Yɛrɛmaya 11:7 - ALLALA KUMƐ

⁷ A bɔɛ wo benbanu na Iyipiti, a ya anu makawandi ko anu ni a kan to a gbɛ rɔ. A ko a mɛra anu makawandi-siyaman kɛla ha bi!

Yɛrɛmaya 11:7 Iomraidhean Croise

2 Mansɛnu 17:13

Mari ya kilayɛnu anubɛ nɛbinu sɔ Isirɛla kɛnu anubɛ Yuda kɛnu makawandi tinɛ nun. A ya a fɔ anu ye nun ko, “Wo ni wo sɔn-yogomɛnu boloka ka nta kumɛnu bira. N bara nna tɔnnu di wo benbanu ma nun, ado nna nɛbinu bara wo bɛɛ fɔ wo ye nun.”

2 Ko-Kɔrɔta-Karan 36:15

Anu benbanuta Mari Alla tora nɛbinu nanala anu makawandi tinɛ bawo a sɔgɛ ye a la, a ni ata mɔgɛnu anubɛ a Bato-Bɔn lakisi.

Bɔ-Koe-Iyipiti 15:26

Mari ko, “Wo ni wo tole masɔ n kuman-kan la a kin na! Koe minnu telennɛ nde, Mari Alla yala, wo ni wonu ma ka nta tɔn bɛɛ bira. Ni wo ya wo ma, n ya kirayɛ minnu sigi Iyipiti kɛnu ma nun, n ti wo fenfen sigi wole ma bawo nde, Mari le wo rakɛndɛyalɛ la.”

Yɛrɛmaya 11:4

A ko a ye kumala sarama-kan wara-koe la ale Mari anubɛ ma benbanu ya min kiri. Anu bɔɛ Iyipiti, anubɛ Alla nara to sarama-kan kirila anu nyɔgɔn tɛma. A ko Iyipiti manɛ wo ye iko sulubondɔn. A ya a fɔ Isirɛla mɔgɛnu ye ko ni anu ya a kan to a gbɛ rɔ, ale si ma anuta Alla la, anu denu fanan si ma ata mɔgɛnu na.

Yɛrɛmaya 25:3

ka a bi Amɔnna den Yosayala mansayɛ Yuda nyamanɛ rɔ san tan-ni-sawɛ ma ka a sigi wati kɛ la, wo ara san mogan-ni-sawa bɔ. San-dande kɛ mumɛ bɛɛ kɔrɔ, Mari ya kumɛ min bɛɛ fɔ n ye, n ma n ban wo do-wo-do fɔla wo ye kɔnɔ wo ma wo tolo-wo-tolo masɔ.

Yɛrɛmaya 25:4

Hali Mari ye tola ala wɔli-kɛlɛnu nanala wo ma minnu bi nɛbiya-wɔli kɛla, wo ma wo tole masɔ wonu na, ado wo bɔrɔ ma taran wo ye.

Yɛrɛmaya 31:32

A ko kɛ ti ma iko anubɛ anu benbanu ya min kiri anu nyɔgɔn tɛma anuna bɔɛ Iyipiti. A ko hali anu biranɛ a bolo iko mɔgɛ si ala musi bira nya min, anu ma sɔn ata sarama-kan birala.

Yɛrɛmaya 32:23

Nyamanɛ kɛ sɔrɔn anu bolo, anu ma ita tɔnnu bira. Anu ma i kan-wo-kan bira. Wo le ya a ma, i ya kasarɛ latugun anu ma.

Yɛrɛmaya 34:14

san-wɔrɔnfila wo san-wɔrɔnfila, Hiburu mɔgɛ min bara san wɔrɔ bɔ yɔɔnyɛ rɔ, anu ni wo boloka. Kɔnɔ a ko wo benbanu ma anu tole masɔ wo la.

Yɛrɛmaya 35:14

A ko Yonadabu kebilɛ ara anu benba kan bira. Ha bi, anu denu ma nɔnbɔ-gbɔ-yi sɔ anu dɛ la. Kɔnɔ ale Mari ara kuma wole, Isirɛla mɔgɛnu ye. Hali wo, wo tengberenyanɛ.

Yɛrɛmaya 35:15

A ko a ara mɛ ala wɔli-kɛlɛnu sɔla wo wara ala nɛbinu, kɔni, alako wo ni wo fara karagbɛlɛyɛ la ka don ko-latelenni-kɛ rɔ. Anu ya wo lasɛgi bɛsi-kɔ-koe ma alako wo ni a laban nyamanɛ kɛ rɔ, a ya min di wobɛ wo benbanu ma, kɔni. Kɔnɔ a ko hali wo, wo ti wo tole masɔ a la ka a kan to a gbɛ rɔ.

Yɛrɛmaya 7:13

Mari ko wole, Isirɛla mɔgɛ damasi bole ye ko-yogoma-kɛ kɛ rɔ. A ye wo makawandila su-ni-tele kɔnɔ a ko wo ma sɔn wo tole masɔla a la. A ya wo rakele kɔnɔ wo ma sɔn a labirala.

Hoseya 4:1

Mari ko a ye Isirɛla mɔgɛnu sɔn fɛrɛnna anu na. Wole Isirɛla mɔgɛnu, wo ni wo tole masɔ a la. A ko telenbagayɛ anubɛ keninteya fenfen sa wola nyamanɛ rɔ tun. Min sanɛ wo kuma, a ko mɔgɔ-wo-mɔgɔ ma ale lɔn Alla la tun.

Hoseya 5:1

“Wole saraka-masɔlɛnu, wo ni wo tole masɔ. Wole Isirɛla kun-tiginu, wole fanan ni wo tole masɔ. Wole min bi mansa-bɔn la, wo ni wo tole masɔ. Wo si kiti sɔrɔn bawo a bɛnta, wo ni kiti sa telenbagayɛ la nun. Wo ye bɛsi minnu kɔla Misipa soe burɔ, wo mara gbɛrɛ la mɔgɛnu ye. Wo ara ma donsoya-yalɛ la Tebɔ kɔnkɛ kuma.

Sakaraya 1:4

Mari ko wo kana wo benbanu kɛ-nya bi. A ko wati do ara tenbi nun, a ya ata nɛbinu sɔ anu bara alako anu ni anu fara ko-yogoma-kɛ la kɔnɔ anu ma anu tole masɔ a la ka a kan to a gbɛ rɔ.

Ɛfɛsa 4:17

Marita kilayɛ le kɛ la n bi min nagbɛlɛyala wo kuma gben! Wo kana tagama tun iko Alla-batobɛlɛnu. Wonu miriya manɛ fuyi le la.

Tɔn-Fɔɛ-Fila-Nyɔgɛ 12:32

“Wo ni tɔn kɛnu bira iko n bara a fɔ wo ye nya min kɛ la kɔnɔ wo kana fen bɔ a la, wo kana fen sa a kuma.

Tɔn-Fɔɛ-Fila-Nyɔgɛ 30:20

Wo ni wota Mari Alla keni wo sɔndɔmɛ bɛɛ la ka ma telenbagɛnu na Alla ye ka ata kumɛnu bira. Wo le si a ma, Mari ya nyamanɛ min lanyiri kiri wo benbanu ye, Iburayima anubɛ Isiyaka anubɛ Yakoba, kɔni, wobɛ wo kegeyɛnu si simayɛ sɔrɔn ka mɛ sigini nyɔ rɔ.”

Tɔn-Fɔɛ-Fila-Nyɔgɛ 4:6

Ni wo ya tɔn kɛnu bira, wo si a yira sibolo-gbɛrɛnu na ko hɛnkilimɛ le wole la. Anu ba wola tɔn kɛnu wara-koe lamɔɛn, fɔ anu ba a fɔ ko, ‘Mɔgɛ kɛnu kusan ko ladanna, anu hɛnkili kolo.’ ”

Tɔn-Fɔɛ-Fila-Nyɔgɛ 5:29

Ni a taranta, anu bi kilanna ka le tuma-wo-tuma ka nna tɔnnu bira, wo si diya n ye. Wo si a ma, anuta koe bɛɛ ni ta a kila-bɛrɛbɛrɛ fɛ, hali ka a sigi anu mamanɛnu na. Kɛ si ma habadan-koe la anu ye.’

Tɔn-Fɔɛ-Fila-Nyɔgɛ 6:2

Wole wo, wola dannu wo, anubɛ wo mamanɛnu ni to wota Mari Alla gbiliyala ka ata tɔnnu bira. Fananta wo ye wo niyi la, ni wo ya wo ma, wo si mɛ siginɛ nyamanɛ wo rɔ.

Tɔn-Fɔɛ-Fila-Nyɔgɛ 8:6

Wola ko la, wo ni a ma iko Mari ara a fɔ wo ye nya min. Wo si a gbiliya ka ata tɔnnu bira gben!

2 Tɛsalonaika 3:12

Ma ye a fɔla wonu ye Mari Yisa tɔgɛ rɔ ko anu ni kɛ-nya-telennɛ kɛ. Anu ni anuta wɔlɛ kɛ alako anu ni anu nyɛrɛ beli-fan sɔrɔn nya min.

1 Samuwɛli 8:9

Woletɔ ile ni i yɛ bɛn anu ma kɔnɔ i ni anu kawandi i sɛbɛ la. I ni a rakaran anu ye a kila-bɛrɛbɛrɛ-wɛ fɛ ni anu ya mansɛ sɔrɔn, wo ye a mala anu na nya min.”