Yɛrɛmaya 11:13 - ALLALA KUMƐ

¹³ Soe min nyɔgɔn ye Yuda nyamanɛ rɔ, wo le nyɔgɔn bɛsɛ ye wo bolo. Wo ara saraka-mintan-tina-siyaman nadan wola kisimiriya-bɛsɛ Beyali ye. Kila-kunyɛ min nyɔgɔn bi Yerusalɛm soe burɔ, wo le nyɔgɔn saraka-mintan-tinɛnu bi nyɔ.

Yɛrɛmaya 11:13 Iomraidhean Croise

2 Mansɛnu 23:13

Yuda mɔgɛnu kɛnɛna Saidon kɛnuna bɛsɛ do kɔla nyɔ min tɔgɛ Asitɔra. Anu kɛnɛna Mohabu kɛnuna bɛsɛ do kɔla nyɔ rɔ min tɔgɛ Kimasi. Anu kɛnɛna Amon kɛnuna bɛsɛ do kɔla nyɔ rɔ min tɔgɛ Molɛki. Isirɛla Mansa Silamɛni ya bɛsi-kɔ-tina-mayɛlɛnɛ minnu nadan Yerusalɛm tele-bɔɛ wara la, Kasara kɔnkɛ dugula wara la, ale Mansa Yosaya ya wo damasi latinya.

2 Ko-Kɔrɔta-Karan 28:25

A ya Alla-batobɛlɛnuna kɔ tinɛnu nadan so-kunbɛ anubɛ so-mɛsɛnu tɔ Yuda nyamanɛ rɔ anu si isɛntinu mintan minnu kuma bɛsɛnu ye. Wo le ya a ma, a benbanuta Mari Alla fonde bɔra ale kuma.

Aiseya 2:8

Anuna nyamanɛ lafanɛ bɛsɛnu na, anu ya min nadan anu bole la, kɔni. Anu bi wonu kɔla.

Yɛrɛmaya 11:17

Mari Sɛnbɛ-Bɛɛ-Tigi le ya wo ki. Ale le nyɛrɛ ya a fɔ wo ye ko kasarɛ si na. Wo bɛɛ ye tɛgɛla min ma bawo Isirɛla mɔgɛnu anubɛ wole, Yuda mɔgɛnu bara yogoya ka a dan-natenbi. Wo ara sarakɛ di Beyali ma min kɛ, wo ara a ma, Mari fonde ara bɔ ka tenbi a dan kun na.

Yɛrɛmaya 17:1

Mari ko wole, Yuda mɔgɛnu, wo ara hakɛ minnu kɛ, wonu gbɛni de mɔgɛnu ye. A mani de iko mɔgɛ wa fen sɛbɛ nɛgɛ la farɛ ma. Wo hakɛ mani de iko anu sɛbɛra saraka-mintan-tinɛ bolon nanɛ ma.

Yɛrɛmaya 18:15

Kɔnɔ a ko wole, ala mɔgɛnu bara nyina a ko. Wo ye sarakɛnu bɔla bɛsi-fuyinu ye. Wo ara sama kilɛ ma. Wo ara sama ka wo benbanuna kila-kɔrɛnu bi. Wo ye bɔla kila-nɛnu fɛ ka kila-wɛnu to.

Yɛrɛmaya 19:4

A ko a ye wo mala le bawo wole, Yuda mɔgɛnu bara wo kan-kɔ sɔ a la. A ko wo ara kan-tinɛ kɛ ma bɛsi-kɔ-tinɛ la ka saraka-mintantɛnu mintan wola bɛsɛnu ye nyɔ, ado wo benbanu wo, wola Yuda mansɛnu wo, wole wo, fɔlɔ nun wo do-wo-do ma bɛsɛ wonu kɔ. A ko a ya a ma, kan-tinɛ kɛ la ara fa mɔgɔ-yele la minnu ma ko tinya.

Yɛrɛmaya 19:5

Wo ya bɛsi Beyali kɔ-tinɛ ladan nyɔ ka wola dannu ma saraka-mintantɛnu na a ye. Mari ko a ma wo fɔ wo ye, ado a miriya ma ke wo ma.

Yɛrɛmaya 2:28

A ko wole Isirɛla mɔgɛnu, wo ya bɛsɛ minnu nadan wo nyɛrɛ ye, wonu bi mintɔ gbɛ? Nba, ni wola bɛsɛnu si nanparan nɔ, wonu ni na wo kunyɛ bɔ a rɔ. Soe min nyɔgɔn ye Yuda nyamanɛ rɔ, wo le nyɔgɔn bɛsɛ ye a rɔ.

Yɛrɛmaya 3:24

“Ka a bi ma dennɛ ma, ma fanu bi tɔrɔla min na, ma ye wonu dila layarabi-bɛsɛ kɛnu ma sarakayɛ la. Bɛsi-fufafuyi wonu bara ban ma fanuna kolo-fannu kunyɛ latola a rɔ. Anu bara ma fanuna dannu bi fanan.

Yɛrɛmaya 3:25

“Fɔ ni ma ya ma sa miliyɛ bolo gbɛ! Ma ni yarabiyi burun ma ma. Ma ara hakɛ kɛ ile mata Mari Alla la. Mabɛ ma fanu bara hakɛ kɛ. Ka a bi ma dennɛ ma ha kaka, ma sa ile mata Mari Alla sako kɛla.”

Yɛrɛmaya 32:35

Anu bara saraka-mintan-tinɛnu sɔ Hinom lɛɛ rɔ Beyali ye, anu si anuna dannu mintan kan min bɛsi Molɛki ye. A ko ale ma a fɔ ko anu ni kisimiriya-koe wonu ma. A miriya ma tugu wo la lefan, ni Yuda kɛnu si bɔ ko sufa wo la.

Yɛrɛmaya 44:21

“Wobɛ wo benbanu bi min kun na nun wo, wola mansɛnu anubɛ wola kun-tiginu bi min kun na nun wo, anubɛ minnu bi Yerusalɛm soe anubɛ Yuda nyamanɛ rɔ wo, wole miri ko wo ye isɛnti-mintan-koe min kun na, Mari sa wo kalama, wa? A la ara nyina le, wa?

Yɛrɛmaya 44:5

A ko wo ma wo tole masɔ ka ale Marila kumɛ bira mumɛ! A ko wo ma wo fara wola kisimiriya-bɛsɛ wonu kɔla ka isɛnti mintan anu ye.

Yɛrɛmaya 48:35

Mari ko a si Mohabu kɛnu nato bawo anu bi sarakɛnu anubɛ isɛnti mintanna anuna bɛsɛnu ye. Mari kan le kɛ la.

Yɛrɛmaya 7:9

Ha bi, wo ye kankanyɛ kɛla. Ha bi, wo ye mɔgɔ-fagɛ kun na. Ha bi, wo bole ye yɛlɛnyɛ rɔ. Ha bi, wo ye tɔgɛ sala mɔgɛnu na. Ha bi, wo ye bɛsi Beyali kɔla. Ha bi, wo nɔrɔnɛ sibolo-gbɛrɛnuna bɛsi-kɔ-koenu ma.

Hoseya 10:1

Wole Isirɛla mɔgɛnu bara sabati nun iko kɔn wa gbɔ tisikiri! Wo ye tɔnɛ sɔrɔnna nya min, wo ye tola saraka-mintan-tinɛnu nadanna bɛsɛnu ye wo nya na le. Ki-fannu bi tola sabatila wola dugi rɔ nya min, wo ye tola wola kuru-malɛsɛnɛnu makirila wo nya na le.

Hoseya 12:11

Hali wo, wo ye bɛsɛnu kɔla Kaliyadi nyamanɛ rɔ. Min bɛɛ ye wo kun na, n si wo bɛɛ faga tɛrr! Wo ye turɛnu mala sarakɛnu na wola bɛsɛnu ye Kiligali soe burɔ kɔnɔ wola saraka-mintan-tinɛ wonu si ma kuru-ladɛnnɛnu na gbɛkole ma tala.”

Hoseya 9:10

Mari ara a fɔ ko a bɛn fɔlɛ wole, Isirɛla mɔgɛnu na, wo manɛ iko kɔlɔma min gbɔnɛ kan-tina-ragbalanɛ rɔ. A ko, “Wo benbanu yen fɔlɛ nde, Mari bolo, anu diya donnɛ n tɔ nun iko toro-kuri gbɔ fɔlɔtɛ. Wo benbanu ke Piyɔri kɔnkɛ ma, anu donta Beyali kɔ-koe rɔ nyɔ. A ma mɛ lefan, anu gboyara nde, Mari ye iko bɛsɛ wonu gboyanɛ n ye nya min.