Yɛrɛmaya 11:4 - ALLALA KUMƐ

⁴ A ko a ye kumala sarama-kan wara-koe la ale Mari anubɛ ma benbanu ya min kiri. Anu bɔɛ Iyipiti, anubɛ Alla nara to sarama-kan kirila anu nyɔgɔn tɛma. A ko Iyipiti manɛ wo ye iko sulubondɔn. A ya a fɔ Isirɛla mɔgɛnu ye ko ni anu ya a kan to a gbɛ rɔ, ale si ma anuta Alla la, anu denu fanan si ma ata mɔgɛnu na.

Yɛrɛmaya 11:4 Iomraidhean Croise

Ko-Dabirɛnu 17:8

I ye sundanyɛ la Kenan nyamanɛ min tɔ kɛ la, n si wo di wobɛ i bɔnsɔnnu ma ka a ma wotɛ la habadan! N si ma wota Alla la.”

1 Mansɛnu 8:51

bawo ita mɔgɛ le kɛnu na i nara minnu na ka bɔ Iyipiti, anuta sulubondɔn, kɔni.

2 Mansɛnu 18:6

A ya a latelen Mari ye. Hali tele-kelen-bɛrɛni, a ma Marita kumɛ bɔ a gbɛ rɔ. Mari ya tɔn minnu di Nɛbi Musa ma, a ya a ma a fɛrɛma wonu natɔnbagaya tinɛ.

Bɔ-Koe-Iyipiti 20:6

Kɔnɔ ni min ya n keni ka nta tɔn kɛnu bira, hali wonu bɔnsɔn matiinu, n si nta keninteyɛ yira wonu na.

Aiseya 30:6

Marita sarakanɛ le kɛ la sogenu bara-koe rɔ dugula wula-da-rakolɔn ma. A ko Yuda nyamani-yɛnu bi tagamana nyamanɛ min tɔ, masiba tinɛ le nyɔ la. Yarɛnu bi nyɔ. Duguma-fen-maralamɛnu bi nyɔ anubɛ ninkinanka-kanbannamɛnu. Nyamani-yɛnu bi fen-kolomɛ dunɛnu sala anuna sofɛlɛ anubɛ nyomɛnu kɔ tɛma ka ta anu kun madiya sibolo-gbɛrɛnu na anu dɛnbɛn-koe rɔ.

Aiseya 48:10

A ko a ara wo kɔrɔbɔ tɔrɔyɛ la ka wo sɛninya iko wodi-gbɛ si sɛninya tɛ la nya min kɔnɔ ko ma bɔ a rɔ.

Yɛrɛmaya 11:7

A bɔɛ wo benbanu na Iyipiti, a ya anu makawandi ko anu ni a kan to a gbɛ rɔ. A ko a mɛra anu makawandi-siyaman kɛla ha bi!

Yɛrɛmaya 24:7

A ko a si a ma, ale Mari-lɔn-sɔgɛ ni anu bira. Anu si ma ata mɔgɛnu na. Ale fanan si ma anuta Alla la. A ko ni i ya a yen, a ye wo mala bawo anu ba sɛgi anuna nyamanɛ rɔ tumɛ min, anu si sɛgi ale ma anu yisi bɛɛ la.

Yɛrɛmaya 26:13

Fɔ wo ni wo kɛ-nya anubɛ wola ko-ladan-nya yɛlɛma. Wo ni wota Mari Alla sako kɛ. Ni wo ya wo ma, ale Mari si a miriya yɛlɛma wo wara la. A ye kasarɛ min nanala wo kan ma, a si tɔn sigi wo la.

Yɛrɛmaya 32:28

A ko a si soe kɛ latenbi Babilɔn Mansa Nɛbukanasa anubɛ ala kɛlɛ-dannu ma. Anu si soe bira

Yɛrɛmaya 38:20

N ya a fɔ a ye ko, “Anu ti i don anu bolo. I yandi, Mari kan kɛ bira. Ni i ya wo ma, i wara-koe bɛɛ si ta a kilɛ fɛ. I si to i niyi la.

Isikiyɛli 11:20

Wo kɔma, anu si anu telen ka nna tɔnnu bira. Anu si ma nta mɔgɛnu na. Nde fanan si ma anuta Alla la.

Isikiyɛli 14:11

N bi wo mala le woletɔ Isirɛla mɔgɛnu ti n boloka ka anu nyɛrɛ kɔsɔ anu hakɛ bolo. Nta mɔgɛ le Isirɛla mɔgɛ kɛnu na. Anuta Alla le nde la. Nde, wo Tigi Mari le wara kɛ fɔ.”

Isikiyɛli 36:28

Wo kɔma, n ya nyamanɛ min di anu benbanu ma, anu si sigi nyɔ rɔ. Anu si ma nta mɔgɛnu na. Nde fanan si ma anuta Alla la.

Isikiyɛli 37:23

Anu ti anu nyɛrɛ latinya kisimiriya-bɛsɛ wonu fɛ. Anu ti bila hakɛ rɔ. Anu duruta hakɛ subolo-siyamɛ min bɛɛ kɛla, n si anu bɔ wonu tɔ. N si anu sɛninya alako anu ni ma nta mɔgɛnu na. Nde fanan ni ma anuta Alla la.

Isikiyɛli 37:27

N si to anu fɛ burubukai! N si ma anuta Alla la. Anu si ma nta mɔgɛnu na.

Daniyɛli 3:26

Ale mansɛ wo nyɛrɛ-nyɛrɛ tara sulubondɔn wo don-dɛ la. A ya a kuli mayɛlɛ ka kemini-mɔgɔ sawɛ wonu takele. A ko, “Sadiraki! Mɛsaki! Abɛdinigɔ! Alla Min Bi Fan Bɛɛ Kun Na, wole, a batolɛnu, wo bɔ tɛ rɔ. Wo ni na yan.” Mɔgɔ sawɛ wonu bɔra tɛ rɔ.

Saraka-Masɔlɛnuta Tɔnnu 26:12

N si ma wota Alla la, wole si ma nta mɔgɛnu na.

Saraka-Masɔlɛnuta Tɔnnu 26:3

“Ni wo ya nna tɔn damasi bira a kila-bɛrɛbɛrɛ fɛ, n ti bandan ko-nyimɛ kɛla wo ye.

Sakaraya 13:9

A toe minnu bi tola anu niyi la, a si a lagbɛlɛya anu kuma alako anu ni sɛninya iko sɛnɛ anubɛ wodi-gbɛ si sɛninya tɛ rɔ nya min. Wo kɔma, ni min ya a madiya, a si a wɔlɔ matɔlɔ wo la. A si a fɔ anu ye ko atɛ le anu denu na. Anu fanan si anu sɔn a la ko anuta Alla le ale la.

Sakaraya 6:15

A ko minnu bi wula-yan la pon, wonu si na wo dɛnbɛ Mari Bato-Bon-sɔɛ la. A ko Bato-Bɔn kun ba don tumɛ min, wo ye a lɔnna wo le ma ko Mari Sɛnbɛ-Bɛɛ-Tigi ya nde, Sakaraya sɔ wo ma. Kɛnu si ma, ni wo ya wota Mari Alla kan to a gbɛ rɔ.

Sakaraya 8:8

a ko a si wo kundɛn Yerusalɛm soe burɔ. Wo si ma ata mɔgɛnu na. Ale fanan si ma wota Alla la. A ko a si mansayɛ kɛ wo kun na lanayɛ anubɛ latelan rɔ.

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

2 Kɔrɛnti 6:16

Diyanayɛ mintan bi Alla-Bato-Bɔn anubɛ Alla-batobɛlɛnuna bɛsɛ kɔ tinɛnu tɛma? Male le Alla nimɛ Bato-Bɔn la iko Alla nyɛrɛ ya a fɔ nya min ko, “N si sigi anu fɛ ka to anu tɛma. N si ma anuta Alla la. Anu si ma nta mɔgɛ la.”

Tɔn-Fɔɛ-Fila-Nyɔgɛ 11:27

Wota Mari Alla ya tɔn min di wo ma bi, ni wo ya wo bira, wo si duwɛ kɛ sɔrɔn.

Tɔn-Fɔɛ-Fila-Nyɔgɛ 4:20

Wo mɔgɛ le wole la Mari ya minnu nabɔ tɔrɔya-fafanɛ rɔ Iyipiti nyamanɛ rɔ min manɛ iko wɔnkɔrɔ-tɛ. A ya wo labɔ nyɔ alako wo ni ma aletɛ la. Wo ye wo nya na le ha bi.

Tɔn-Fɔɛ-Fila-Nyɔgɛ 5:6

ale le wota Mari Alla la min ya wo labɔ yɔɔnyɛ rɔ Iyipiti nyamanɛ rɔ.

Hiburunu 5:9

ado kuma-birɛ wo kanbalinɛ min kɛ, minnu bi ale fananta kumɛ birala, a si ke wonu kisila habadan!

1 Samuwɛli 15:22

Samuwɛli ya a fɔ a ye tun ko, “Nfen si Mari hɛnɛ? Kɔ-fannu anubɛ saraka-mintantɛnu ka ata kuma-birɛ, wa? Yanni i ni saga-hakikɛnu ma sarakɛ la Mari ye, a fisa, i ni Marita kumɛ bira.