Yɛrɛmaya 12:9 - ALLALA KUMƐ

⁹ Nta mɔgɛnu mani de iko bibi-siyamɛ wa kɛ kona-manyɛganni kelan ma. Soge bɛɛ kun ni dɛn. Anu ni na anu kasayogoya-dɔn kɛ.

Yɛrɛmaya 12:9 Iomraidhean Croise

2 Mansɛnu 24:2

Mari ya a ma, nyamani-kun nani mɔgɔ-kurɔn donu wulita Yuda nyamanita-mɔgɛnu kan ma iko Mari ya a fɔ ala wɔli-kɛla nɛbinu ye nya min nun. Kurun do bɔra Babilɔn, do nara ka bɔ Siriya nyamanɛ rɔ, do nara ka bɔ Mohabu nyamanɛ rɔ, anubɛ do nara ka bɔ Amon nyamanɛ rɔ.

Aiseya 2:11

Wati ye nala, hadama-dannuna wasinteyɛ si ban. Anuna nyɛrɛ-kɔrɔtɛ si kasara. A ye tola Marita gbiliyɛ kelen pe le ma.

Aiseya 2:12

Wo tele wa ke, wasintenu wo, nyɛrɛ-kɔrɔtanɛnu wo, anubɛ sɛnbɛ-tiginu, Mari Sɛnbɛ-Bɛɛ-Tigi si wonu famayigi.

Aiseya 56:9

Mari ko wole sogo-feremɛnu, wo na sagɛnu tafarafara. Wole firarɔ-sogenu, wo na ala mɔgɛnu dɔn kedeku!

Yɛrɛmaya 15:3

Mari ko a si kasara-su nani natugu wole, Yuda kɛnu kan ma. A ko a si kɛlɛ lana min si wo lato. Wo kɔma, a si wulinu nana minnu si wo furi sagan. Wo kɔma, a si konanu anubɛ firarɔ-sogenu nana minnu si furi wonu tafarafara anu dɔn-tinɛ.

Yɛrɛmaya 2:15

Wole Isirɛla mɔgɛnu, wo yogenu bi bɔrɔndɔ-bɔrɔndɔla wo la iko yarɛ. Wo yogenu bi wo rakilanna. Anu bara Isirɛla nyamanɛ tii. Isirɛla soe bɛɛ ara mintan. Anu tonɛ tonbonyɛ la.

Yɛrɛmaya 34:20

Wo faga-sɔgɛ ye wo yoge minnu na, a ko a si wo don wonu bolo. Sogenu anubɛ konanu si to wo suyi dɔnna.

Yɛrɛmaya 7:33

Wo kɔma, furi-bolokanɛ si taran dugi ma nyɔ. Anu si ma konanu de-nyini-fan la. Kɔnkɛ ti nyɔ-sogenu bira. Mɔgɔ-wo-mɔgɔ ti taran nyɔ min si fan wonu gben furinu ma.

Nimisa Koe 1:17

“Nde, Yerusalɛm bole rasiginɛ iko tarali-kɛlɛ kɔnɔ n denkunna mumɛ sa. Nyamanɛ min bɛɛsi ye nna foolɛ rɔ, Mari ara a fɔ wonu ye ko anu ni n kɛlɛ. Anu bi n bira boloko-yogomɛ-kɛla iko fen-kɔsɔni-kɔnkɔn.

Isikiyɛli 34:5

Saga-fɛ-birala sa sagɛnu kun na min kɛ, woletɔ anu mara sogenu harayɛgɛ la.

Lankɛnimayɛ 17:16

I ya sogo-feremɛ min kere tan yen wo la, musu-yɛlan wo si gboya kere tan wonubɛ sogo-feremɛ wo ye. Anu si a bolo-fan bɛɛ bi a bolo ka a gbu-makolɔn to. Anu si a fɛrɛ-bɔnkɛ dɔn ka a toe lakɛ tɛ rɔ.