Yɛrɛmaya 10:7 - ALLALA KUMƐ

⁷ Ile min bi duninya mumɛ kun na, a bɛnta, mɔgɛ bɛɛ ni ile le gbiliya. A bɛnta, anu ni i gbiliya yati! Hɛnkilima-siyaman bi nyɔ kɔnɔ mɔgɔ-wo-mɔgɔ hɛnkili ma gbɛrɛn itɛ rɔ.

Yɛrɛmaya 10:7 Iomraidhean Croise

2 Mansɛnu 17:39

Wo ni nta kumɛnu to anu gbɛ rɔ bawo wota Mari Alla le nde la. Ni wo ya wo ma, n si wo latanka wo yogenu ma.”

1 Ko-Kɔrɔta-Karan 16:25

Mari makawara. A bɛnta, mɔgɛ ni ale le bato. Mɔgɛ ni kilan a la ka tenbi bɛsɛnu na.

Ɛsita 1:13

Fenfen tugura sereya la, yanni a ni ko-wo-ko ma, ale mansɛ si ala mɔgɔ-ba-malɔnnɛnu fɔlɔn manyinika. A ya ala mɔgɔ-ba-kurɔn kɛnu kele alako wonu ni a hɛnkili labila ka a lɔn a si min ma gbɛ.

Yaburi 147:5

Ma tigi-makawanɛ, ado a fanka kolo. Ala hɛnkilimayɛ nya ti ban yenna.

Yaburi 22:28

Mari kelen pe le mansɛ la. Ale le si mɔgɛ bɛɛ mara!

Yaburi 47:3

A ara a ma, ma ara nɔ-ko sɔrɔn sibole doinu kuma ka anu don ma kɔrɔ.

Yaburi 72:11

Mansɛ bɛɛ si anu madu a kɔrɔ. Sibole bɛɛ si wɔlɛ kɛ a ye.

Yaburi 76:7

Bɛɛ kilannɛ ile Mari la. Mɔgɔ-wo-mɔgɔ ti a sɔ i fonde bɔnɛ yarɔ.

Yaburi 86:8

E, n tigi, i rakɛn sa, ado i kolo bɛsɛ bɛɛ ko. Ha bi, mɔgɔ ma ko ma wɛ iko ile.

Yaburi 86:9

I ya sibole min bɛɛ labɔ duninya rɔ, wonu dama si na anu madu i kɔrɔ. Anu si i tɔgɔ-makawanɛ gbiliya.

Yaburi 89:6

Mari, i rakɛn fenfen sa Arinyɛni tɔ. I nyɔgɔn-takɛn sa nyɔ nima-fannu tɔ.

Bɔ-Koe-Iyipiti 8:10

Mansɛ ko, “Nba, sina i ni na madiyali kɛ n ye.” Musa ko, “N si a ma iko i wara a fɔ n ye nya min alako i ni a lɔn ko Alla-dogbɛrɛ sa nyɔ min bi iko mata Mari Alla.

Bɔ-Koe-Iyipiti 9:14

N si tɔrɔya-fitinɛ lana mansɛ nyɛrɛ anubɛ ala mɔgɔ-banu anubɛ ala nyamanita-mɔgɛnu kuma. Anu ni a lɔn ko nde, Alla nyɔgɔn sa duninya kɛ rɔ.

Aiseya 2:4

“Mari si kɛlɛ-nyɔgɔnyɛ ban duninya-sibolenu tɛma. Mari si yisi-kimɛ lana anu tɛma ha anu si anuna faannu yɛlɛma sɛnɛ-kɛ-dɛɛnu na. Anu si tanbɛnu yɛlɛma wɔrɔtɛnu na. Woletɔ duninya-mɔgɛnu ti anu tabɛn kɛlɛ-kɛ-koe ma anu nyɔgɔn kan ma. Anu ti anu nyɔgɔn kɛlɛ tun.”

Yɛrɛmaya 10:6

Mari, i nyɔgɔn sa. I makawara. I tɔgɛ mankan kolo.

Yɛrɛmaya 5:22

Mari le ale la. Nfenna wo sa kilanna a la? Nfenna wo sa yɛrɛyɛrɛnna a kɔrɔ? Ale le ya kɔgɔ-yi-dan ma kɛnkɛn la alako yi ni to a dagɛ rɔ tolon! Hali a ye tugula a rɔ nya-wo-nya, a ti tenbi a dan kun na. Hali a ye kurunna, a ti a dan keri.

Daniyɛli 2:27

Daniyɛli ko, “A hɛnkilima wo, a duru wo, a bolo-tafɛlɛnna wo, wo fenfen sa nyɔ min si ke n tigita kiyo wonubɛ a kɔrɛ fɔla a ye

Daniyɛli 2:28

kɔnɔ Alla min bi Arinyɛni tɔ, wo le si ke ko-dogonnɛ labɔla gbɛ ma. Koe min bi mala yarɔ, ale le wara wo fɔ ma tigi ye fanan. A ya ko-rayen min kɛ ala kiyo rɔ, n si wo fɔ a ye.

Habakuku 3:2

Mari, i wara koe min bɛɛsi ma nun, n bara wonu namɔɛn. N bara kawa wonuna ko la. I taranta ko-makawanɛ minnu kɛla nun, a sɔgɛ ye n na, i ni wonu ma tun mata wati kɛ rɔ. Hali i fonde bɔnɛ, i ni kinikini ma ma.

Sakaraya 2:11

Wo wati wa ke, sibolo-gbɛrɛ mɔgɔ-siyaman si yɛlɛma ka na ale Mari ma. Ale si a mayigi wo tɛma. Wo ye a lɔnna wo le ma ko ale Mari Sɛnbɛ-Bɛɛ-Tigi ya n kilaya wo ma.

Malakayi 1:11

Ka bɔ tele bɔɛ ha tele-yigi, mɔgɛnu bi ale Mari gbiliyala. A ko mɔgɛnu bi isɛnti mintanna a ye ka saraka-bɛrɛnu bɔ a gbiliya-koe la.

Luka 12:5

Wo ni kilan min na, n si wo yira wo la. Wo ni kilan Allatala la bawo sɛnbɛ ye a bolo ka wo niyi bi, wo kɔma, a ni wo lakɛ nyahanama rɔ. Ɔnde, n bi tonyɛ le fɔla wo ye, wo ni kilan wo la!

1 Kɔrɛnti 8:6

Kɔnɔ Alla kelen de male bolo, ma Fa Alla min ya fan bɛɛ dan, kɔni. Male ye ale le bolo, ado Mari kelen pe le ma bolo fanan, Yisa Kirasiti, kɔni. Fan bɛɛ danta wo le baraka rɔ, ado male fanan ye wo le baraka rɔ.

Yasowa 4:24

Mari ya kɛ ma alako mɔgɛ bɛɛsi ni a lɔn ko sɛnbɛ-bɛɛ-tigi le ale Mari la. Woletɔ anu fanan ni to Mari Alla gbiliyala habadan!”

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”

Lankɛnimayɛ 15:4

Mari, yon ti kilan i la? Yon si a ban ila gbiliya-fɔ-koe ma? Ado nfan, i kelen pe le sɛnima. Sibole bɛɛ si na ka batolɛ kɛ i yakɔrɔ bawo mɔgɛ bɛɛ ara ila telenbagaya-kɛwɔlɛnu tayen.”