Yɛrɛmaya 10:3 - ALLALA KUMƐ

³ Fufafuyi le sibolo-gbɛrɛnuna namunyɛnu na. Anuna bɛsɛnu bɛnni ma fenfen ma fɔ gbɔngbɔn-kɔnnu, ado boloma-wɔli-kɛlɛnu bi wonu denu lɛsɛla tun.

Yɛrɛmaya 10:3 Iomraidhean Croise

Yaburi 115:4

Anuta bɛsɛnu nadannɛ sɛnɛ anubɛ wodi-gbɛ le la, ado hadama-dan le ya anu nadan.

Aiseya 45:20

Mari ko, “Nyamanɛla buiyi kɔmɛ, wole sibolo-gbɛrɛ minnu tora wo niyi la, wo ni wo kundɛn kan-tina-kelen kiti kan ma. Wole minnu bi wo wasila wola bɛsɛnu na wo bolo ka bɛsɛ wonu madiya minnu ti ke wo kisila, hɛnkili-wo-hɛnkili sa wo bolo.

Yɛrɛmaya 1:16

N bi nna mɔgɛnu tɔrɔla nya min, n si wo ragbɛ anu ye. N si anu tɔrɔ bawo anu bara hakɛ kɛ ka anu kan-kɔ sɔ n na. Anu bi bɛsɛnu nadanna ka nta sarakɛnu di anu ma, ado anu bi bɛsɛ wonu nadanna anu bole nyɛrɛ-nyɛrɛ le la.”

Yɛrɛmaya 10:8

Hɛnkilimɛ wonu hɛnkili sa, ado kuntan le anu na. Anuna hɛnkilimayɛ wonu bɔnɛ anuna bɛsi-fuyi wonu denu tɔ.

Yɛrɛmaya 14:22

Sibolo-gbɛrɛnuta bɛsɛnu si ke bandɛ lanala le, wa? San-kole si ke bandɛ lanala a nyɛrɛ ma, wa? Ade fɔ ile mata Mari Alla kelan min si wo ma. Ma yili-madiyanɛ ile kelen pe le ma. Ile le kelen pe si ko sufa kɛnu ma.

Yɛrɛmaya 16:19

E, Mari, n sɛnbɛ anubɛ n natankalɛ le ile la. Tɔrɔyɛ wa na tumɛ min, n si ta i wara n nakanan-koe rɔ. Sibolenu si bɔ duninya tonke bɛɛ rɔ ka na i wara. Anu si a fɔ ko, “Bɛsi-fuyi le ye ma benbanu bolo nun dɔrɔn! Anu bi bɛsi-fufafuyinu kɔla nun minnu ti ko nyinya anu ma.

Yɛrɛmaya 2:5

Mari ko a ya a telen wo benbanu ye min kɛ, nfenna anu ya anu kan-kɔ sɔ a la? A ko wo benbanu ya bɛsi-fufafuyinu kɔ ha anu denu fanan mara mɔgɔ-fufafuyinu na iko anuna bɛsɛnu.

Saraka-Masɔlɛnuta Tɔnnu 18:30

Mari nyɛrɛ ya a fɔ tun ko, “N bara tɔn minnu di wo ma kɛ la, wo ni wonu bira. Wo kana wo bila nyamanɛ wo mɔgɛnu kɛ-nya fɛ alako ka wo nyɛrɛ ma mɔgɔ-sɛninyabɛlɛ la fufafu! Wota Mari le nde, Alla la min bi kɛnu fɔla wo ye.”

Matiyu 6:7

“Wo tenbi madiyali kɛla, wo kana sɛgi wo gbɛ ma ka to kuma kelen fɔla ka a fɔ ka a fɔ iko Alla-lɔnbɛlɛnu si a ma nya min. Anu bi anu mirila ko Alla si anu kan lamɔɛn ka a tɛgɛ anuna madiyali-yannu fɛ.

Kɛwɔlɛnu 19:26

Pɔli kɛ ye min mala kɛ la, a ye mɔgɛnu tɔrɔla Ɛfɛsa soe burɔ yan nya min, wo ya wo yen. A tora doni, a ni ke Esiya nyamanɛ bɛɛ rɔ. A ye a fɔla ko male ye bɛsɛ minnu nadanna, Alla ma wonu na mumɛ!

Romu 1:21

Anu ya Alla lɔn kɔnɔ anu ma a gbiliya, ado anu ma baraka bira a ye hali! Anu miriyɛ bɛɛ manɛ fufafuyi la! Anu hɛnkili rabasannɛ pirikali!

1 Pita 1:18

Wo ya kɛ-nya-fuyi minnu sɔrɔn wo benbanu bolo, Yisa fagara ka wo hɔrɔya wonu ma. Wola hɔrɔyɛ ma tɛgɛ fan do ma mɔgɛ si min sara sɛnɛ la, ni wo ma, wodi-gbɛ, ado wonu ti mɛ.