Yɛrɛmaya 12:3 - ALLALA KUMƐ

³ Mari, ile ya n burɛ lɔn. Ile le ye n miriya lakɔrɔsila. I ni karagbɛlɛ kɛnu sagan dugi la iko saga-bosotɛ. Anu namara a dan na kan-natɛgɛ-telela ko la.

Yɛrɛmaya 12:3 Iomraidhean Croise

2 Mansɛnu 20:3

“E, Mari, i miri n ma. N ya ko-latelennɛ kɛ ka ita kumɛnu to anu gbɛ rɔ. N ya n taya ka i sako bɛɛ kɛ.” Ala matarali-kɛ wo ya a laban diyi kɛ ma a bolo.

1 Ko-Kɔrɔta-Karan 29:17

Nta Alla, ile le si mɔgɔ damasi kɔrɔbɔ, ado fɔ mɔgɔ-latelennɛnu, wonu denu bi i hɛnɛna. N bara kɛ damasi latenbi i ma n yisi bɛɛ la. Mɔgɛ min bɛɛsi ladɛnnɛ, anu ya min bɛɛsi labɔ, anu ya a labɔ anu yisi-gbɛnɛ le la.

Yobu 23:10

Kɔnɔ hali wo, n bi ko-wo-ko kun na, Alla kolan bɛnnɛ n ma. Ni a ya n kɔrɔbɔ, a si a lɔn ko telenbaga le nde la.

Yaburi 11:5

A ye mɔgɔ-nyimɛnu anubɛ karagbɛlɛnu fɛsɛfɛsɛla nya-kun-kelen. Wunduyogoyɛ di minnu ye, wonu fenfen ma di a ye.

Yaburi 139:23

E, Alla, n miriya lakɔrɔsi ka n fɛsɛfɛsɛ. I ni n kɔntɛ lɔn a kila-bɛrɛbɛrɛ fɛ.

Yaburi 17:3

Ile ya n burɛ lɔn. I wara i gbɛrɛn n ma suyi rɔ. I wara n bara-koe fɛsɛfɛsɛ a kila-bɛrɛbɛrɛ fɛ kɔnɔ i ma fɛɛ-wo-fɛɛ yen n na, ado n bara a latɛgɛ ko foninya ti bɔ n dɛ rɔ.

Yaburi 26:1

N Mari, a ma, n ni yo sɔrɔn bawo n bi ko-latelennɛ kɛla, ado n lanɛ i la gben!

Yaburi 7:9

Telenbagɛ le ile Alla la. I ya ma miriya anubɛ ma diyana-koe bɛɛ lɔn. I ni tɔn sigi karagbɛlɛnuna karagbɛlɛyɛ la. I ni mɔgɔ-nyimɛnu sara.

Yɛrɛmaya 15:15

E, Mari, ile min ya ko lɔn, i fonde lamiri n ma ka n nakanan. N tayili sara n tasɛlɛnu na. I kana i munyu anu kɔrɔ, ha anu ni n faga. Mari, anu bi tɔrɔyɛ min bɛɛ sigila n ma, wo bɛɛ tɛgɛnɛ ile le ma.

Yɛrɛmaya 17:16

N Mari, i ya n ma ila mɔgɛ kɛnu saga-fɛ-biralɛ la, ado n ma n ban wo ma. A ma di n ye tele-makilannɛ ni na nun. Mari, n bara min bɛɛ fɔ, i ye wo bɛɛ kalama.

Yɛrɛmaya 17:18

Minnu bi n yakɔrɔ-mamɔla, alamɛ wonu yarabira miliyɛ bolo pɔ! I yandi, n Mari, i kana n namiliya. Anu kumakɔ n ye kɔnɔ i kana sɔn, nde kun ma ni kɔ. Alamɛ i ya kasarɛ sigi n yogenu ma. I ni anu tinya ka anu tabunden n ye iko kɔrɛ.

Yɛrɛmaya 20:12

ado Mari Sɛnbɛ-Bɛɛ-Tigi, ile le si mɔgɔ-telennɛnu kɔrɔbɔ. I ya mɔgɔ-kɔntɛ-bɛrɛbɛrɛ lɔn. Kɔndɔfili min bi mabɛ mɔgɛ kɛnu tɛma, n bara ban wo yirala i la. Woletɔ a ma, tɔrɔyɛ min bɛnta anu ma, wo ni sigi anu ma n yala.

Yɛrɛmaya 48:15

Mohabu nyamanɛ anubɛ a soenu si tinya pɔ! A kemini-mɛsɛ-nyimɛnu kan na si tɛgɛ. Mala mansɛ Mari Sɛnbɛ-Bɛɛ-Tigi kan le kɛ la.

Yɛrɛmaya 50:27

Anu ni Babilɔn kɛlɛ-dan damasi kan natɛgɛ. Gbalo ye Babilɔn kɛnu ma. Anu kasara-wati ara ke.

Yɛrɛmaya 51:4

Anu tanbannɛnu si to sani lu-kolenu ma furinu fɛ tala.

Yɔni 21:17

A kinyama sawa nyɔgɛ, Yisa ya nyinikalɛ kɛ, a ko, “Saimon, Yɔnila dan, n di i ye, wa?” Pita ya a funu bawo Yisa ya a manyinika. A ko, “Mari, i ya koe bɛɛ lɔn, i ya a lɔn ko i keninɛ n bolo.” Yisa ya a fɔ a ye ko, “Nna sagɛnu fɛ-bira.

Yemesi 5:5

Wo siyi duninya kɛ rɔ, a fanɛ ladiyɛ anubɛ nyɛrɛ-diyana-ko-gbansan le la. Wo ara wo nyɛrɛ matɔlɔ wo kan-natɛgɛ-tele ye.

2 Pita 2:12

Anu ma koe minnu nya-yen, anu bi wonu nafɛyala. Anu manɛ iko firarɔ-soge minnu ti anu miri anuna ko-ladan-nyanu ma fɔ ka bila anu kun fɛ. Anu nadannɛ anu bira-koe anubɛ anu faga-koe le la tun, ado anu si na halaki iko firarɔ-sogenu.