Yɛrɛmaya 10:16 - ALLALA KUMƐ

¹⁶ Kɔnɔ Yakobata Alla sa iko bɛsɛ kɛnu. Alla le ya fan bɛɛ ladan. A ya Isirɛla mɔgɛnu ma a halalɛ la. A tɔgɛ le Mari Sɛnbɛ-Bɛɛ-Tigi.

Yɛrɛmaya 10:16 Iomraidhean Croise

Yaburi 119:57

E, Mari, n bi nyinina i kelen pe le ma. N bara i yili-madiya ila tɔnnu-bira-koe rɔ.

Yaburi 135:4

Ale le ya Yakoba yabɔ a nyɛrɛ ye. A halalɛ le Isirɛla mɔgɛnu na.

Yaburi 142:5

N bi ile Mari rakelela n dɛnbɛn-koe rɔ. N natankalɛ le ile la. Ile le n sigi-kunya bɛɛ la, ado n mako ti taran fenfen na.

Yaburi 33:6

Mari kumara le gbansan, san-kole ladanta. Tele wo, karɛ wo, lolenu wo, ata kuma-gbansan le ya wonu nadan.

Yaburi 73:26

Hali n miriya anubɛ n fɛrɛ ra ye tola fagala n ma kɔnɔ ile Alla si to sɛnbɛ dila n ma. N sa nyinina fenfen ma ile Alla kɔma habadan!

Yaburi 74:2

I wara ita mɔgɛ minnu yabɔ i nyɛrɛ ye bi-ko-ma, i miri anu ma, i ya minnu kunyɛ bɔ yɔɔnyɛ rɔ ka anu ma i halala mɔgɛnu na, kɔni. I miri Yerusalɛm soe ma i mayiginɛ kan min nun.

Bɔ-Koe-Iyipiti 19:5

Woletɔ ni wole ya n kuman-kan bira gben ka nta lanyiri latɔnbagaya, wole si ma n halalɛ la ka tenbi mɔgɛ bɛɛ la duninya rɔ. Ntɛ le duninya bɛɛsi la.

Bɔ-Koe-Iyipiti 34:9

A ko, “E, Mari, ni n di i ye, i yandi, i ni ta ma tɛma kamasɔrɔn ila mɔgɛ kɛnu tengberenta. I ni mala yogoyɛ anubɛ mala hakɛ makoto ka ma ma i halalɛ la.”

Hɛnkilimaya-Kumɛnu 16:4

Mari ya ko-wo-ko ma, wo ma-kɔrɛ ye nyɔ. Hali karagbɛlɛnu, a ye wonu namarala kiti-tɛgɛ-telela ko la.

Aiseya 19:25

Mari Sɛnbɛ-Bɛɛ-Tigi si duwa anu ye ka a fɔ ko, “N bara duwa wole nta mɔgɛnu Iyipiti kɛnu ye, anubɛ Asiriya kɛnu n ya minnu nadan anubɛ Isirɛla mɔgɛnu, nta mɔgɔ-yabɔnɛnu, kɔni.”

Aiseya 45:7

A ko ale le ya pinpi ani fila waan dan. Ale le ye nala duwɛ anubɛ kasarɛ la. Ale Mari ko ale le wara kɛ dama ma.

Aiseya 47:4

Ma kunkalɛ le Mari Sɛnbɛ-Bɛɛ-Tigi la. A tɔgɛ le Isirɛlata Alla-sɛnimɛ.

Aiseya 47:6

Mari ko ale diminyanɛ male ata Isirɛla mɔgɛnu ma nun. Ma biranɛ a bolo iko ata ma ma la. A ko a ara ma kunyɛ don Babilɔn kɛnu bolo, ado anu ma kinikini ma ma. A ko hali mala kɛmɔgɛnu, anu bi wonu natofi-tafila.

Aiseya 51:15

Mari ko ale le wota Mari Alla la. Ale le ya kɔgɔ-yi ramaga a worɔn la ka a ma, a la ni sɔnkɔ. A tɔgɛ le Mari Sɛnbɛ-Bɛɛ-Tigi.

Aiseya 54:5

I Dali-Mari si ma i ye iko ila kei. A tɔgɛ le Mari Sɛnbɛ-Bɛɛ-Tigi. I kunkalɛ le Isirɛlata Alla-sɛnimɛ la. Duninya mumɛ bɛɛta Alla le ale la.

Yɛrɛmaya 10:12

Alla ya duninya ladan ata fanka le la. A ya duninya ladan ata hɛnkilimayɛ le la. A ya san-kole rafulen ata ko nya-yen le la.

Yɛrɛmaya 10:6

Mari, i nyɔgɔn sa. I makawara. I tɔgɛ mankan kolo.

Yɛrɛmaya 31:35

Alla ya tele labɔ le alako waan ra ni to kala. A ye a mala, karɛ anubɛ lolenu ta ni gbɛ suyi rɔ. A ye kɔgɔ-yi latugula a rɔ alako anu ni kuma. A tɔgɛ le Mari Sɛnbɛ-Bɛɛ-Tigi.

Yɛrɛmaya 32:18

I wara ita hinɛ yira mɔgɔ waga yirika la kɔnɔ hali wo, i ye dannu tɔrɔla ka a tɛgɛ anu sɔrɔnnɛnuna hakɛ ma. Alla-makawanɛ le ile la. I tɔgɛ le Mari Sɛnbɛ-Bɛɛ-Tigi.

Yɛrɛmaya 33:2

Mari min ya dugu-kole kɛ dan ka a lamondo ka a sigi a gbɛ rɔ, wo le kumara n ye. Ale min tɔgɛ Mari, a ko

Yɛrɛmaya 46:18

Mari ko mansɛ le ale Mari Sɛnbɛ-Bɛɛ-Tigi la. A ko Alla-nimɛ le ale la. Iko Tebɔ kɔnkɛ layan kɔnkɛ bɛɛ ko nya min, iko Kamɛli kɔnkɛ dunnɛ kɔgɔ-yi kuma nya min, Iyipiti yogenu sɛnbɛ kolo Iyipititɛ ko wo nya na le.

Yɛrɛmaya 50:34

Kɔnɔ minnu bi nala anu kunyɛ bɔla gbaran rɔ, wo sɛnbɛ kolo. A tɔgɛ Mari Sɛnbɛ-Bɛɛ-Tigi. Ale nyɛrɛ si anuna dunɛ bi ka yisi-kimɛ lana duninya rɔ. Kɔnɔ dunɛ si sa Babilɔn kɛnu kan ma.

Yɛrɛmaya 51:19

Kɔnɔ Yakobata Alla sa iko bɛsɛ kɛnu. Alla le ya fan bɛɛ ladan. A ya Isirɛla mɔgɛnu ma a halalɛ la. A tɔgɛ le Mari Sɛnbɛ-Bɛɛ-Tigi.

Nimisa Koe 3:24

Mari kelen pe le nde bolo. N mako-nyinyalɛ le ale la. N si n yigi sa ale rɔ.

Emɔsi 4:13

Sɛnbɛ-Bɛɛ-Tigi le ale Mari la. Ale Alla nyɛrɛ le ya kɔnkɛnu anubɛ fɔnyɔ ladan. Ale le si a ma, hadama-dannu ni a miriyanu lɔn. Ale le ye suyi anubɛ tele labɔla. Ale le ye duninya bɛɛ kuma mansayɛ la.

Sakaraya 2:12

Mari si Yuda ma a halalɛ la tun ata dugu-sɛnimɛ rɔ. Yerusalɛm soe si diya a ye ka tenbi soe bɛɛ la.

Tɔn-Fɔɛ-Fila-Nyɔgɛ 32:9

Kɔnɔ a ya Yakoba bɔnsɔn-mɔgɛnu namara a nyɛrɛ ye.