Yɛrɛmaya 11:6 - ALLALA KUMƐ

⁶ Mari ya a fɔ n ye ko n ni wɔlɔyiya-kumɛ kɛ fɔ Yerusalɛm soe burɔ anubɛ Yuda nyamanɛ bɛɛ rɔ. A ko anu ni anu tole masɔ sarama-kan-kumɛ kɛnu na ka anu bira anu bolo filɛ la gben!

Yɛrɛmaya 11:6 Iomraidhean Croise

Yaburi 15:5

A si mɔgɔ dɔndɔ, a ti tɔnɔ sa a kuma. Ni mɔgɛ min yilikinɛ kumɛ rɔ, a ti sɔn dogonta-fan birala wo bolo. Min bi a mala a fɛrɛma ko sufa kɛ dama ma, mɔgɛ wo ra ti maga muk!

Aiseya 58:1

Mari ko wo ni a mayon wo kulu-mayɛlɛnɛ la iko buru-fɛlɛ si buri fɛ nya min. Mɔgɛnu bi min sigila ale Mari ma, a ko n ni wo pose tii anu ye. N ni Yakoba bɔnsɔnnu hakɛ yira anu na.

Yɛrɛmaya 2:2

n ni ta kuma Yerusalɛm kɛnu na. A ko n ni a fɔ anu ye ko anu sibole wuli-san, anu telennɛ a ye. A ko ale Mari di anu ye nun koikoi iko kei di ala kɔɛn-kurɛ ye nya min. A ko anu bilanɛ a fɛ nun wulɛ rɔ, wulɛ min da-rakolɔn filili, kɔni.

Yɛrɛmaya 3:12

A ko n ni ta kilayɛ lake kantɔ-wara la Isirɛla mɔgɛnu bi kan min. Mari ko wole, Isirɛla mɔgɛ minnu telenni ma, wo ni sɛgi ale Mari ma. A ko a ti a kolan firindi wo ma tun! A ko a kinikinite, a fondo-bɔnɛ ti to wo kan ma tun.

Yɛrɛmaya 7:2

A ko n ni sɔ Mari Bato-Bɔn don-dɛ la. N ni kawandili kɛ bɔ nyɔ rɔ. Wole Yuda mɔgɛnu, wo ni wo tole masɔ Mari kuman-kan la. Wole minnu bi tenbila don-dɛ kɛ la ka na Mari bato-tinɛ, wo ni wo tole masɔ.

Sakaraya 7:7

Wo tumɛ Yerusalɛm sabatinɛ, ado a lafanɛ mɔgɛnu na, Mari ya kuma kelan kɛ le fɔ ala fɔlɔ-nɛbinu ye nun. Wo wati rɔ, mɔgɛnu sigini ma soela foolɛ dɔrɔn tɔ. Anu siginɛ tala ha Iyipiti nyamanɛ dan la anubɛ gburukulinu bi kan min tele-yigi wara la.

Yɔni 13:17

Nba kaka, wo ara tonyɛ kɛ lɔn min kɛ, ni wo tora a kɛla, wo si ma mɔgɔ-sewanɛ la!

Romu 2:13

Ka tɔn-kitabu wara-koe lamɔɛn dɔrɔn, wo ti mɔgɔ latelen Alla ye. Kɔnɔ ka ata tɔn-kitabu bira, wo le si mɔgɔ latelen Alla ya la.

Tɔn-Fɔɛ-Fila-Nyɔgɛ 4:1

Musa ya a fɔ Isirɛla mɔgɛnu ye tun ko, “Wo ni wo tole masɔ! N bi nala tɔn min bɛɛsi fɔla wo ye kɛ la, wo ni anu bira gben! Ni wo ya wo ma, wo benbanuta Mari Alla ye nala nyamanɛ min dila wo ma, wo si simayɛ sɔrɔn ka sigi yisi-kimɛ rɔ nyɔ rɔ kaka!

Tɔn-Fɔɛ-Fila-Nyɔgɛ 4:5

“N bara ban wo karanna nta Mari Allata tɔnnu na, a ya min fɔ n ye nun. Wo wa ta nyamanɛ wo mɔgɛnu kɛlɛ tumɛ min ka wo sigi nyɔ, wo ni tɔn kɛnu bira.

Yemesi 1:22

Wo kana wo tole masɔ Allala kumɛ la gbansan fɔ ka a kɛ le serr! Wo kana wo nyɛrɛ mayuwaya tolo-masɔɛ dɔrɔn na!