Yɛrɛmaya 12:4 - ALLALA KUMƐ

⁴ Nyamanɛ kɛ si to diyi kun na ha muntuma? Nyamanɛ kɛ bin-nafɔsɔnɛ ni to ha muntuma? Ka a tɛgɛ mɔgɛnuna karagbɛlɛyɛ ma, sogenu anubɛ konanu bara ban fagala. N yogenu bi a fɔla ko, “Ma wara-koe ye nya min, ma ma la a la ni Alla ye wo kalama.”

Yɛrɛmaya 12:4 Iomraidhean Croise

Yaburi 50:21

Wo ara kɛ damasi ma nun kɔnɔ n ma fenfen fɔ. Wole mirinɛ ko nde le iko wole. Kɔnɔ kaka, n bi nala bɔla gbɛ rɔ wo ye ka wo makuma.

Aiseya 24:4

Dugi si gbala ha a ra ni farafara. Duninya mumɛ si to kɔlɔbɔ! San-kole anubɛ dugu-kole si tuli ka a mafɔsɔ.

Aiseya 24:6

Woletɔ Alla ara dugi danka ka mɔgɛnu sara anuta ko-yogomɛla ko la. Minnu bara to anu niyi la, donu bi tola bɔla wonu na.

Yɛrɛmaya 12:11

Anu si nta sɛnɛ-hakikɛ yɛlɛma wula-da-rakolɔn la. A makolɔn sanɛ filili! Nyamanɛ mumɛ ara ma wula-da-rakolɔn la. Kɔnɔ wo bɔrɔ sa taranna mɔgɔ-wo-mɔgɔ ye.

Yɛrɛmaya 14:2

wole, Yuda nyamanita-mɔgɛnu bi diyi kun na gbɛ bawo wola so-burɔ-mɔgɛ bɛɛ ye faga-tinɛ le. Wo bonnɛ dugi ma di-kɛ-tinɛ, ado wole, Yerusalɛm kɛnu bi wo dɛ sala-a-rɔ wo dɛnbɛn-koe rɔ lungbɔn!

Yɛrɛmaya 23:10

Minnu telenni ma Mari ye, mala nyamanɛ lafanɛ wonu denu na pen! Anu bi karagbɛlɛyɛ le kun na tolon! Anu bara anuna sɛnbɛnu bɔrɔbɔ. Ka a tɛgɛ Marita dankɛ ma, dugi ye kurunna. Kolo-fen de-nyini-tinɛnu bara gbala.

Yɛrɛmaya 4:25

N yɛ-latɛ, n ma mɔgɛ yen. Hali kona bɛɛ ara gban ka ta anu ye pon!

Yɛrɛmaya 4:28

Nyamanita-mɔgɛnu si anu dɛ sa-a-rɔ lungbɔn! San-kole si fin. Mari ko kɛ ye mala le bawo ale ti a kuman-kan dɔn. A ara ban a latɛgɛla, ado a ti a miriya yɛlɛma.

Yɛrɛmaya 5:13

Nɛbinu bi fɔnyɔ le bɔla anu da rɔ. Allata kuma sa anu burɔ. Nɛbinu bi magbalama-kumɛ minnu fɔla ma kan ma, alamɛ wo sɛgira anu denu kɔgɔ rɔ.”

Yɛrɛmaya 5:31

Nɛbinu sa fenfen fɔla foninyɛ kɔma. Saraka-masɔlɛnu bi anu nyɛrɛta fanka le lawɔlila, ado wole, Mari nyɛrɛta mɔgɛnu diyana-koe le wo la. Kɔnɔ kɛ damasi laban si ma wo bolo nfen na?

Yɛrɛmaya 7:20

Ma Tigi Mari ya a fɔ ko a si ata fondo-bɔɛ labɔn kan-tinɛ kɛ ma. A hadama-den wo, a sogo wo, a kɔlɔma wo, a fui-fen wo, a si ata fondo-bɔɛ rawuya wonu dama ma. A ko ata fondo-bɔɛ si ma iko tɛ, ado mɔgɔ-wo-mɔgɔ ti ke tɛ wo ladufenna.

Yɛrɛmaya 9:10

Nde, Yɛrɛmaya si di biribiri kɔnkɛnuna ko la. N si saya-sigi sa dugu-da-rakolɔnla ko la. Wola wɔli-kɛ-tinɛnu bara tinya. Hali mɔgɛ, a sa tenbila nyɔ. Hali ninki kan la sa mɔɛnna nyɔ. Konanu bara anu gban ka ta pon! Sogo bɛɛ ara tunu nyɔ yen!

Yɛrɛmaya 9:9

Mari ko a ti wo tɔrɔ wola ko la, wa? A ko a bɛnta, wo ni tɔrɔyɛ min sɔrɔn, a kana wonu sigi wo ma, wa? Ale Mari kan le kɛ la.

Hoseya 4:3

Woletɔ a ko wola dugi ra ye gbalala le todo! Fan min bɛɛ ye a rɔ, wo bɛɛ si faga. A sogo wo, a koni wo, a yɛgɛ wo, a ko wo bɛɛ la si to dogbe!

Yowɛli 1:18

Ninkinu bi wundana bawo bin sa anu bolo anu si min dɔn, ado hali sagɛnu, a gbɛlɛ anu kuma.

Emɔsi 1:2

Nɛbi Emɔsi ko, “Mari ye seren-serenna Yerusalɛm kɔnkɔ-layan-bɛ kuma iko yara-kɔnkɔtoe. A kuman-kan manɛ Yerusalɛm kuma iko san-gbalamɛ. A kuman-kan si a ma, anuna saga-de-nyini-tinɛnu ni gbala wau!” Siriyanu

Habakuku 3:17

Hali toro-gbɔ sa a la, hali nɔnbɔ-gbɔ sa a la, hali ɔlifi-gbɔ sa a la, hali ki-fen sa mala-a-la ma bolo, hali mala sagɛ dama fagara, mala wɔrɛ ta ni kolonya

Sakaraya 1:12

Wo kɔma, Marita melika kumara Mari Sɛnbɛ-Bɛɛ-Tigi ye. A ko, “A ara san bi-wɔrɔnfila bɔ dɛgɛdɛgɛ, i fonde bɔnɛ Yerusalɛm soe anubɛ soe doinu kuma Yuda nyamanɛ rɔ. I fonde bɔnɛ si to kɛnu kuma ha muntuma?”

Romu 8:22

ado ma ya a lɔn ko ha bi, dali-fan bɛɛ ye kurunna dumɛ bolo iko musi buyi wa a lamaga.