ yarɔma, anu bi gbamɛ mala anu butɛ-kiri-fannu na. Kaka, anu kun-sigi-nyimɛ si taran anu kuma kɔnɔ yarɔma anu kunyɛ gbananɛ si to. Kaka, anu bi anu nyɛrɛ makirila kura-nyimɛ la kɔnɔ yarɔma, kura-kore, wo le si taran anu ma. Anuna kinyɛ si ma miliyɛ la.

Yɛrɛmaya 11:10

Ado nfan, a ko wo benbanu ya hakɛ minnu kɛ, wole fanan bi wonu denu gbɛ latugunna. Wo benbanu ya anu ban anu tole masɔla a la. Anu bilara bɛsɛnu fɛ ka wonu kɔ. A ko Isirɛla mɔgɛnu anubɛ Yuda mɔgɛnu bara sarama-kan tinya wo benbanu anubɛ Alla ya min kiri anu nyɔgɔn tɛma.

Yɛrɛmaya 11:18

Mari ara a yira n na ko n yogenu bara yanfɛ don nde, Yɛrɛmaya ma.

Yɛrɛmaya 13:7

Woletɔ n tara ka a labɔ farɛ kɔrɔ. Kɔnɔ n ya a taran, a la ara murun. A ti ko-wo-ko nyinya mɔgɛ ma tun.

Yɛrɛmaya 16:12

A ko kɔnɔ woleta karagbɛlɛyɛ ara tenbi wo benbanutɛ la. Wo tole gbereta dɔgɔma-ma-de! Min di wo ye, wo ye wo le mala. A ko wo sa a sako kɛla mumɛ!

Yɛrɛmaya 16:4

A ko kiraya-fitinɛ si ta anu na. Anu kunyɛ si to kɛlɛ rɔ, ni wo ma, kɔnkɛ si anu firan dugu-kole kuma. Anu dila-wo-dila ti taran, ado anu togonna-wo-togonna ti taran. A ko anu furi-bolokanɛ si taran dugi ma iko ninki-nyɛ. Anu furinu si ma konanu de-nyini-fan la, ni wo ma, firarɔ-sogenu.

Yɛrɛmaya 20:4

Mari ko a ara a tɔgɛ yɛlɛma bawo ale anubɛ a diyana-mɔgɛnu kun ma ni kɔ anu nyɛrɛ kuma. A ko a yogenu tenbi a diyana-mɔgɛnu fagala, a si a yɛ bɛn wonu ma. A ko ale Mari si wole, Yuda mɔgɛ bɛɛ don Babilɔn mansɛ bolo min si wo bira ka ta wo la Babilɔn. Ni wo ma, Babilɔn kɛlɛ-dannu si mɔgɔ-biranɛ wo donu faga.

Yɛrɛmaya 22:21

Fen bi wo bolo wati min, Mari kumara wo ye kɔnɔ wo ma wo tole masɔ a la, ado kebi wo dennɛ pɔipɔi, wo tora a mala wo nya. Lun kelen, lun tala, wo ma Mari sako kɛ.

Yɛrɛmaya 23:17

Wole minnu ya wo ban wo tolo-masɔ-koe ma ale Mari kan la, nɛbinu bi a fɔla wo ye ko, “Koe bɛɛ ye tala a kilɛ fɛ.” Wole minnu tolo-gbɛlɛ, nɛbinu kɛnɛna a fɔla mɔgɛ wonu ye ko kasara-sumɛ ti sigi wo ma.

Yɛrɛmaya 3:17

Wo wati wa ke tumɛ min, mɔgɛnu si Yerusalɛm kele ko, “Marita mansaya-waganɛ.” Sibole bɛɛ kun si dɛn nyɔ ka a bato. Sibole wonu ti bila anuta tolo-gbɛlɛyɛ anubɛ anuta sɔn-yogoya-kilɛ fɛ tun.

Yɛrɛmaya 35:15

A ko a ara mɛ ala wɔli-kɛlɛnu sɔla wo wara ala nɛbinu, kɔni, alako wo ni wo fara karagbɛlɛyɛ la ka don ko-latelenni-kɛ rɔ. Anu ya wo lasɛgi bɛsi-kɔ-koe ma alako wo ni a laban nyamanɛ kɛ rɔ, a ya min di wobɛ wo benbanu ma, kɔni. Kɔnɔ a ko hali wo, wo ti wo tole masɔ a la ka a kan to a gbɛ rɔ.

Yɛrɛmaya 44:16

“I ye min bɛɛ fɔla Mari tɔgɛ rɔ, ma ti ma tole masɔ wo la muk!

Yɛrɛmaya 44:5

A ko wo ma wo tole masɔ ka ale Marila kumɛ bira mumɛ! A ko wo ma wo fara wola kisimiriya-bɛsɛ wonu kɔla ka isɛnti mintan anu ye.

Yɛrɛmaya 5:23

Kɔnɔ a ko wo tole anubɛ wo yisi gbɛlɛ, wo ara wo kan-kɔ sɔ a la ka ta kudai!

Yɛrɛmaya 7:13

Mari ko wole, Isirɛla mɔgɛ damasi bole ye ko-yogoma-kɛ kɛ rɔ. A ye wo makawandila su-ni-tele kɔnɔ a ko wo ma sɔn wo tole masɔla a la. A ya wo rakele kɔnɔ wo ma sɔn a labirala.

Yɛrɛmaya 7:6

Sundannu wo, kelennɛnu wo, kɛɛ-musinu wo, wo kana a lagbɛlɛya wonu kuma. Minnu ma ko-yogomɛ ma, wo fara anu fagɛ la nyamanɛ kɛ rɔ. Wo fara bɛsi-kɔ-koe la fanan. Ni wo ma, bɛsi-kɔ-koe wo si wo halaki.

Yɛrɛmaya 8:5

Nfenna wole, Yuda kɛnu bi samala, wa? Nfenna wole, Yerusalɛm kɛnu sa wo sɛgila kilɛ ma? Wo lanɛ foninyɛnu denu na, wota bɛsɛnu, kɔni. Wo ya wo ban sɛgi-koe ma.

Yɛrɛmaya 9:13

Mari ya nna nyinikalɛnu yabi. A ko wo bɛɛ ara ma bawo wole, Yuda kɛnu bara wo ban ala karan ma. Wo sa sɔnna ata tɔn birala. Ale ye min fɔla, wo sa sɔnna wonu birala.

Yɛrɛmaya 9:14

Yanni wo ni wo ma, fɔ wo ya wo tole gbɛlɛya min kɛ ka bɛsi Beyali kɔ, ado wo benbanu denu ya wo karan wo ma.

Yɛrɛmaya 9:6

Mari ko nde, Yɛrɛmaya siginɛ yanfanteyɛ tɛma. Foninyɛ tugunnɛ ye tala anu nyɔgɔn na. Mari ko wo ara wo ban a lɔn-koe ma.

Yilan-Yilan Koe 14:11

Mari ya a fɔ Musa ye ko, “Mɔgɛ kɛnu si anu ban n na ha wati nyamintan? Hali n bara kabana-ko-siyaman min kɛ anu yala kɔnɔ ha bi, mɔgɛ kɛnu ma la n na.

Kɛwɔlɛnu 7:51

“Wole yisi-gbɛlɛnu! Wo yisi manɛ iko sibolo-gbɛrɛnutɛ. Wo tengberenyanɛ Allala kumɛ lamɔɛn-koe rɔ! Wo ye Allata Ni-Sɛnimɛ kɛlɛla tuma-wo-tuma iko wo benbanu ya a ma nya min!

Hiburunu 12:25

Wo ni a ma wo fɛrɛma worɔ. Alla wa kuma, wo kana wo tengberenya wo lamɔɛn-koe ma. Minnu ya anu ban nun wo lamɔɛn-koe ma, wonu denu ma kisi. Nba, min bi kumala ma ye ka bɔ Arinyɛni tɔ, ni ma ya ma tengberenya wola kuma-bira-koe ma, male si kisi kama worɔ gbɛ?