Yɛrɛmaya 11:10 - ALLALA KUMƐ

¹⁰ Ado nfan, a ko wo benbanu ya hakɛ minnu kɛ, wole fanan bi wonu denu gbɛ latugunna. Wo benbanu ya anu ban anu tole masɔla a la. Anu bilara bɛsɛnu fɛ ka wonu kɔ. A ko Isirɛla mɔgɛnu anubɛ Yuda mɔgɛnu bara sarama-kan tinya wo benbanu anubɛ Alla ya min kiri anu nyɔgɔn tɛma.

Yɛrɛmaya 11:10 Iomraidhean Croise

Yaburi 78:57

Anu mara telenbɛlɛnu anubɛ murutinu na iko anu fanu. Ni mɔgɛ si la kalabɛn-tadunɛ la, mani mɔgɛ si la mɔgɛ kɛnu na.

Aiseya 24:5

Duninya la ara tinya bawo mɔgɛnu bara Allata tɔnnu tinya ka ata habadan-sarama-kan boloka.

Yɛrɛmaya 13:10

A ko wole, kalabantenu sa sɔnna wo tole masɔla ata makawandili-kan la. Wola tolo-gbɛlɛyɛ le ye a mala, wo ye wo nyɛrɛ diyana-koenu mala. Wo ye bɛsɛnu kɔla, woletɔ wo ye mala iko kufama kɛ. Wo ti ko-wo-ko nyinya mɔgɛ ma.

Yɛrɛmaya 17:23

Kɔnɔ Mari ko wo benbanu ma sɔn anu tole masɔla a la hali ka ata kumɛ bira. A ko anu tengberenta. A ko Mari ara wo benbanu tɔrɔ nun kɔnɔ anu ma anu bɔ anu gbɛ dala. A ko anu ma anu tole masɔ a la mumɛ!

Yɛrɛmaya 22:9

A si fɔ anu ye ko, “Kɛ mara le bawo anu ya sarama-kan tinya min bi anubɛ anuta Mari Alla tɛma ka don bɛsi-fuyinu kɔ-koe rɔ.”

Yɛrɛmaya 31:32

A ko kɛ ti ma iko anubɛ anu benbanu ya min kiri anu nyɔgɔn tɛma anuna bɔɛ Iyipiti. A ko hali anu biranɛ a bolo iko mɔgɛ si ala musi bira nya min, anu ma sɔn ata sarama-kan birala.

Yɛrɛmaya 44:16

“I ye min bɛɛ fɔla Mari tɔgɛ rɔ, ma ti ma tole masɔ wo la muk!

Yɛrɛmaya 44:5

A ko wo ma wo tole masɔ ka ale Marila kumɛ bira mumɛ! A ko wo ma wo fara wola kisimiriya-bɛsɛ wonu kɔla ka isɛnti mintan anu ye.

Yɛrɛmaya 7:28

Woletɔ a ko n ni a fɔ wo ye ko sibole le wole la min ti sɔn wo nyɛrɛta Mari Alla kan tola a gbɛ rɔ. A ko a tenbi wo latelenna, ko ti bɔ a rɔ. Wo tole gbɛlɛ dɔgɔma-ma-de! A ko wo sa tonya-wo-tonya fɔla. A ko tonyɛ ara sama wo ma yen!

Yɛrɛmaya 9:6

Mari ko nde, Yɛrɛmaya siginɛ yanfanteyɛ tɛma. Foninyɛ tugunnɛ ye tala anu nyɔgɔn na. Mari ko wo ara wo ban a lɔn-koe ma.

Isikiyɛli 16:59

“ ‘Nde, i tigi Mari kan le kɛ la. N ko n si i bira iko i sɔn-yogomɛ ye nya min bawo i ma i yili to ma sarama-kan ko.

Isikiyɛli 44:7

Saraka-masɔlɛnu tenbi kɛɛnnu anubɛ yele bɔla n ye sarakayɛ la tumɛ min, Isirɛla mɔgɛnu bara nta Bato-Bɔn latinya ka sɔn sibolo-gbɛrɛ-kemininyabɛlɛnu ni don nyɔ, ado sibolo-gbɛrɛ wonu tolo gbere kati! Nna mɔgɛnu bara sarama-kan tinya ma tɛma ka a tɛgɛ anuna kisimiriya-ko-ladannu ma.

Isikiyɛli 5:6

Kɔnɔ Yerusalɛm mɔgɛnu bara murutiya nna tɔnnu ma. Wo ara a yira n na ko anu wunduyogo sibole doinu ko. Tɔn-tinya di anu ye ka tenbi sibolo-gbɛrɛ doinu na minnu bi anuna foolɛ rɔ. Yerusalɛm mɔgɛnu bara anu kan-kɔ sɔ nna tɔnnu na. Anu ma sɔn nna tɔnnu birala mumɛ!’

Hoseya 6:4

Kɔnɔ Mari ko, “N si nfen ma wole, Isirɛla mɔgɛnu na? Wola keninteyɛ ti mɛ bɔla wo burɔ iko duri ti mɛ tɛgɛla nya min sɔgɔma.

Hoseya 6:7

“Sarama-kan min bi wole anubɛ nde, Mari tɛma, wo ya wo tinya tiriya iko ma benba Hadama ya a ma nya min.

Hoseya 7:16

Wo ye wo kan-kɔ donna n na ka ta bɛsɛnu bara la, sɛ sa minnu ye. Ni mɔgɛ si la kalabɛn tadunɛ la, mani mɔgɛ si la wole la. Wola kun-tiginu mɔnima-faga si kɛ bawo mankan-tugu-kan le ye anu da rɔ, ado Iyipiti kɛnu si na wo mayɛlɛn.”

Saraka-Masɔlɛnuta Tɔnnu 26:15

Ni wo ma sɔn ka nta sereya kɛnu bira, ni wo ya wota sarama-kan tinya min bi ma tɛma wona,

Sɛfanaya 1:6

Minnu bara anu kan-kɔ sɔ Mari la ka anu bɔ aleta kilɛ fɛ, a ko a si wonu bara-koe ban. Anu sa hɛnkili nyinina a bolo tun.

Sakaraya 1:4

Mari ko wo kana wo benbanu kɛ-nya bi. A ko wati do ara tenbi nun, a ya ata nɛbinu sɔ anu bara alako anu ni anu fara ko-yogoma-kɛ la kɔnɔ anu ma anu tole masɔ a la ka a kan to a gbɛ rɔ.

Sakaraya 7:11

A ko kɔnɔ wo ma sɔn wo tole masɔla a kuman-kan wo la. A ko wo ya wo tole gbere

Sakaraya 7:13

A ko wo ma sɔn wo tole sigila ata kumɛnu kɔrɔ, woletɔ a ma a wɔlɔ matɔlɔ wola madiyali-kannu na.

Tɔn-Fɔɛ-Fila-Nyɔgɛ 31:16

Mari ya a fɔ Musa ye nyɔ ko, “Musa, i sa mɛla so-sɛgi-kɛla tun. I wa so-sɛgi-kɛ tumɛ min, mɔgɛ kɛnu si n boloka ka sarama-kan tinya ka don lanyiri-nyamanɛ bɛsi-kɔ-koenu tɔ anu bi tala kan min.

Tɔn-Fɔɛ-Fila-Nyɔgɛ 9:7

“Wo kana nyina min ya a to, wota Mari Alla fonde bɔra wole Isirɛla mɔgɛnu kan ma Sinayi kɔnkɛ kɔrɔ. Kebi wo bɔra Iyipiti nyamanɛ rɔ tele min ma ha ka a sigi wo ke wati ma yan, wo murutiyanɛ Mari ma tolon!

Hiburunu 8:9

Mabɛ wo benbanu sarata min ma, a ti ma wo su la tun. N ya anu bole bira tumɛ min ka anu nabɔ Iyipiti nyamanɛ rɔ, sarama-kan-kɔrɛ wo kirita tumɛ wo le tɔ. Ma sarata min ma wulɔn, anu ma sarama-kan wo latɔnbagaya. Woletɔ, nde, Mari ara n kan-kɔ sɔ anu na.

Kɛlɛ-Kurugbɛnu 2:11

Isirɛla mɔgɛnu bilara Mari la ka don bɛsi Beyalinu kɔ-koe rɔ.

Kɛlɛ-Kurugbɛnu 2:17

Kɔnɔ hali wo, kɛlɛ-kurugbɛ wonu bɔrɔ ti taran Isirɛla mɔgɛnu ye. Isirɛla mɔgɛnu si to mala tolo-gbɛlɛnu na ka bila bɛsɛnu fɛ. Hali anu fa kɛmɔgɛnu taranta Marila kumɛ birala nun, a ti mɛ lefan anuna dannu si bɔ Marita kilɛ fɛ.

Kɛlɛ-Kurugbɛnu 2:19

Kɔnɔ ni kɛlɛ-kurugbɛ wo fagara tumɛ min, anu si sɛgi anu gba-kɔrɛ rɔ tun. Anu si yogoya ka tenbi a fɔlɔtɛ la ka don bɛsi-kɔ-koe rɔ, ado, anu ti sɔn anu sɔn-yogomɛ wonu bolokala.

1 Samuwɛli 15:11

“Sɔli kɛ mɛ n bolo mansɛ la, n bara nimisa ala ko la bawo a ara a kan-kɔ sɔ n na ka nna kumɛnu tinya.” Samuwɛli yisi kɔrɔtɔra a ma ha a kira Mari madiyala.