Yɛrɛmaya 12:2 - ALLALA KUMƐ

² I wara wunduyogenu ki ma tɛma yan. A mani de iko anu suli gbangbannɛ gben, ado anu bi nanfala ka gbɔ. Anu bi i matɔgɔla anu da rɔ kɔnɔ anu yisi fɛ-yan i la pon!

Yɛrɛmaya 12:2 Iomraidhean Croise

Yobu 24:12

Mɔgɔ-tanbannɛnu bi anu kan nabɔla Alla ma soe burɔ kɔnɔ hali wo, Alla ti anu denkun. Fen-tiginu bi min sigila bolo-kolɔnnu ma, Allala ko sa wo rɔ.

Yobu 5:3

N bara kun-takolɔn do yen nun min wara-koe ara ta yarɔ kɔnɔ a ma mɛ, mɔgɛ do ya anubɛ ala denbayɛ danka.

Yaburi 37:35

N ya karagbɛlɛ do lɔn min si to nyɛɛla mɔgɛnu ma. A sankanya ye mɔgɛ bɛɛ kuma iko kɔlɔma-kuru-wɛ minnu bi Lɛbanan kɔnkɔ-nyamanɛ rɔ.

Aiseya 29:13

Mari ko mɔgɛ kɛnu bi a fɔla anu da rɔ ko ale Mari di anu ye kɔnɔ a wara-koe sa anu yisi-kunyɛ la. Anuna dina manɛ tɔn anubɛ namunya-gbansan le la. Wo le manɛ anu bolo kuntɔ-karan la.

Yɛrɛmaya 11:17

Mari Sɛnbɛ-Bɛɛ-Tigi le ya wo ki. Ale le nyɛrɛ ya a fɔ wo ye ko kasarɛ si na. Wo bɛɛ ye tɛgɛla min ma bawo Isirɛla mɔgɛnu anubɛ wole, Yuda mɔgɛnu bara yogoya ka a dan-natenbi. Wo ara sarakɛ di Beyali ma min kɛ, wo ara a ma, Mari fonde ara bɔ ka tenbi a dan kun na.

Yɛrɛmaya 3:10

ado Isirɛla tirisan-musu-wunduyoge kɛ ma sɛgi n ma a yisi bɛɛ la. A ya nyɛrɛmankolayɛ le dɔrɔn ma.”

Yɛrɛmaya 45:4

Kɔnɔ Mari ko ale ara min sɔ, a si wo labui. A ara min ki, a si wo wurun. A ko a si wo sigi duninya bɛɛ ma.

Isikiyɛli 33:31

Woletɔ nta mɔgɛnu bi nala a kinkila nta kumɛ lamɔɛn-koe la i bolo. Kɔnɔ n bi min fɔla anu ye, anu ti wo ma. Keninteyɛ ye anu da-yanbɛ le la kɔnɔ fɔ anu bi kensunyɛ min kɛla darɔ-diyɛ la.

Hoseya 7:14

Wo ma n matara wo yisi la fɔ ka wo nyɛrɛ gbesi dugi la ka belenna dila iko Alla-lɔnbɛlɛnu bi a mala nya min. Wo tenbi n matarala dɔn-fen-koe la, wo ye belenna wo mafarafarala iko kafirinu. Mɔgɔ-murutiyani-bɛrɛbɛrɛ le wo la.

Habakuku 1:13

Kɔnɔ Mari, ile si ke i munyuna karagbɛlɛ wonu kɔrɔ kama? I kolan sɛnima karagbɛlɛ wonu mafɛlan ma. I ti to i kolan bɛnna karagbɛlɛ wonu ma. Anu tenbi mɔgɔ-latelennɛnu kasarala wati min, nfenna i si i made, i ti kuma? Anu bi min kasarala, wonu telenta ka tenbi anu denu na.

Matiyu 15:8

Alla ko, ‘Mɔgɛ kɛnu bi a fɔla anu da rɔ ko n di anu ye kɔnɔ n bara-koe sa anu yisi-kunyɛ la!

Maraka 7:6

Yisa ya anu yabi ko, “Aiseya ya wɔlɔyiyɛ min kɛ wolela ko la, wo telenta! Nyɛrɛ-mayiralɛ le wole la iko a ya a sɛbɛ nya min. A ya a sɛbɛ ko Alla ko, ‘Mɔgɛ kɛnu bi a fɔla anu da rɔ ko n di anu ye kɔnɔ n bara-koe sa anu yisi-kunyɛ la!

Taita 1:16

Wonu si a fɔ ko anu ya Alla lɔn kɔnɔ anuna kɛwɔlɛnu bi wo masɔsɔla. Anu makisimiriyanɛ. Kuma-birabɛlɛnu denu bi tolon! Ko-nyima-kɛ ma bɛn anu ma mumɛ!