Yɛrɛmaya 12:12 - ALLALA KUMƐ

¹² Kɛlɛ-den-siyaman si tenbi kɔnkɔ-manunkunɛ wonu ma. Nde, Mari si a ma, kɛlɛ-dan wonu ni nyamanɛ wo tɔrɔ. Ka a bi nyamanɛ-dan doi ma ka a sigi a dan doi la, anu si mɔgɛ wo bɛɛ tɔrɔ. Mɔgɔ-wo-mɔgɔ ti kisi.

Yɛrɛmaya 12:12 Iomraidhean Croise

Aiseya 34:6

Anu kɛɛn anubɛ anu yele si don faan wo ma iko saraka-masɔlɛta saraka-boso-muri. Mari si sarakɛ kɛ bɔ Bɔsira soe burɔ, ado kɛ si ma kan-natɛgɛ-ba la Idɔm nyamanɛ rɔ.

Aiseya 57:21

Alla ko karagbɛlɛnu ti yisi-kimɛ sɔrɔn.

Yɛrɛmaya 15:2

Ni wo ko, “Mintɔ,” a ko ka a fɔ wo ye ko ni kirayɛ la ara tɛgɛ min ma, wo ni faga kirayɛ bolo. Ni min kunyɛ ye tola kɛlɛ rɔ, wo kunyɛ ni to kɛlɛ rɔ. Ni kɔnkɔ-fitinɛ ye tala min na, kɔnkɛ ni ta wo la. Ni min kunyɛ ye tola biralɛ rɔ nyamani-gbɛrɛ rɔ, wo kunyɛ ni to birɛ rɔ.

Yɛrɛmaya 16:5

Mari ko n kana ta saya-bɔn la. A ko n kana saya-kɔndɔli-kɛ hali ka di. A ko n kana wo ma bawo a ara ata duwɛ bɔ wo bolo. A ti ata keninteyɛ anubɛ ata kinikinɛ yira wo la tun!

Yɛrɛmaya 25:11

Nyamanɛ mumɛ bɛɛ kasaranɛ si to. San bi-wɔrɔnfila dɛgɛdɛgɛ, wobɛ wo dan-masa-nyɔgɛnu bi Babilɔn mansɛ kɔrɔ.

Yɛrɛmaya 3:2

Wo ni wo yɛ lata kɔnkɛnu kuma. Kɔnkɛ do ye nyɔ, wo ma yɛlɛnyɛ kɛ wɛ kan min, ba? Wo ye tala wo sigila kila-kunyɛnu na ka wo kenintenu makɔni iko Arabu bumali-kɛlɛnu si sigi nya min. Wo ara wola nyamanɛ latinya bawo wo ara wo nyɛrɛ ma yɛlannu na ka ko-yogomɛnu nadan.

Yɛrɛmaya 3:21

Mɔgɛnu si wo di-kɛ-kan lamɔɛn kɔnkɛnu kun tɛma. Wole Isirɛla mɔgɛnu bi wo dɛ sala-a-rɔ madiyali-kɛ-tinɛ. Wo sɔn ara yogoya ka a dan-natenbi. Wo ara nyina wota Mari Alla ko.

Yɛrɛmaya 30:5

A ko a ye wole, ata mɔgɛnu wɔrɔndɔ-kan lamɔɛnna kumakɔɛ bolo. Wo kilannɛ dɔgɔma-ma-de, ado yisi-kimɛ sa nyɔ.

Yɛrɛmaya 34:17

Woletɔ Mari ko wo ara a lafɛya bawo wo ma sɔn wo ta-nyɔgɛ Isirɛla mɔgɛnu boloka-koe ma. A ko ale nyɛrɛ-nyɛrɛ si wo boloka. Wo kɔrɛ ye min na ko ka wo to kɛlɛ anubɛ kirayɛ anubɛ kɔnkɛ bolo la. A ko a ye min sigila wo ma, sibolo-gbɛrɛnu ba wo yen, anu si anu bole sa anu dɛ la.

Yɛrɛmaya 4:27

Mari kuman-kan le kɛ la. A ko a si nyamanɛ tinya kɔnɔ a ti a mumɛ bɛɛ halaki.

Yɛrɛmaya 46:10

Ma Tigi Mari Alla Sɛnbɛ-Bɛɛ-Tigita tele le kɛ la. A ye nala a tayili sarala bi. A ye nala anu yogenu tɔrɔla bi. Ala faan si anu dɔn ha a buyi la ni fa. A si anu yele min ha a ni wasa. Mari Sɛnbɛ-Bɛɛ-Tigi si a ma, Babilɔn kɛlɛ-dannu bi a yogenu kan natɛgɛla Yufereti bɛ dafɛ kantɔ-wara la.

Yɛrɛmaya 47:6

Filisitinu bi gbunyala ko, “E, Marita faan, i si to pelen-pelenna ha tumɛ nyamintan? Don i lɛɛ rɔ ka i sulen nyɔ.”

Yɛrɛmaya 48:2

ado Mohabu kɛnuta so-nyimɛ si tinya pɔ! A yogenu bi nala Hɛsibɔn soe birala. Anu bi yanfɛ kirila nyɔ le gbɛ alako anu si Mohabu nyamanɛ toe bira nya min. Madena so-burɔ-mɔgɛnu tadenɛ si to don bawo faan ye nala anu sagaranna.

Yɛrɛmaya 8:15

Ma miri ye yisi-kimɛ le ma nun kɔnɔ yisi-kimɛ sa ma ye. Ma hɛnkili latɛgɛnɛ kɛndɛyɛ le ma nun kɔnɔ yaga, kumakɔɛ gbansan!

Nimisa Koe 3:17

Kɛndɛyɛ wo, yisi-kimɛ wo, anubɛ sewɛ, n miriya ma ke wonu ma tɔrɔyɛ bolo.

Isikiyɛli 14:17

“Tumado, n si kɛlɛ lana anu ma. N si kɛlɛ-kɛ-fen-yogomɛnu nana minnu si mɔgɛnu anubɛ sogenu wara-koe ka-a-la.

Isikiyɛli 21:28

Mari ya a fɔ tun ko, “Ile hadama-dan, nde, wo Tigi Mari ye nala min fɔla Amonnu ye kɛ la, i ni wo latenbi anu ma bawo anu bi Isirɛla mɔgɛnu tasɛla kati! A fɔ anu ye ko, ‘Faan do ye wo tinya kan ma. A masusanɛ mɔgɔ-faga-koe la. A ye malan-malanna iko san-sɛran.’

Isikiyɛli 21:4

N si bɔ mɔgɛnu fagala nna faan la ka bɔ dugula nyamanɛ ha kantɔ.

Isikiyɛli 21:8

Mari ya a fɔ n ye tun ko,

Isikiyɛli 21:9

“Ile hadama-dan, n kuman-kan kɛ latenbi mɔgɛnu ma, n ko, ‘Faan do ye nyɔ min dɛ ye a la, ado a ye malan-malanna.

Isikiyɛli 5:2

Kɛlɛ wa ka-a-la ila so-ladannɛ wo rɔ, i ni i kun-sigi, sigi kelan bi ka a mintan nyɔ. A sigi kelan, i ni wo ratɛgɛ gbede-gbede, ila faan wo la soe wola foolɛ rɔ. A sigi kelan min tonɛ, i si wo ranyɛnsɛn. Fɔnyɔ ni ta a la bawo nde, Mari si Isirɛla mɔgɛ wonu sagaran nta faan la.

Saraka-Masɔlɛnuta Tɔnnu 26:33

N si wo yogenu nana ka wo kɛlɛ ka wo bira ka ta wo la nyamanɛ siyamɛnu tɔ. Wola nyamanɛ rakolɔn si to. Wola soenu si ma iko tonbon-kɔrɛnu.

Emɔsi 9:4

Wo yogenu ba ta wo la biralɛ rɔ, a ko a si a ma, wo yogenu ni wo faga. A ko a ye wo kasara-koe le tɔ, wo kisi-ko ma de!

Sɛfanaya 2:12

Mari si a ma, Sudan kɛnu yogenu ni anu halaki.

Tɔn-Fɔɛ-Fila-Nyɔgɛ 32:42

Mari ko yele si bɔ ata kalabɛn-sungbannu na ka tinti dugi ma. A ma di minnu ye, ata faan si wo bɛɛsi faga le. A yoge fenfen ti to a niyi la, hali mɔgɔ-tanbannɛnu anubɛ mɔgɔ-biranɛnu fanan si faga.

Lankɛnimayɛ 6:4

So-wulan fanan bɔra. Min mayiginɛ wo kuma, Alla ya sɛnbɛ di wo ma ka kɛlɛ lana dugu-kole kuma alako mɔgɛnu ni anu nyɔgɔn faga. Alla ya faan-yan-bɛ di wo ma.