Yɛrɛmaya 10:6 - ALLALA KUMƐ

⁶ Mari, i nyɔgɔn sa. I makawara. I tɔgɛ mankan kolo.

Yɛrɛmaya 10:6 Iomraidhean Croise

2 Samuwɛli 7:22

E, n Tigi Mari, i makawara. I nyɔgɔn sa! Ka a dabira fɔlɔ ma ha ka a sigi kaka la, ma ya i kelen pe le lɔn Alla la.

1 Ko-Kɔrɔta-Karan 16:25

Mari makawara. A bɛnta, mɔgɛ ni ale le bato. Mɔgɛ ni kilan a la ka tenbi bɛsɛnu na.

Nihɛmaya 4:14

N ya a yen min kɛ ko kilan ye anu tɔ, n ya a fɔ kun-tiginu anubɛ a mɔgɔ-ba-toenu ye ko, “Ma kana kilan ma yogenu na wona. Wo ni wo miri Mari makawa-nya ma. Ma sibolenu wo, mala dannu wo, mala musinu wo, mala bɔnnu wo, wo ni kɛlɛ kɛ wonuna ko la.”

Nihɛmaya 9:32

“E, mata Alla, i makawara. I makilannɛ ita sɛnbɛ la. Sarama-kan min kirinɛ ma tɛma, ile ara itɛ latɔnbagaya. Kebi Asiriya mansɛnu ya ma tɔrɛ min dabira, ha bi, ma ye tɔrɔya kelen wo le kun na. Mala mansa wo, mala kun-tigi wo, mala saraka-masɔla wo, mala nɛbi wo, ma benbanu wo, anubɛ mala mɔgɛ toenu wo, ma dama ye tɔrɔyɛ wo rɔ. I yandi, i miri mala tɔrɔyɛ yirika ma.

Yaburi 145:3

Mari makawara, ado a bɛnta, mɔgɛ ni a matɔgɔ. A makawa-nya ti yen.

Yaburi 147:5

Ma tigi-makawanɛ, ado a fanka kolo. Ala hɛnkilimayɛ nya ti ban yenna.

Yaburi 35:10

N si a fɔ Mari ye n sɛbɛ-kuna-wɛ la ko, “Ile Mari nyɔgɔn sa! Sɛnbɛ sa minnu na, i ni wonu nakisi sɛnbɛ-tiginu masibɛ ma. I si bolo-kolɔnnu tanka kensuntenu ma.”

Yaburi 48:1

Mari makawara. Matɔgɛ bɛnta ale le ma. Wo ni a gbiliya ata kɔnkɔ-sɛnimɛ kuma, a halala-soe ye kan min.

Yaburi 96:4

Mari makawara. A bɛnta mɔgɛ ni ale le bato. Mɔgɛ ni kilan a la ka tenbi bɛsɛnu na.

Bɔ-Koe-Iyipiti 15:11

“E, Mari, nfen sifa ye duninya rɔ mɔgɛnu si min bato iko ile Mari. Yon sɛninyanɛ iko ile? Ma si i tanto ila kɛwɔli-makilannɛnuna ko la. Yon si ke kabana-koenu kɛla iko ile?

Bɔ-Koe-Iyipiti 8:10

Mansɛ ko, “Nba, sina i ni na madiyali kɛ n ye.” Musa ko, “N si a ma iko i wara a fɔ n ye nya min alako i ni a lɔn ko Alla-dogbɛrɛ sa nyɔ min bi iko mata Mari Alla.

Bɔ-Koe-Iyipiti 9:14

N si tɔrɔya-fitinɛ lana mansɛ nyɛrɛ anubɛ ala mɔgɔ-banu anubɛ ala nyamanita-mɔgɛnu kuma. Anu ni a lɔn ko nde, Alla nyɔgɔn sa duninya kɛ rɔ.

Aiseya 12:6

Wole minnu siginɛ Yerusalɛm, wo ni wo kan mayɛlɛ bɛti bɔ tinɛ. Isirɛlata Alla makawara. A ye a mayigila ata mɔgɛnu tɛma.”

Aiseya 40:18

Mɔgɛ si Alla sanka yon ma? Mɔgɛ si ke Alla faranfasɛ lɔnna kama?

Aiseya 40:25

Mɔgɛ si Alla-sɛnimɛ sanka fan mintan ma? A nyɔgɔn ye nyɔ?

Aiseya 46:5

Mari ko wo si kɛ ale sankala nfen ma? Anubɛ yon takɛn?

Aiseya 46:9

Mari ko koe minnu bara tenbi nun kɔrɔma la, wo ni wo hɛnkili lamiri wonu ma de! Wo ni a lɔn yati, ko ale le kelen pe ye Allayɛ la. A nyɔgɔn-takɛn sa de!

Yɛrɛmaya 10:16

Kɔnɔ Yakobata Alla sa iko bɛsɛ kɛnu. Alla le ya fan bɛɛ ladan. A ya Isirɛla mɔgɛnu ma a halalɛ la. A tɔgɛ le Mari Sɛnbɛ-Bɛɛ-Tigi.

Yɛrɛmaya 32:18

I wara ita hinɛ yira mɔgɔ waga yirika la kɔnɔ hali wo, i ye dannu tɔrɔla ka a tɛgɛ anu sɔrɔnnɛnuna hakɛ ma. Alla-makawanɛ le ile la. I tɔgɛ le Mari Sɛnbɛ-Bɛɛ-Tigi.

Daniyɛli 4:3

Alla ara kabana-koe minnu yira ma la, wonu kolo dɔgɔma-ma-de! Alla ye kabana-koe minnu nadanna, wonu makilanta. Habadan-mansɛ le ale la. Ale si to kun-tigiyɛ la tolon!

Daniyɛli 4:34

“San wɔrɔnfila tenbinɛ, n ya n yɛ layɛlɛ san ma, n hɛnkili sɛgira a gbɛ rɔ. Alla Min Bi Fan Bɛɛ Kun Na, n ya gbiliyɛ di wo ma ka a tanto. N ko, ‘Allata mansayɛ ti ban. A si to mansayɛ la burubukai!

Malakayi 1:11

Ka bɔ tele bɔɛ ha tele-yigi, mɔgɛnu bi ale Mari gbiliyala. A ko mɔgɛnu bi isɛnti mintanna a ye ka saraka-bɛrɛnu bɔ a gbiliya-koe la.

1 Kɔrɛnti 8:6

Kɔnɔ Alla kelen de male bolo, ma Fa Alla min ya fan bɛɛ dan, kɔni. Male ye ale le bolo, ado Mari kelen pe le ma bolo fanan, Yisa Kirasiti, kɔni. Fan bɛɛ danta wo le baraka rɔ, ado male fanan ye wo le baraka rɔ.

Tɔn-Fɔɛ-Fila-Nyɔgɛ 32:31

Wo yogenu ya a lɔn ko fanka sa anuta bɛsɛnu na. Anuta farɛnu mani ma iko wota Fara-Kole Mari ye nya min.

Tɔn-Fɔɛ-Fila-Nyɔgɛ 33:26

“Alla dogbɛrɛ sa nyɔ min manɛ iko male Isirɛla mɔgɛnuta Alla, ale min bi tagamana san-kole rɔ, kɔni. Ale le ye bɔla banda-finyɛ rɔ ka wo dɛnbɛ.