Yɛrɛmaya 12:11 - ALLALA KUMƐ

¹¹ Anu si nta sɛnɛ-hakikɛ yɛlɛma wula-da-rakolɔn la. A makolɔn sanɛ filili! Nyamanɛ mumɛ ara ma wula-da-rakolɔn la. Kɔnɔ wo bɔrɔ sa taranna mɔgɔ-wo-mɔgɔ ye.

Yɛrɛmaya 12:11 Iomraidhean Croise

Makawandili Kumɛnu 7:2

Yanni mɔgɛ ni ta ladiya-bɔn la, a fisa, a ni ta saya-bɔn la bawo bɛɛ si a miri sayɛ ma nyɔ le, ado bɛɛla ban le sayɛ la.

Aiseya 42:25

Woletɔ a ya a ma, ma ara ata diminya-makawanɛ lɔn anubɛ ka kɛlɛ-masibɛ lɔn fanan. Ata diminyɛ ya mintannɛ kɛ Isirɛla nyamanɛ rɔ iko tɛ kɔnɔ ma sa a kalama. Ma ma hɛnkili sɔrɔn wo fenfen ma.

Aiseya 57:1

Telenbagɛnu bi fagala kɔnɔ mɔgɛnuna ko sa anuna ko rɔ. Alla wa mɔgɔ-nyimɛnu niyi bi tumɛ min, mɔgɛnu ti a lɔn Mari le wara anu bɔ ko-yogomɛnu da kun tɔ.

Yɛrɛmaya 10:22

Wole Yuda kɛnu, wo ni wo tole rabalan. Kɛlɛ-mankan ye nala. Kɛlɛ-sɔnkɔ-sɔnkɛ ye nala ka bɔ kantɔ-wara la. Wo yogenu si wola soenu ma tonbɔn la iko wula-da-rakolɔn. Nyɔ si ma fira-wulinu barɛ la.

Yɛrɛmaya 10:25

Ita fondo-bɔɛ rawuya sibolo-gbɛrɛnu ma. Anu ma i lɔn. Anu ti ile matara. Sibolo-gbɛrɛ wonu denu ya male, Yakoba kegeyɛnu kasara ka ma lato dogbe! Wonu denu ya mala nyamanɛ fanan kasara.

Yɛrɛmaya 14:2

wole, Yuda nyamanita-mɔgɛnu bi diyi kun na gbɛ bawo wola so-burɔ-mɔgɛ bɛɛ ye faga-tinɛ le. Wo bonnɛ dugi ma di-kɛ-tinɛ, ado wole, Yerusalɛm kɛnu bi wo dɛ sala-a-rɔ wo dɛnbɛn-koe rɔ lungbɔn!

Yɛrɛmaya 19:8

A ko a si so-karantan kɛ rade dogbe! So-karantan kɛ si ma yɛlɛnma-fan la mɔgɛnu ye. Mɔgɛnu tenbi tenbila, anu si anu kunyɛ firifiri. Anu ba so-karantan kɛ tinya-bole mafɛlɛn, anu si kawa.

Yɛrɛmaya 23:10

Minnu telenni ma Mari ye, mala nyamanɛ lafanɛ wonu denu na pen! Anu bi karagbɛlɛyɛ le kun na tolon! Anu bara anuna sɛnbɛnu bɔrɔbɔ. Ka a tɛgɛ Marita dankɛ ma, dugi ye kurunna. Kolo-fen de-nyini-tinɛnu bara gbala.

Yɛrɛmaya 25:11

Nyamanɛ mumɛ bɛɛ kasaranɛ si to. San bi-wɔrɔnfila dɛgɛdɛgɛ, wobɛ wo dan-masa-nyɔgɛnu bi Babilɔn mansɛ kɔrɔ.

Yɛrɛmaya 4:20

Kasarɛ ara sa kasarɛ kuma. Nyamanɛ bɛɛ ara halaki pɔ! Mata fani-bɔnnu bara halaki nya-kun-kelen. Fani-bɔn-yorolannu bara fogbɔ.

Yɛrɛmaya 4:27

Mari kuman-kan le kɛ la. A ko a si nyamanɛ tinya kɔnɔ a ti a mumɛ bɛɛ halaki.

Yɛrɛmaya 4:28

Nyamanita-mɔgɛnu si anu dɛ sa-a-rɔ lungbɔn! San-kole si fin. Mari ko kɛ ye mala le bawo ale ti a kuman-kan dɔn. A ara ban a latɛgɛla, ado a ti a miriya yɛlɛma.

Yɛrɛmaya 6:8

Mari ko tɔrɔyɛ kɛnu ni ma wole, Yerusalɛm kɛnu makawandi-fan la. Ni wo ma wo tole masɔ, a si a ban wo la. A ko a si wola soe kɛ ma dugu-magbalanɛ la. Nyɔ si ma tonbɔn la.

Yɛrɛmaya 9:10

Nde, Yɛrɛmaya si di biribiri kɔnkɛnuna ko la. N si saya-sigi sa dugu-da-rakolɔnla ko la. Wola wɔli-kɛ-tinɛnu bara tinya. Hali mɔgɛ, a sa tenbila nyɔ. Hali ninki kan la sa mɔɛnna nyɔ. Konanu bara anu gban ka ta pon! Sogo bɛɛ ara tunu nyɔ yen!

Yɛrɛmaya 9:11

Mari ko a si Yerusalɛm soe ma iko sundu-kunyɛ. Nyɔ si ma fira-wulinu barɛ la. A ko a si soenu bunden Yuda nyamanɛ rɔ ha mɔgɔ ti sigi nyɔ tun.

Yɛrɛmaya 9:9

Mari ko a ti wo tɔrɔ wola ko la, wa? A ko a bɛnta, wo ni tɔrɔyɛ min sɔrɔn, a kana wonu sigi wo ma, wa? Ale Mari kan le kɛ la.

Yowɛli 1:10

Sɛnɛ bɛɛ ara ma gbɛkole la. Dugi fanan bi dila bawo sɛnita-fannu anubɛ ki-fannu bara kasara.

Saraka-Masɔlɛnuta Tɔnnu 26:32

N si wola nyamanɛ duginu tinya, hali wo yogo minnu bi nala anu sigila wo gbɛ rɔ, wola dugi wo tinya-nya si ma latɛrɛna-koe la anu fanan bolo.

Sakaraya 7:5

A ko n ni a fɔ saraka-masɔlɛnu anubɛ mɔgɛ bɛɛ ye ko anu ya sunyɛ don min kɛ ka di a karɛ loli nyɔgɛ anubɛ a karɛ wɔrɔnfila nyɔgɛ ma san bi-wɔrɔnfilɛ kɛ kɔrɔ, anu ma wo kɛ ale Mari ye.

Malakayi 2:2

A ko fɔ wo ni a gbiliya wola ko-ladan-bolenu fɛ. Ni wo ma ata kumɛ bira, a si wo danka. A ko hali wo ye wo nilɛ minnu sɔrɔnna sarakɛ wonu tɔ, a si wo bɛɛ danka. Ado nfan, a ara ban wo bɛɛsi dankala gbuyɛ bawo wo ma ala tɔn bira wo sɛbɛ la.

Romu 8:22

ado ma ya a lɔn ko ha bi, dali-fan bɛɛ ye kurunna dumɛ bolo iko musi buyi wa a lamaga.