Yɛrɛmaya 11:17 - ALLALA KUMƐ

¹⁷ Mari Sɛnbɛ-Bɛɛ-Tigi le ya wo ki. Ale le nyɛrɛ ya a fɔ wo ye ko kasarɛ si na. Wo bɛɛ ye tɛgɛla min ma bawo Isirɛla mɔgɛnu anubɛ wole, Yuda mɔgɛnu bara yogoya ka a dan-natenbi. Wo ara sarakɛ di Beyali ma min kɛ, wo ara a ma, Mari fonde ara bɔ ka tenbi a dan kun na.

Yɛrɛmaya 11:17 Iomraidhean Croise

2 Samuwɛli 7:10

Nde le ya kan-tinɛ nyini nta Isirɛla mɔgɛnu ye anu si anu sigi kan min, ado n bara ban anu sigi-bole rabɛnna nyɔ, anu yogenu ti ko ma anu na kan min iko a dabirɛ. Kebi anu nara nyamanɛ kɛ rɔ, karagbɛlɛnu bi anu kɛlɛla kɔnɔ wo ti ma tun bawo n bara lanyiri kiri ko n si ale Dawuda latanka a yogenu masibɛ ma ka mamanɛnu di a ma.

2 Ko-Kɔrɔta-Karan 28:25

A ya Alla-batobɛlɛnuna kɔ tinɛnu nadan so-kunbɛ anubɛ so-mɛsɛnu tɔ Yuda nyamanɛ rɔ anu si isɛntinu mintan minnu kuma bɛsɛnu ye. Wo le ya a ma, a benbanuta Mari Alla fonde bɔra ale kuma.

Yaburi 44:2

I ya Alla-lɔnbɛlɛnu gben anu yarɔ nya min, anu bara wonu fɔ ma ye. I ya nyamanɛ wo ma ila mɔgɛnu halalɛ la. I ya sibolo-gbɛrɛ doinu fanan tɔrɔ nya min, anu ya wo fanan fɔ ma ye. I ya a ma, ita mɔgɛnu sabatira.

Yaburi 80:15

Na ita nɔnbɔ-kinɛ kɛ fɛ-bira. I wara a ma, a ara sabati.

Yaburi 80:8

I nara nɔnbɛ do la ka bɔ Iyipiti nyamanɛ rɔ. I ya sibolo-gbɛrɛnu gben ka nɔnbɛ wo ki wonuna nyamanɛ rɔ.

Aiseya 5:2

A ya kan tinɛ wo rasin ka kurinu tɔnbɔn a rɔ. A ya ki-fen-hakikɛnu ki nyɔ. A ya bɛndɛ-layan-bɛ sɔ nyɔ tɛma a makandan-koe la. A ya bondɔn sɔ ki-fan wonu gbɔɛla ko la. A ya a to ha kɔn-gbɔɛ wonu mɔra a kin na kɔnɔ kɔn-gbɔɛ wonu kuna iko kotuli.

Aiseya 61:3

A ya n sɔ mɔgɔ-makinikininɛ denu ma Yerusalɛm soe burɔ. Mari ko a si mansaya-fulɛ don wo kunyɛ la ta-gbangban gbɛ rɔ. A ko a si lasewa-tuli don wo ma yisi-lafinyɛ gbɛ rɔ. A ko a si tantoli-duruki don wo kan na yisi-tinyɛ gbɛ rɔ. Wo si ma iko Mari nyɛrɛta kɔlɔma-kinɛ. Wo si ata fanka-makawanɛ mayira.

Yɛrɛmaya 1:14

Mari ya a fɔ n ye tun ko, “Kasarɛ si bɔ kantɔ-wara la. Kasarɛ si ke mɔgɛ bɛɛ ma nyamanɛ kɛ rɔ.

Yɛrɛmaya 11:11

Mari ko a ti mɛ tun, a si kasarɛ lana wole, Yuda mɔgɛnu kuma, wo ti ke wo burila min kɔrɔ. A ko wo si to dila a dala wo dɛnbɛn-koe la kɔnɔ a ko a ti wo denkun.

Yɛrɛmaya 11:13

Soe min nyɔgɔn ye Yuda nyamanɛ rɔ, wo le nyɔgɔn bɛsɛ ye wo bolo. Wo ara saraka-mintan-tina-siyaman nadan wola kisimiriya-bɛsɛ Beyali ye. Kila-kunyɛ min nyɔgɔn bi Yerusalɛm soe burɔ, wo le nyɔgɔn saraka-mintan-tinɛnu bi nyɔ.

Yɛrɛmaya 12:2

I wara wunduyogenu ki ma tɛma yan. A mani de iko anu suli gbangbannɛ gben, ado anu bi nanfala ka gbɔ. Anu bi i matɔgɔla anu da rɔ kɔnɔ anu yisi fɛ-yan i la pon!

Yɛrɛmaya 18:15

Kɔnɔ a ko wole, ala mɔgɛnu bara nyina a ko. Wo ye sarakɛnu bɔla bɛsi-fuyinu ye. Wo ara sama kilɛ ma. Wo ara sama ka wo benbanuna kila-kɔrɛnu bi. Wo ye bɔla kila-nɛnu fɛ ka kila-wɛnu to.

Yɛrɛmaya 18:8

Kɔnɔ ni sibole wo ya a kan-kɔ sɔ a hakɛ la, a ko a si a fonde yɛlɛma. Kasarɛ min tabɛnnɛ sibole wo kan ma nun, a ko a ti wo sigi a ma tun.

Yɛrɛmaya 19:15

Mari Sɛnbɛ-Bɛɛ-Tigi, Isirɛlata Alla ko a si kasarɛ lana Yerusalɛm anubɛ a dafɛ-soenu ma. A ti mɛ tun. A ye kɛ fɔla le bawo wo ara wo yisi gbɛlɛya ka wo tengberenya.

Yɛrɛmaya 2:21

Mari ko a ya wo ki le iko ki-fen-natankanɛ. Wo mani de iko sugu-bɛrɛ. A ko nfenna wo ara yɛlɛman nɔnbɛ la min gbɔɛ kunayanɛ kelele?

Yɛrɛmaya 24:6

A ko a si anu fɛ-bira ka anu nasɛgi nyamanɛ kɛ rɔ tun. A ko a si to anu wara-koe mayɛlɛla, a ti anu wara-koe mayigi. A si anu nama-a-la, a ti anu bɔ nyɔ iko mɔgɛ wa fen ki, a ti anu wurun tun.

Yɛrɛmaya 26:13

Fɔ wo ni wo kɛ-nya anubɛ wola ko-ladan-nya yɛlɛma. Wo ni wota Mari Alla sako kɛ. Ni wo ya wo ma, ale Mari si a miriya yɛlɛma wo wara la. A ye kasarɛ min nanala wo kan ma, a si tɔn sigi wo la.

Yɛrɛmaya 26:19

Kɔnɔ Mansa Hɛsakaya anubɛ ala mɔgɛnu ma Nɛbi Maika faga wola ko la de, ado Mansa Hɛsakaya ya Mari gbiliya ka kuma-diyamɛnu fɔ ale Mari ye. Wo le ya a ma, Mari ya a miriya yɛlɛma Yerusalɛm kasara-koe ma. Nba, male nyɛrɛ-nyɛrɛ le ye kasarɛ lanala ma kuma gbɛ!”

Yɛrɛmaya 32:29

ka tɛ tugu a la. Minnu bara isɛnti mintan bɛsi Beyali ye anuna bɔnnu kuma ka minni-sarakɛ labɔn bɛsɛnu ye, wo bɛɛ gboyara a ye. Woletɔ wonu fananna bɔnnu si mintan gburr!

Yɛrɛmaya 32:30

Ka a bi Isirɛla mɔgɛnu anubɛ Yuda mɔgɛnu bakuri ma, a ko anu ma fenfen ma fɔ ka a ladiminya.

Yɛrɛmaya 35:17

Woletɔ ale Mari Sɛnbɛ-Bɛɛ-Tigi Isirɛlata Alla ko a ara kasarɛ min bɛɛ rabɛn wole, Yerusalɛm kɛnu anubɛ Yuda mɔgɛ toenu kan ma, a si wo bɛɛ lana wo kuma. A ko a ye wo mala le bawo a wa kuma, wo ti a kan bira. A wa wo rakele, wo ti a denkun.

Yɛrɛmaya 36:7

Bawo Mari ara anu tagbɛrɛn ata fondo-bɔɛ la, tumado anu si Mari madiya ka anu bɔ anu gbɛ da la.”

Yɛrɛmaya 40:2

Kɛlɛ-den-kunyɛ wo tara n na n dan na, a ko, “Wota Mari Alla ara a fɔ nun ko kasarɛ si na wola nyamanɛ kɛ ma,

Yɛrɛmaya 40:3

ado a ya min fɔ, wo le wara bɔ-a-la kɛ la. Kɛ bɛɛ mara le bawo ila mɔgɛnu bara bila ale Mari la ka hakɛ kɛ.

Yɛrɛmaya 42:10

ni wo ye a fɛ wo ni to nyamanɛ kɛ rɔ, a si wo ma mɔgɛ la, a ti wo tinya tun. A ko a si wo ki, ado a ti wo wurun tun. A ko a nara kasarɛ min na wo ma fɔlɔ, wo ya a ma, a kinikinita wo ma.

Yɛrɛmaya 44:5

A ko wo ma wo tole masɔ ka ale Marila kumɛ bira mumɛ! A ko wo ma wo fara wola kisimiriya-bɛsɛ wonu kɔla ka isɛnti mintan anu ye.

Yɛrɛmaya 44:8

A ko nfenna wo ye a ladiminyala wola bɛsi-ladannɛnu na ka isɛnti mintan anu ye Iyipiti nyamanɛ kɛ rɔ wo siginɛ kan min? Wo ye wo nyɛrɛ le dɔrɔn tinya-tinɛ. Sibolo-gbɛrɛnu ba wo yen tumɛ min, wonu si nyima worɔ ka wo tɔgɛ ma dankali-kɛ-fan la.

Yɛrɛmaya 45:4

Kɔnɔ Mari ko ale ara min sɔ, a si wo labui. A ara min ki, a si wo wurun. A ko a si wo sigi duninya bɛɛ ma.

Yɛrɛmaya 7:18

A ko n ni n yɛ lata wole, Yuda kɛnu kɛ-nya ma. Wola dannu tenbi nala sɔgɛ la, anu fanu bi tɛ ladɛnna wo la. Anu nanu bi dɛgɛ mintanna ka wo di bɛsɛ wo ma min tɔgɛ Arinyɛnɛ Musu-Mansɛ. Wo kɔma, anu bi minni-sarakɛnu bɔla bɛsɛ doinu ye. A ko wo ye wo damasi mala alako a fonde ni bɔ.

Yɛrɛmaya 7:9

Ha bi, wo ye kankanyɛ kɛla. Ha bi, wo ye mɔgɔ-fagɛ kun na. Ha bi, wo bole ye yɛlɛnyɛ rɔ. Ha bi, wo ye tɔgɛ sala mɔgɛnu na. Ha bi, wo ye bɛsi Beyali kɔla. Ha bi, wo nɔrɔnɛ sibolo-gbɛrɛnuna bɛsi-kɔ-koenu ma.

Isikiyɛli 17:5

“Wo kɔma, a tara ki-fan do bi Isirɛla nyamanɛ rɔ. A tara wo ki dugu-tɔnɔma-tinɛ do rɔ, yi ti gbala kan min.

Hoseya 10:1

Wole Isirɛla mɔgɛnu bara sabati nun iko kɔn wa gbɔ tisikiri! Wo ye tɔnɛ sɔrɔnna nya min, wo ye tola saraka-mintan-tinɛnu nadanna bɛsɛnu ye wo nya na le. Ki-fannu bi tola sabatila wola dugi rɔ nya min, wo ye tola wola kuru-malɛsɛnɛnu makirila wo nya na le.