Yɛrɛmaya 12:15 - ALLALA KUMƐ

¹⁵ A ko a wa ban sibolo-gbɛrɛ wonu wurunna tumɛ min, anuna hinɛ ni na to donna ale rɔ. A ko a si bɛɛ sigi a halala-fen kun na.

Yɛrɛmaya 12:15 Iomraidhean Croise

Yɛrɛmaya 16:15

Kɔnɔ wo si a kele ko, “Alla min ya ma bɔ kantɔ-nyamanɛnu tɔ anubɛ nyamanɛ doinu a ara ma ranyɛnsɛn kan min,” ado Mari ko a si a ma, a ya nyamanɛ kɛ min di wo benbanu ma, wo ni sɛgi nyɔ rɔ tun, yɔ!

Yɛrɛmaya 24:6

A ko a si anu fɛ-bira ka anu nasɛgi nyamanɛ kɛ rɔ tun. A ko a si to anu wara-koe mayɛlɛla, a ti anu wara-koe mayigi. A si anu nama-a-la, a ti anu bɔ nyɔ iko mɔgɛ wa fen ki, a ti anu wurun tun.

Yɛrɛmaya 29:14

A ko a si a ma, wo ni a yen. A si wo bɔ biralɛ rɔ ka sɛgi wo la wo halala-nyamanɛ rɔ yan. A ko hali a ara wo fɔrɔsɛ ko wo ni bɔ Yerusalɛm, a si wo yatɔnbɔn sibolo-gbɛrɛnu tɛma. A ya wo lata biralɛ rɔ kan tinɛ minnu tɔ, a ko a si wo kundɛn kan-tina-kelen ka na wo la Yerusalɛm yan. Ale Mari kan le.

Yɛrɛmaya 3:12

A ko n ni ta kilayɛ lake kantɔ-wara la Isirɛla mɔgɛnu bi kan min. Mari ko wole, Isirɛla mɔgɛ minnu telenni ma, wo ni sɛgi ale Mari ma. A ko a ti a kolan firindi wo ma tun! A ko a kinikinite, a fondo-bɔnɛ ti to wo kan ma tun.

Yɛrɛmaya 3:17

Wo wati wa ke tumɛ min, mɔgɛnu si Yerusalɛm kele ko, “Marita mansaya-waganɛ.” Sibole bɛɛ kun si dɛn nyɔ ka a bato. Sibole wonu ti bila anuta tolo-gbɛlɛyɛ anubɛ anuta sɔn-yogoya-kilɛ fɛ tun.

Yɛrɛmaya 4:2

Ni wo ya wo keli Mari kelan rɔ, wo kɔma ka lanyiri wo kanbali, sibole bɛɛ si duwɛ sɔrɔn wo lela ko la, ado anu si to ale Mari matɔgɔla ala ko-ladannɛnuna ko la.

Yɛrɛmaya 48:47

Kɔnɔ tɔ-a-la, Mari si a ma, Mohabu kɛnu ni to tala yarɔ. Mari ya kɛ le fɔ ka a tɛgɛ Mohabu kɛnuna ko ma.

Yɛrɛmaya 49:39

Kɔnɔ Mari ko lunyɛ do si na, a si a ma, Ilam kɛnu ni sabati tun. Ale Mari kan le kɛ la.

Yɛrɛmaya 49:6

Kɔnɔ Mari ko tɔ-a-la, Amonnu si ma-a-la tun. Mari kan le kɛ la.

Daniyɛli 11:4

Kɔnɔ ala mansayɛ wa wara ha ka a dan-natenbi, ala nyamanɛ wo si tala nyamani nani na kɔnɔ mansa nanɛ wonu fenfen ti ma a kebila-nyɔgɔn la. Kɔnɔ hali wo, anu ti sɛnbɛ sɔrɔn ka ke ale mansɛ rɔ.

Emɔsi 9:14

Mari ko a si ala mɔgɛnu nasɛgi anu halala-dugi ma. Anu si anuna so-tinyanɛ sɔ tun ka anu sigi nyɔ. Anu si kɔlɔmanu ki ka anu gbɔɛ dɔn. Anu si ki-fannu ki ka wo fanan dɔn.

Yilan-Yilan Koe 32:18

Ma ti sɛgi mumɛ fɔ ma ta-nyɔgɛnu ba anuta nyamanɛnu sɔrɔn, yɔ!

Kɛwɔlɛnu 15:16

‘Nde, Mari si sɛgi ka Dawudala bon-buinɛ sɔ. N si a tinya tinɛnu tabɛn ka a sɔ tun gben!

Tɔn-Fɔɛ-Fila-Nyɔgɛ 3:20

N ko anu ni anu ta-nyɔgɛnu dɛnbɛ ha anu fanan ni anu sigi-bole rabɛn yisi-kimɛ rɔ Yorodan bɛ kɔgɔma tele-yigi wara la, Mari ya lanyiri kiri anu ye nyamanɛ minna ko la nun. Mari ara ban anutɛ rabɛnna anu ye. N ko anu ba ban anu na-kelen-nyɔgɛnu dɛnbɛna kɛlɛ la, anu denu fanan si sɛgi anu kɔma-kilɛ la ka na anu sigi anuta nyamanɛ kɛ rɔ yan.

Tɔn-Fɔɛ-Fila-Nyɔgɛ 30:3

wota Mari Alla fanan si kinikini wo ma. A ya wo don bɔnsɔn minnu bolo nun, a si wo labɔ wonu tɛma. Wola koe bɛɛ si ta a kilɛ fɛ wo bolo tun.