Yɛrɛmaya 10:9 - ALLALA KUMƐ

⁹ Wodi-gbɛ min bɔra Tasisi soe burɔ, wo sanɛ anuna bɛsɛnu ma. Sɛnɛ-hakikɛ min bɔra Yufasi soe burɔ, wo sanɛ anuna bɛsɛnu ma. Siyakinu anubɛ nunakɛnu denu dɔrɔn bolo-gbɛ ye wonu ma. Anu bi fani-bilolamɛ anubɛ fani-finyɛnu mala bɛsɛ wonu makiri-fannu na. Yese-danna-kɛwuntenu denu bi wonu nadanna.

Yɛrɛmaya 10:9 Iomraidhean Croise

1 Mansɛnu 10:22

Kulun-siyaman bi ale mansɛ bolo kɔgɔ-yi kuma. Wonubɛ Mansa Hairamta kulɔnnu bi tala anu nyɔgɔn fɛ. Kulɔn kɛnu ba ta san fila, a sawa nyɔgɛ, anu si sɛgi sɛnɛ anubɛ wodi-gbɛ anubɛ sogo-ba-nyin anubɛ gbɔn-kɛndɛ anubɛ wɔrɔn-kɛndɛ la anu bolo Yerusalɛm.

2 Ko-Kɔrɔta-Karan 9:21

Kulun-siyaman bi ale mansɛ bolo kɔgɔ-yi kuma. Wonubɛ Mansa Hairamta kulɔnnu bi tala anu nyɔgɔn fɛ. Kulɔn kɛnu ba ta, san fila a sawa nyɔgɛ, anu si sɛgi sɛnɛ anubɛ wodi-gbɛ anubɛ sogo-ba-nyin anubɛ gbɔn-kɛndɛ anubɛ wɔrɔn-kɛndɛ la anu bolo Yerusalɛm.

Yaburi 115:4

Anuta bɛsɛnu nadannɛ sɛnɛ anubɛ wodi-gbɛ le la, ado hadama-dan le ya anu nadan.

Yaburi 72:10

Mansɛ minnu bi Sipeni nyamanɛ pon anubɛ yi-tɛma-duginu tɔ, wonu si kɔ-fannu di a ma. Mansɛ minnu bi Siba nyamanɛ anubɛ Seba nyamanɛnu tɔ, wonu si sanbɛnu di a ma.

Aiseya 23:6

Wole Tasisi kɛnu, wo ni wo dɛ sa-a-rɔ di-kɛ-tinɛ ka a tɛgɛ Taya bu-koe ma. Wo sɛgi wo warɛ Sipeni nyamanɛ rɔ.

Aiseya 40:19

A mani ma iko boloma-wɔli-kɛlɛnu bi bɛsɛ min lɛsɛla anuta allayɛ la hali anu ya sɛnɛ latugu a ma ka a makiri wodi-gbɛnu yɔlɔkɛnu na.

Isikiyɛli 27:12

“Taya kɛnu ya yilaya-subolo-siyaman kɛ Sipeni nyamanɛ rɔ. Wonu ya anuna wodi-gbɛ anubɛ dandakuyi anubɛ nɛgɛ-subolo donu felen anu ma.

Isikiyɛli 27:7

Linɛn-kurɛ le manɛ anuna kulun-naburu-kurɛ la. Anu bɔra wo bonnɛ la Iyipiti nyamanɛ le tɔ, ado a si yen de wula-yan la. Anu ya kura-bilolamɛ bɔ Saiparasi yi-tɛma-dugi rɔ ka wo ma kulun-burɔ-fani-bɔn la.

Daniyɛli 10:5

N ya n yɛ lata ka melika sɔnɛ yen iko hadama-dan, linɛn-kurɛ bilanɛ a kan na, a buta kirinɛ sɛnɛ-hakikɛ la.

Hoseya 8:6

Isirɛla boloma-wɔli-kɛlɛ do le ya turɛ wo ladan dɔrɔn. Nde, Alla ma wo la. Tura-danla muninyɛ wo ra si mɔsɔkɔn-mɔsɔkɔn.

Yona 1:3

Kɔnɔ hali wo, Yona ya Mari sɔsɔ. Mari ko a ni ta tele-bɔɛ kɔnɔ ale tara a ye tele-yigi. Yapa soe min bi kɔgɔ-yi kɔnkɔn-dɛ la, a tara a ye nyɔ. A ya kulun-belebele-wɛ do wulinɛ taran min bi tala Sipeni nyamanɛ rɔ. A ya kulun-sarɛ di ka ta. Ale miri le ko a si ke le a burila Mari kɔrɔ.

Habakuku 2:19

Wole karagbɛlɛnu, wo si wota nondɔn sɔrɔn de serr! Wo ye a fɔla kɔlɔma-kundi ye ko, “Kunden!” Wo ye a fɔla kuru-kundi ye ko, “I lasɔ!” Bɛsɛ kɛnu si a ma, wo ni ko-rayen kɛ, wa? Hali bɛsɛ wo makirinɛ sɛnɛ anubɛ wodi-gbɛ la kɔnɔ a niyi sa a rɔ.