Yɛrɛmaya 10:18 - ALLALA KUMƐ

¹⁸ Mari ya a fɔ ko a si wole, Yuda mɔgɛnu fɔrɔn nyamanɛ kɛ rɔ ka wo lakɛ a rɔ. A ko dumɛ anubɛ tɔrɔyɛ si taran wo kuma. Mari kan le kɛ la.

Yɛrɛmaya 10:18 Iomraidhean Croise

Aiseya 22:17

Hali mɔgɔ-ba le ile la, Mari si i fɔrɔn ka i lakɛ a rɔ pirr!

Yɛrɛmaya 16:13

Woletɔ a ko a ye wo lakɛla a rɔ nyamanɛ do rɔ wo benbanu anubɛ wole ma min lɔn tele-kelen-bɛrɛni! Wo tenbi nyamanɛ wo rɔ, su-ni-tele wo ye bɛsi-kɔ-koe le tɔ. A ko a ti wo dɛnbɛ hali ka hina wo la.

Yɛrɛmaya 22:26

A ko a si anubɛ a na don birɛ rɔ. Anu si ta nyamanɛ do rɔ, anu fenfen ma sɔrɔn kan min, ado anu filɛ bɛɛ ye fagala nyɔ le.

Yɛrɛmaya 23:20

ado tɔrɔyɛ wo ti bɔ anu kuma fɔ a wa ban a miriya lawɔlila. Wo wati rɔ, wole Marita mɔgɛnu si ata miriyanu nya-yen ka a ragbɛ.

Isikiyɛli 6:10

Anu si a lɔn yati, ko Mari le nde la, ado tolon-ko ma nna kawandilɛnu na.”

Sɛfanaya 1:17

Mari ye a fɔla ko a si kasara-su min nana hadama-dannu kuma, wo si a ma, mɔgɛ bɛɛ ni ta a bole mɛmɛla iko fiyɔn. Anu bara hakɛ kɛ Mari la ka bila a la, woletɔ anu yele si to bɔla iko yi, ado anu suyi si to sani dugi ma kan-bo-kan ka tuli.

Sakaraya 1:6

Ala wɔli-kɛlɛ wonu minnu bi ata nɛbiyɛ la, a ko wonu ya wo benbanu makawandi-siyaman kɛ ka tɔn fanan di anu ma kɔnɔ anu ya wonu kan bɔrɔbɔ ka tɔrɔya-belebele sɔrɔn. Wo kɔma, a ko anu ya anu sɔ anu hakɛ la ka a fɔ ko anu ya tɔrɔyɛ min sufa sɔrɔn Mari Sɛnbɛ-Bɛɛ-Tigi bolo, wo bɛnta le, yɔ, ado wo bɔra-a-la iko ale Mari ya a miri a ma nya min! Soeenu Yen-Koe

Tɔn-Fɔɛ-Fila-Nyɔgɛ 28:52

Hali wo yili-madiyanɛ ye tara-layan-bɛ minnu na wola soenu ma, anu si soe wonu damasi bira-a-la wola nyamanɛ rɔ.

1 Samuwɛli 25:29

Ni a sɔgɛ ye mɔgɔ-wo-mɔgɔ la ka i faga, ita Mari Alla si i tanka wo masibɛ ma iko mɔgɔ si ala nɔnfuli kandan nya min. Mari si i yogenu nakɛ a rɔ iko lenfiran-kuri.