Yɛrɛmaya 12:7 - ALLALA KUMƐ

⁷ “N bara n ban Isirɛla mɔgɛnu na. N bara n ban nta mɔgɛnu na. Anu denu min di n ye bɛrɛbɛrɛkɛ, n bara anu kunyɛ don anu yogenu bolo.

Yɛrɛmaya 12:7 Iomraidhean Croise

2 Mansɛnu 21:14

Min bi tola anu niyi la, n si n yɛ firindi wonu ma ka anu kunyɛ don anu yogenu bolo. Anu yoge wonu si anu nɔ ka anu bolo-fan bɛɛ bi anu bolo.

Yaburi 106:40

Woletɔ Mari fonde bɔra ala mɔgɛnu kuma. Anu sɔgɔ labɔra a la lass!

Yaburi 78:62

A gbunyara ala mɔgɛnu kɔrɔ, ha a ya anu kunyɛ don anu yogenu bolo ka anu faga.

Aiseya 2:6

E, Alla, i wara i ban ila mɔgɛnu na, Yakoba kegeyɛnu, kɔni. Nyamanɛ kɛ lafanɛ nya-nyini-kɛlɛnu na ka bɔ tele-bɔɛ wara la anubɛ Filisiti nyamanɛ rɔ. Ila mɔgɛnu bi sibolo-gbɛrɛnuna namunyɛ bila.

Yɛrɛmaya 11:15

Mari ko wole, a diyana-mɔgɛnu bi nfen kun na a Bato-Bɔn la, wa? Wo ye ko-yogoma-siyaman tabɛnna. Wo lanɛ a la ko kolo-fen-sarakɛ si kasarɛ poro wo ma le, wa? Wo tenbi karagbɛlɛyɛ kɛ kun na, a manɛ iko wo ye a diya donna wo rɔ.

Yɛrɛmaya 14:19

Mari, i wara i ban bɛrɛbɛrɛkɛ male, Yuda mɔgɛnu na, wa? Yerusalɛm gbo i ye, wa? Nfen bara a to, i wara ma tanban boloko-yogomɛ-kɛ ha ma sa kɛndɛyala tun? Ma yili ye yisi-kimɛ le ma nun kɔnɔ ma ma a sɔrɔn. Ma yili-madiyanɛ ma kɛndɛya-koe la Yaga, kumakɔɛ le ma kuma.

Yɛrɛmaya 17:4

A ko a ara nyamanɛ min di wo ma, wo si foo wo la, ado wo gbɛ le wo la. A ko a si a ma, wo yogenu ni wo ma yɔɔn la. Wo si taran yɔɔnyɛ wo rɔ nyamanɛ do rɔ wo ma min lɔn mumɛ! Ni wo ara a yen wo ye mala, wo mara bawo a fonde kaliyanɛ iko tɛ min si to mintanna kudai!

Yɛrɛmaya 22:5

Kɔnɔ a ko ni wo ma ala kumɛ bira, Mari ya a keli ko wola bolɔn kɛ si ma sundu-kunyɛ la. Ale Mari kan le kɛ la.

Yɛrɛmaya 23:33

Mari ya a fɔ nde, Yɛrɛmaya ye ko nɛbi wo, saraka-masɔla wo, ala mɔgɛ toenu wo, ni wo do ya nde, Yɛrɛmaya manyinika ko, “Mari ya kuma-gbilimɛ nyuman fɔ?” N ni a fɔ wo tigi ye ko, “Wole ara ma kuma-gbilimɛ la Mari ye,” ado a si wo tigi fɛrɛn dugi la pose!

Yɛrɛmaya 23:39

Mari si wo bi ka wo lafili a rɔ pirr! A ya soe min di wobɛ wo benbanu ma, a ya a ban wo la.

Yɛrɛmaya 51:5

Hali Isirɛla mɔgɛnu anubɛ Yuda mɔgɛnu bara hakɛ kɛ Mari-Sɛnimɛ la, ale anuta Mari Alla Sɛnbɛ-Bɛɛ-Tigi ko a ma a ban anu na.

Yɛrɛmaya 7:14

Woletɔ ale ara kan-tinɛ min yabɔ a bato-tinayɛ la Yerusalɛm, a si na nyɔ tinya pɔ, ado wo lara kan-tinɛ wo la dɔgɔma-ma-de! A ya nyɔ di wobɛ wo benbanu ma. Kɔnɔ hali wo, a ko a si nyɔ kasara iko a ya Sailo soe kasara nya min.

Yɛrɛmaya 7:29

Mari ko wole, Yuda kɛnu ni wo kunyɛ gbana ka wo kun-sigi lakɛ a rɔ. A ko wo ni ta kɔnkɔ-makolɔn kun tɛma ka saya-sigi sa. Wo ni wo ma bawo ale Mari nyɛrɛ ara a ban wole la. A ko a ara a kan-kɔ sɔ wo la. A ye wo tɔrɔla ata fondo-bɔɛ la.

Isikiyɛli 24:21

a ko n ni sarakanɛ kɛ latenbi wo ma. A ko wole wasinɛ Bato-Bɔn sɛnbɛ le tɔ. A ko nyɔ di wo ye ka a mafɛlɛn kɔnɔ hali wo, a ko ale le si sɔn nyɔ-latinya-koe ma. A ko wola dan minnu tonɛ Yerusalɛm, wonu kunyɛ bɛɛ si to kɛlɛ rɔ terr!

Hoseya 11:1

Mari ko, “Fɔlɔ nun, wole Isirɛla bɔnsɔn dɔgɔ tumɛ min, wo diyara n ye iko n halala-dan! N ya wo kele ka bɔ Iyipiti.

Hoseya 9:15

Mari ko, “Wola ko-yogomɛ bɛɛ dabirara Kiligali soe burɔ le. Wo fɔlɔta gboyala n ye nyɔ le. N si wo gben nta nyamanɛ kɛ rɔ ka a tɛgɛ wola ko-yogomɛ kɛnu ma. N ti wo keni tun bawo wola kun-tiginu bara murutiya n ma.

Yowɛli 2:15

Wo ni mɔgɛnu-nalɔn-buri fɛ Bato-Bɔn la Yerusalɛm soe burɔ. Wo ni mɔgɛnu nakundɛn alako anu ni sunyɛ don.

Yowɛli 3:2

A ko a si sibole bɛɛ kundɛn lɛɛ do rɔ min tɔgɛ Kiti Sa Lɛɛ. A ko a si anu kiti nyɔ rɔ ka a tɛgɛ anu bara min ma wole, ata mɔgɛnu na. A ko anu bara wole, Isirɛla mɔgɛnu tanyɛnsɛn duninya-tonko-nanɛ bɛɛ rɔ ka wola nyamanɛ tala anu nyɔgɔn na.

Luka 21:24

Donu si faga faan la. Donu si ta yɔɔnyɛ rɔ nyamanɛ bɛɛ rɔ. Sibolo-gbɛrɛnu si Yerusalɛm radɔn ha anuta wati ban tumɛ.

Tɔn-Fɔɛ-Fila-Nyɔgɛ 33:12

Musa ya a fɔ Bɛnyamɛ bɔnsɔn-mɔgɛnuna ko la ko, “Mari ya anu denu keni kosɛbɛ! Alla ye anu kandanna su-ni-tele, ado ata bato tinɛ ye anuta nyamanɛ tɛma.”