Yɛrɛmaya 12:13 - ALLALA KUMƐ

¹³ Mɔgɛnu si fui-fan fui kɔnɔ anu ti fenfen tɛgɛ binyɛ kɔma. Anu si wusi tirindi kɔnɔ ko-wo-ko ti bɔ anu tɔrɔ-gbɛ wo rɔ. Anu si miliya anuna dɔn-fen-sɔrɔnbɛlitayɛla ko la kɔgɔrɔyɔlɔ! N yisi-bɔɛ le ye a mala, kɛ dama ye nala sigila anu ma.”

Yɛrɛmaya 12:13 Iomraidhean Croise

Yaburi 78:62

A gbunyara ala mɔgɛnu kɔrɔ, ha a ya anu kunyɛ don anu yogenu bolo ka anu faga.

Aiseya 55:2

I si wodi labɔ fan dola ko rɔ min ti i fa? I si i sara-kunyɛ lagbana, kɔnkɛ ni to i niginigila? Ni wo ya wo tole masɔ ale Mari la, wo si to fen-diyamɛnu dɔnna. Dɔn-fan min bi i sɔndɔmɛ wasala, i si to wo dɔnna.

Yɛrɛmaya 17:10

Kɔnɔ Mari ko ale le si ke mɔgɔ-burɛ lɔnna. Ale le si mɔgɔ-miriya kɔrɔbɔ. Woletɔ a ko min bɛnnɛ mɔgɛ bɛɛ ma, ale le si ke wo latɛgɛla. A ko a si bɛɛ sara a sara-nya la.

Yɛrɛmaya 4:26

N yɛ-latɛ, n ya nyamani-hakikɛ yen. A ara ma wula-da-rakolɔn la. A soe bɛɛ ara halaki. Mari nyɛrɛta fondo-bɔɛ gbɛ le kɛ la.

Yɛrɛmaya 9:5

Bɛɛ ye foninyɛ fɔla a diyana-mɔgɛ kan ma. Tonya-fɔla fenfen sa anu tɔ. Wole Yuda kɛnu bi wo nagan nadurula foninya-fɔɛ ma. Hakɛ ara wo rafaga kɔlɔbɔ!

Hoseya 8:7

Ni min ya wunduyogoyɛ fui, wo tigi ye kasarɛ le tɛgɛla. Wola fui-fen-kuran ti ma dɛgɛ la wo ye. Hali wo mara lefan, sundannu denu bi nala wo dɔnna wo bolo.

Saraka-Masɔlɛnuta Tɔnnu 26:16

n si wo tɔrɔya. N si yakɔrɔ-mamɔɛ lana wo kuma iko kiraya-yogomɛ sufa min ti dandan, anubɛ fɛrɛma-kaliyɛ min si wo fiyonya ka wo bara wao! Wo si wola suginu fui kɔnɔ wo ti fenfen sɔrɔn bawo wo yogenu si bui wo ma ka wola dɔn-fen-sabatinɛnu bi wo bolo ka ta anu na.

Saraka-Masɔlɛnuta Tɔnnu 26:20

Wo ye wɔli-gbɛlɛmɛ minnu kɛla, fenfen ti bɔ wonu tɔ bawo wola fui-fannu anubɛ ki-fen-gbɔɛnu ti sabati dugi rɔ.

Maika 6:15

Wo si wola suginu fui kɔnɔ wo ti wo fenfen tɛgɛ kɛlɛ bolo. Wo si tulinu bɔ kɔnɔ wo ti tɔnɔ sɔrɔn anu tɔ. Wo si wola nɔnbɔ-gbɔɛnu burun kɔnɔ wo ti anu yinu min.

Habakuku 2:13

Wo ya mɔgɛ minnu bira kɛlɛ rɔ, wo ya anu fɛrɛ tinya wɔli-fufafui kɛla wo ye. Wonu ya fan min bɛɛsi ladan wo ye, tɛ si wonu ban fegba! Mari Sɛnbɛ-Bɛɛ-Tigi le ye wo mala.

Hegayi 1:6

Wo ye fen-siyaman fuila kɔnɔ wo sa fen-kɛndɛ sɔrɔnna anu tɔ. Dɔn-fannu bi wo bolo kɔnɔ anu ti wo buyi lafa. Wo ye wo minna kɔnɔ wo kan la ti kimɛ. Kurɛnu bi wo bolo kɔnɔ anu ti kimɛ bɔ wo la. Wo si wodinu sɔrɔn kɔnɔ wola wodi ti sigi wo bole tɔ.

Hegayi 1:9

Wo yili-madiyanɛ ko wo si dɔn-fen-siyaman tɛgɛ kɔnɔ wo wa a tɛgɛ tumɛ min, a ma kolo. Wo wa na a la soe, a si ma iko fɔnyɔ wa sigi fen kɔrɔ. Nfen ya a to, n ya wo ma? Min ya a to, n ya wo ma kamasɔrɔn nta Bato-Bɔn wuyanɛ. Kɔnɔ wota bɔnnu, wo ye wonu nadanna a kin na wo nyɛrɛ ye.

Romu 6:21

Wo ya koe minnu ma fɔlɔ-nun, wo miliyanɛ minnu na kaka, wo ya nfen tɔnɛ sɔrɔn wonu tɔ? Wonuna ban le sayɛ la.

Tɔn-Fɔɛ-Fila-Nyɔgɛ 28:38

“Yanni wo ni ma, wo si fen-siyaman fui kɔnɔ ko ti bɔ anu tɔ kamasɔrɔn kondɔnnu si anu dɔn sa!