Yɛrɛmaya 12:8 - ALLALA KUMƐ

⁸ Nta mɔgɛnu manɛ n kan ma iko yarɛ tenbi firɛ rɔ. Anu bi bɔrɔndɔ-bɔrɔndɔla n ma. Woletɔ anu ma di n ye.

Yɛrɛmaya 12:8 Iomraidhean Croise

Aiseya 59:13

Ma ara hakɛ kɛ ka bila Mari la. Ma ara ma kan-kɔ sɔ a la. Ma ya ma rabɛn mɔgɛnu tanban-koe la alako ma si Alla sɔsɔ nya min. Yanfanteyɛ anubɛ foninya-fɔɛ ye bɔla ma yisi le tɔ.

Yɛrɛmaya 2:15

Wole Isirɛla mɔgɛnu, wo yogenu bi bɔrɔndɔ-bɔrɔndɔla wo la iko yarɛ. Wo yogenu bi wo rakilanna. Anu bara Isirɛla nyamanɛ tii. Isirɛla soe bɛɛ ara mintan. Anu tonɛ tonbonyɛ la.

Yɛrɛmaya 51:38

Babilɔn kɛnu mani de nun iko yara-feremɛnu. Anu bi wɔrɔndɔla iko yara-bulannu.

Isikiyɛli 23:18

A ya a mɛlɛn mɔgɛ bɛɛ yala alako bɛɛ ni a lɔn ko yɛlan le. Ale fanan sɔgɔ labɔra n na iko a kɔrɔ-musi sɔgɔ labɔra n na nya min.

Hoseya 9:15

Mari ko, “Wola ko-yogomɛ bɛɛ dabirara Kiligali soe burɔ le. Wo fɔlɔta gboyala n ye nyɔ le. N si wo gben nta nyamanɛ kɛ rɔ ka a tɛgɛ wola ko-yogomɛ kɛnu ma. N ti wo keni tun bawo wola kun-tiginu bara murutiya n ma.

Emɔsi 6:8

“Allatala ara a tanɛ sigi wo ye ka wo makawandi ko wole, Isirɛla mɔgɛnuna wasinteyɛ ma di ale ye mumɛ! A ko wo sa hɔnna mɔgɔ-gbɛrɛkɛ la, fɔ wo ye bon-hakikɛ minnu sɔla wo nyɛrɛ ye. Mari ko a si wobɛ wola so-karantan don wo yogenu bolo fasai!”

Maika 2:8

Maika ya Mari kuman-kan latenbi kensuntenu ma ko, “Wole Isirɛla mɔgɛnu, wo ye wo ta-nyɔgɛ mɔgɔ-tɔrɔnɛnu kɛlɛla iko wo yogenu. Mari ko mɔgɔ-tɔrɔnɛ wonu mani de iko kɛlɛ-dannu ba sɛgi ka bɔ kɛlɛ rɔ tumɛ min, anu bi anu mirila ko anu bara kanan anuna bɔnnu na kɔnɔ yaga, wole kensunte-kɔrɛnu siginɛ ka anu makɔni anu bolo-fannu ko-latɛgɛ koe rɔ.

Sakaraya 11:8

N kuruta saga-fɛ-birala sawɛ minnu ma, n ya wonu gben karɛ kelen kɔrɔ. N sɔgɔ labɔra sagɛnu fanan na ha n bandanta anu kɔrɔ.