Yɛrɛmaya 12:10 - ALLALA KUMƐ

¹⁰ Sibolo-gbɛrɛ kun-tigi-siyaman si nta ki-fannu tinya. Anu si ki-fan wonu tatɛntɛn ka anu nunku tɔi! Anu si nna sɛnɛ-hakikɛ ma iko wula-da-rakolɔn.

Yɛrɛmaya 12:10 Iomraidhean Croise

Aiseya 3:14

A ara kumɛ rabɛn ala mɔgɛnuna kun-tiginu anubɛ anuna mɔgɔ-banu kan ma. A ko, “Wo ara bui mɔgɛnu ma ka anuna ki-fannu bi anu bolo. Wola bɔnnu nafanɛ bolo-kolɔnnuna fannu na.

Aiseya 43:28

Mala mɔgɔ-banu ya a bato tinɛ latinya. Ka a tɛgɛ koe wonu ma, a ya kasarɛ lana male Isirɛla mɔgɛnu kuma. A ya a ma, male ala mɔgɛnu tora yarabiyi rɔ.

Aiseya 63:18

Ila Bato-Bɔn taranta ma bolo wati-kundu-ni kɔrɔ. Kɔnɔ ma yogenu bara anu kian sɔ kan-tina-sɛnimɛ wo rɔ.

Yɛrɛmaya 23:1

Mari ko gbalo ye wole, Yuda mɔgɔ-banu kan ma bawo wo ye ala mɔgɛnu tinyana. Wo ye a mala, ala mɔgɛnu bi nyɛnsɛnna.

Yɛrɛmaya 25:37

Wola ninki de-nyini-tinɛnu bi gbalala. Wo ye mala le bawo Mari fonde ye bɔla dɔgɔma-ma-de!

Yɛrɛmaya 25:38

Mari ara ala nyamanɛ boloka iko yarɛ wa bɔ faran la dɔnta-nyini-tinɛ a yisi ma. Mari ara wola nyamanɛ bɛɛ tinya a fondo-bɔnɛ la, ado yan bara ma nyamani-makilannɛ la ka a tɛgɛ kɛlɛ ma.

Yɛrɛmaya 25:9

a si kantɔ-mɔgɛ bɛɛ kele wo kan ma katarala Babilɔn Mansa Nɛbukanasa ma, ata wɔli-kɛlɛ, kɔni. A ko mansɛ wo si na wole Yuda nyamanita-mɔgɛ bɛɛ kɛlɛ anubɛ wo dan-masa-nyɔgɛnu. Anu ba ban wo kɛlɛla, anu si wola nyamanɛ kasaranɛ to. Mɔgɛ min ba nyɔ yen, wo kuma si tɛgɛ.

Yɛrɛmaya 3:19

Ale Mari ko a si sewa nun ka wo bira iko a halala-dannu. A sewanɛ si nyamani-hakikɛ di wo ma nun, ado nyamanɛ wo kin sibole bɛɛta nyamanɛ ko. A ko ale ya a lɔn nun ko wo ye a fɔla a ma ko, “Ma Fa,” ado wo ti wo kan-kɔ sɔ a la nun.

Yɛrɛmaya 39:3

(Yerusalɛm birɛ anu bolo, Babilɔn mansɛla mɔgɔ-banu nara anu sigi tarɛ don-dɛ tɛmatɛ dafɛ. Mɔgɔ-ba wo donu denu bi kɛnu na, Nɛragali Sarisa, Samika Nibɔ, Sasakim, anubɛ Nɛragali Sarisa gbɛrɛ.)

Yɛrɛmaya 6:3

Wo yogenuna mansɛnu anubɛ anuna kɛlɛ-dannu si anu daga makɛ nyɔ. Anu si kan-tinɛ wo bɛɛ ratala ka anuna fani-bɔnnu tafulen nyɔ rɔ.

Yɛrɛmaya 9:10

Nde, Yɛrɛmaya si di biribiri kɔnkɛnuna ko la. N si saya-sigi sa dugu-da-rakolɔnla ko la. Wola wɔli-kɛ-tinɛnu bara tinya. Hali mɔgɛ, a sa tenbila nyɔ. Hali ninki kan la sa mɔɛnna nyɔ. Konanu bara anu gban ka ta pon! Sogo bɛɛ ara tunu nyɔ yen!

Isikiyɛli 34:2

“Ile hadama-dan, wɔlɔyiya-kumɛ kɛ latenbi Isirɛla mɔgɛnuna kun-tiginu ma. Nde, anu Tigi Mari ye min fɔla, wo fɔ anu ye. Gbalo ye anu denu Isirɛla fɛ-biralɛnu ma. Anu bi anu nyɛrɛ fɛ-birala kɔnɔ anu sa anuna sagɛnu fɛ-birala, Isirɛla mɔgɛnu, kɔni.

Isikiyɛli 34:5

Saga-fɛ-birala sa sagɛnu kun na min kɛ, woletɔ anu mara sogenu harayɛgɛ la.

Daniyɛli 8:13

Wo kɔma, n ya a yen, melika fila ye kumala anu nyɔgɔn na. Doi ko, “Koe min bi mala ko-rayen kɛ rɔ, wo si to a kun na ha wati nyamintan? Kisimiriya-koe kɛnu si to a kun na ha wati nyamintan sarakɛnu gbɛ rɔ? Anu si to Arinyɛnɛta-kɛlɛ-dannu anubɛ Bato-Bɔn ratɛntɛnna ha wati nyamintan?”

Sakaraya 7:14

A ko wo le ya a ma, a tara wo ranyɛnsɛn nyamani-gbɛrɛkɛnu tɔ iko fɔnyɔ wa fen ranyɛnsɛn. A ya wola nyamani-hakikɛ kɛ rakolonya. A kasaranɛ tora pɔ!

Luka 21:14

Yanni a wati ni ke, wo ni wo hɛnkili masɔ ko wo si wo nyɛrɛ fɛka nya min, wo kana hɔn wola ko la

Lankɛnimayɛ 11:2

Kɔnɔ kata-burɛ minnu bi Alla-Bato-Bɔnla minɛ rɔ, i kana nyɔ suman bawo kan tinɛ wonu bara di sibolo-gbɛrɛnu ma. Anu si So-Sɛnimɛ kɛ radɔn karɛ bi-nani ani karɛ fila (42) kɔrɔ.