Yɛrɛmaya 10:10 - ALLALA KUMƐ

¹⁰ Kɔnɔ a tora ile Mari le kelen petɛ ma, ile Alla kelen pe le ye min bi mansayɛ la tolon! I wa diminya, duninya mumɛ ra si maga. Mɔgɔ-wo-mɔgɔ ti ke ila fondo-bɔɛ rakɔnɔna.

Yɛrɛmaya 10:10 Iomraidhean Croise

Ko-Dabirɛnu 21:33

Iburayima ya kɔlɔma-nɛ do ki Biri-Siba dafɛ ka habadan-Mari-Alla bato nyɔ.

1 Mansɛnu 18:39

Mɔgɛ wonu ya wo rayen min kɛ, anu ya anu nyɛrɛ gbesi dugu la. Anu bi a fɔla ko, “Mari kelen pe le Alla la. Mari kelen pe le Alla la.”

1 Mansɛnu 8:60

Woletɔ duninya-mɔgɛ bɛɛ si a lɔn ko ale Mari le Alla la. Alla-gbɛrɛkɛ sa ale kɔma.

1 Ko-Kɔrɔta-Karan 29:11

E, Mari, i makawara. Sɛnbɛ-tigi anubɛ gbiliya-tigi le ile la. Mansɛ-bɛɛta-mansɛ le ile la. Fan min bɛɛsi ye san-kole anubɛ dugu-kole ma, iletɛ le wonu na. Duninya-bɛɛ-mara-mansɛ le ile la.

2 Ko-Kɔrɔta-Karan 15:3

Wati donu bara tenbi, wole Isirɛla mɔgɛnu sa Allatayɛ la nun, ado saraka-masɔla sa wo bolo nun minnu si wo labila Alla wara-koe la. Wo sa tɔn kɔrɔ wo wati rɔ.

Yobu 9:6

Alla si dugu-yɛrɛyɛran lana min si dugu-kole bɛɛ layɛrɛyɛrɛn. A si duninya-sɛnbɛrɛn-kɔn bɛɛ layɛrɛyɛran sikisiki!

Yaburi 10:16

Mansɛ le Mari la burubukai! Bɛsi-kɔlɛnu si ban ata nyamanɛ rɔ feu!

Yaburi 100:3

Bɛɛ ni a lɔn wo ma ko Mari le Alla la. Ale le kelen pe ya ma dan, ado a halalɛ le male la. Ata mɔgɛ le male la, ado ma ye ata saga-wɔrɛ rɔ.

Yaburi 100:5

Mari nyimayanɛ le. Dan sa ala keninteyɛ la. Ata lanayɛ si to burubukai!

Yaburi 104:32

A wa duninya mafɛlɛn, dugi ni yɛrɛyɛrɛn. A wa a kɔɛn tugu kɔnkɛnu na, ta-sisi ni bɔ.

Yaburi 114:7

Ile dugi, i ni yɛrɛyɛrɛn Mari yarɔ, Yakobata Alla, kɔni.

Yaburi 145:13

Habadan-koe le ila mansayɛ la, ado ila mansayɛ si to nyɔ tolon! Mari si ata lanyiri bɛɛ latɔnbagaya. A si koe bɛɛ ladan kinikinɛ le tɔ.

Yaburi 146:6

San-kolo wo, dugu-kolo wo, kɔgɔ-yi wo, anubɛ min bi anu tɔ, ale le ya wo bɛɛ dan. Tuma-wo-tuma, a si ala lanyirinu natɔnbagaya.

Yaburi 18:7

Marita fondo-bɔɛ ya a ma, dugu-kole ramagara ka yɛrɛyɛrɛn. A ya kɔnkɛnu kurukɛ tinɛ layɛrɛyɛrɛn.

Yaburi 29:10

Mari le fan bɛɛ kun na hali kɔgɔ-yi. A si to mansayɛ la burubukai!

Yaburi 31:5

Mari, n bara n nyɛrɛ dantɛgɛ i ma. I si n nakisi bawo Alla, kan-kelen-tigi le ile la.

Yaburi 42:2

Ile Alla-nimɛ sɔgɔ-bɛrɛbɛrɛ ye n na. N si ta i taran muntuma ka i bato?

Yaburi 68:11

Mari kumara nya min wo, mɔgɔ-siyaman tara kilayɛ wonu na anu bolo.

Yaburi 68:8

dugi yɛrɛyɛrɛnta, bandɛ ya a dɛ bɔ a kɔrɔ bawo ile Isirɛlata Alla ya i nyɛrɛ yira anu na Sinayi kɔnkɛ kuma.

Yaburi 74:12

E, Alla, kebi fɔlɔ, ile ye mansayɛ la ma kun na. I wara ma latanka siyaman kɛ duninya kɛ rɔ.

Yaburi 76:7

Bɛɛ kilannɛ ile Mari la. Mɔgɔ-wo-mɔgɔ ti a sɔ i fonde bɔnɛ yarɔ.

Yaburi 76:8

I wara ban kiti tɛgɛla ka bɔ Arinyɛni tɔ tumɛ min, duninya-mɔgɛnu kilanta ka a sigi-a-la don!

Yaburi 77:18

Ila san-sɛrɛn-kan ye bɔla iko mɔgɛ tenbi durɔmu-takolɔn makuru-kurunna. Ila banda-nyin-masɔgɛ ye malanna duninya kuma. Dugi nyɛrɛ ye yɛrɛyɛrɛnna.

Yaburi 84:2

Nyɔ-sɔgɔ-bɛrɛbɛrɛ ye n na. A di n ye n ni to i Bato-Bɔn la dɛɛ! N bara n fanka ban sigi-sɛ la ile Alla-nimɛ ye.

Yaburi 9:8

A ya duninya mara telenbagayɛ la. A ya sibolenu kiti a kilɛ fɛ, hali lafisayali sa a rɔ.

Yaburi 90:11

Yon si ke ita fondo-bɔ-fanka lɔnna? Ma si kilan i la iko a bɛnnɛ ka kilan ita fondo-bɔɛ la nya min.

Yaburi 90:2

Yanni i ni duninya dan anubɛ kɔnkɛ minnu bi a rɔ, ile ye habadan-Allayɛ la, ado habadan-Alla le ile la.

Yaburi 93:2

E, Mari, kebi fɔlɔn, ila mansayɛ ye sɛnbɛ rɔ. Yanni duninya ni dan, i ye nyɔ nun.

Yaburi 97:4

Allata banda-nyin-masɔgɛ ye duninya bɛɛ tola gbɛ rɔ. Dugu-kole wa a yen, a si yɛrɛyɛrɛn.

Aiseya 37:17

Kɔnɔ Mari, i wɔlɔ matɔlɔ ka i kolan maka. I ni a yen min bi sigila ma ma. E, Alla-nimɛ, i wɔlɔ matɔlɔ i masɔrɔn-kan la Sɛnakaribu bolo.

Aiseya 37:4

Asiriya mansɛ ara ala kandɛ lana Alla-nimɛ masɔrɔn tinɛ. Alamɛ ita Mari Alla ya a masɔrɔn-kan wo lamɔɛn ka a masɔrɔnnɛ wo tɔrɔ. Woletɔ male Yakoba kegeya-toe minnu tonɛ, i ni Alla madiya ma ye.”

Aiseya 40:15

Fenfen ma sibolenu na Mari yala. Anu mani de iko yi-tinti kelan. Yi-tɛma-duginu fɛyanɛ iko gbangban.

Aiseya 40:28

Wo ma a lɔn, ba? Wo ma a lamɔɛn nun, ba? Habadan-Alla le Mari la. Ale le ya duninya dan, yɔ! A ti bandan. A ti yunkun. Mɔgɔ-wo-mɔgɔ ti ke a miriya lɔnna.

Aiseya 57:15

Alla-gbiliyanɛ min bi san ma pon, min sɛnima, ado a ye nyɔ habadan, wo ko ale mayiginɛ kan-tina-sɛnimɛ le tɔ san ma pon! A ko hali wo, mɔgɔ-famayiginɛ minnu bara nimisa, a si taran wonu tɛma. A ko minnu famayiginɛ, a si ni kurɛ di wonu ma. Minnu nimisanɛ, a si wonu niyi kurakuraya.

Aiseya 65:16

Nba, min ya duwɛ sɔrɔn dugi ma, wo tigi ara duwɛ sɔrɔn Alla, tonya-tigi le bolo. Ni min ya a gboro dugu-kole kuma, wo tigi ara gboro Alla tonya-tigi le tɔ. Kɛnu bara ma bawo ma la ara nyina tɔrɔya-kɔrɔmɛnu na. A ko a si tɔrɔyɛ wonu masɛgi wo la.

Yɛrɛmaya 23:36

Kɔnɔ wo kana a fɔ tun ko, “Marita kuma-gbilimɛ le kɛ la,” bawo wo sa fenfen fɔla fɔ wo ye kumɛ minnu nabɔla wo kunyɛnu tɔ, ado ni wo tuira wo ma tinɛ, kumɛ wo si ma kumɛ la wo kuma. Nba, wole ye wota Mari Alla-Nima Sɛnbɛ-Bɛɛ-Tigi kan mayɛlɛmana.

Yɛrɛmaya 4:2

Ni wo ya wo keli Mari kelan rɔ, wo kɔma ka lanyiri wo kanbali, sibole bɛɛ si duwɛ sɔrɔn wo lela ko la, ado anu si to ale Mari matɔgɔla ala ko-ladannɛnuna ko la.

Yɛrɛmaya 4:24

N ya kɔnkɛnu mafɛlɛn, anu bi yɛrɛyɛrɛnna. A bɛɛ ye magala a rɔ.

Yɛrɛmaya 50:46

Babilɔn nyamanɛ wa bui tumɛ min, wo bui-kan si duninya ramaga. Sibole doi wonu si anu di-kɛ-kan lamɔɛn.

Yɛrɛmaya 51:29

Duninya ra si maga ka pirinkan bawo Mari miriya bɛnni ma fenfen ma fɔ ka Babilɔn ma wula-da-rakolɔn la, mɔgɔ ti sigi kan min tun!

Daniyɛli 4:3

Alla ara kabana-koe minnu yira ma la, wonu kolo dɔgɔma-ma-de! Alla ye kabana-koe minnu nadanna, wonu makilanta. Habadan-mansɛ le ale la. Ale si to kun-tigiyɛ la tolon!

Daniyɛli 4:34

“San wɔrɔnfila tenbinɛ, n ya n yɛ layɛlɛ san ma, n hɛnkili sɛgira a gbɛ rɔ. Alla Min Bi Fan Bɛɛ Kun Na, n ya gbiliyɛ di wo ma ka a tanto. N ko, ‘Allata mansayɛ ti ban. A si to mansayɛ la burubukai!

Daniyɛli 6:26

Min sanɛ wo kuma, n bara ban a latɛgɛla nun nyamanɛ kɛ rɔ, n ko, mɔgɛ bɛɛsi ni kilan Daniyɛlita Alla la ka a gbiliya. Alla-nimɛ le ale la, Aado ale le ye ma lamarala burubukai! Ala mansayɛ ti tinya mumɛ, ado ala fanka dan sa.

Daniyɛli 6:27

Ale le ye ma latankala ka ma kisi fanan. Ale le ye ko-makawanɛnu kɛla san-kole anubɛ dugu-kole ma. Ale le ya Daniyɛli lakanan yarɛnu masibɛ ma.”

Daniyɛli 7:14

Habadan-Tigi-Alla wo ya sarati anubɛ gbiliyɛ anubɛ mansaya-sɛnbɛ di a ma alako duninya-sibole bɛɛ ni wɔli a ye. Ala saratiyi si to burubukai, ado ala mansayɛ ti ban mumɛ!

Yowɛli 2:11

Mari ye kumala ala kɛlɛ-dannu ye iko san-sɛran, ado kɛlɛ-dan wonu bi ata kumɛ birala. Anu kolo gbɛlɛ, ado anu siya. Marita tele-makilannɛ wo, yon si ke a muinna wo kɔrɔ?

Maika 1:4

Kɔnkɛnu si lee a tontɛ kɔrɔ iko mɔgɔ wa kɛɛn sa tɛ rɔ. Kɔnkɔ-leenɛ wonu si to yigila folo-wɛnu tɔ iko gboron-gboronna-yi.”

Nehami 1:5

Kɔnkɛnu si to yɛrɛyɛrɛnna Mari yakɔrɔ. Gburukulinu si ta leela bandin! Duninya anubɛ ata mɔgɛnu ta si maga.

Nehami 1:6

Alla fonde wa bɔ tumɛ min, yon si to a niyi la worɔ? A fondo-kaliyanɛ ye tɛ min nabɔla, yon si ke wo rakɔnɔna? Mari wa fondo-magboyɛ labɔ iko ta-mɛlan, farɛnu si ma gbangban la a kɔrɔ.

Habakuku 3:10

Kɔnkɛnu bara i yen tumɛ min, anu tora yɛrɛyɛrɛnna. San-kole ya a dɛ bɔ banda-yi kɔrɔ. Yi min bi dugu kɔrɔ, wo ya dugi punsɔgɔ kurɔn bolo. A tora tugula a rɔ.

Habakuku 3:6

Ile Alla wa dan kan min, dugu si yɛrɛyɛrɛn nyɔ rɔ. Hali i wa i kolan tɔnkɔn sɔ minnu na, wonu kun ma si kɔ. Kɔnkɛ minnu bara mɛ, wonu si tii nya-kun-kelen ka ma lɛɛ la. Hali i wara i tontɛ sɔ kɔnkɛ minnu kuma nun, wonu fanan si tii mɛmɛ!

Malakayi 3:2

Mari kɛ wa na wati min, yon si ke tola a niyi la a kɔrɔ? Ale wa bɔ gbɛ rɔ, yon si kanan? A wa bɔ gbɛ rɔ wati min, a si ma iko sefini-diyamɛ min si nɔgɛ bɛɛ toronde kura-nɔgɔnɛ la. A si ma fanan iko numɛnuna tɛ min si nɛgɛ lalee bandin, ka a kɛndɛ bɔ a boe yala.

Matiyu 16:16

Saimon Pita ya a yabi ko, “Allata-Mɔgɔ-Yabɔnɛ le ile la, Alla Nimɛta dan, kɔni.”

Matiyu 26:63

Kɔnɔ Yisa ya a made. Saraka-masɔla-kun-tigi-wɛ kumara a ye tun ko, “N bi i kelila Alla-nimɛ tɔgɛ rɔ, ni Allata-Mɔgɔ-Yabɔnɛ le ile la, Allatalata den-kei, kɔni, wo fɔ ma ye.”

Yɔni 17:3

Ni mɔgɛnu ya ile Alla kelen pe lɔn anubɛ nde, Yisa Kirasiti, i ya min sɔ, wo tigi si habadan-nimayɛ sɔrɔn.

Kɛwɔlɛnu 14:15

“N fanu, wo ye kɛ mala nfenna? Wo hadama-den-nyɔgɛnu de male la! Ma ye yan ka kibara-nyimɛ lake wo ma. Wo ni bɔ ko-fuyi kɛnu tɔ ka wo yɛ lamunun Alla nimɛ ma min ya san-kole anubɛ dugu-kole anubɛ kɔgɔ-yi dan anubɛ fan min bɛɛ ye wonu tɔ.

Tɔn-Fɔɛ-Fila-Nyɔgɛ 32:4

“Wota farɛ le Mari la min ti bɔ a gbɛ rɔ. Fɛɛ sa ala ko-ladan-nya fenfen na. Latelen-mansɛ le ale la. A si ko-latelennɛ kɛ. A ti lafisayalɛ kɛ.

Tɔn-Fɔɛ-Fila-Nyɔgɛ 5:26

Ha bi, mɔgɛ do ye nyɔ min bara Alla nimɛ kuman-kan lamɔɛn tɛ rɔ, a kɛndɛ ni to iko male?’

1 Tɛsalonaika 1:9

Wo ya ma rabira nya min, mɔgɛ bɛɛ ye wo fɔla. Wo ya bɛsɛnu boloka nya min fanan ka wo ya-lamunun Alla nimɛ la, Alla-bɛrɛ, kɔni, bɛɛ ye wo rakaranna.

1 Timoti 1:17

Alla min ti faga, a ti yen, ado a ye nyɔ tolon, alamɛ bonya anubɛ gbiliyɛ dira ale kelen pe ma! Amina!

1 Timoti 6:17

Nɔnfuli ye minnu bolo duninya kɛ rɔ, i ni wonu makawandi ko anu kana wasi. Anu kana anu yigi sa nɔnfuli kuma iko fen de min bi mɛla. Anu ni anu yigi sa Alla kuma min bi fan bɛɛ dila ma ma foninsereyɛ la ka ma lasewa.

Hiburunu 10:31

Ka don Alla nimɛ bolo tɔ, ko-makilanni-ba le wo la!

Yasowa 3:10

Ma tenbi tala Kenan nyamanɛ rɔ tumɛ min, Alla si sibole kɛnu gben ma yarɔ, Kenannu, Hɛtinu, Yebusinu, Hefanu, Kagasanu, Perasanu, anubɛ Amoranu.

1 Yɔni 5:20

Min tugunnɛ wo la, ma ya a lɔn ko Allala dan ara na nun, ado a ara hɛnkili di ma ma alako ma ni Alla-bɛrɛ lɔn. Wo ara a yira ko mabɛ Alla anubɛ ala den Yisa Kirasiti min bi Allayɛ la, ma ara tugun ma nyɔgɔn na ka to ko kelen tɔ. Habadan-nimayɛ le ale la fanan.

Lankɛnimayɛ 20:11

Wo kɔma, n ya mansaya-sigi-fen-gbɛma-wa-belebele yen anubɛ min mayiginɛ a rɔ. Dugu-kole anubɛ san-kole masɛgira anu kɔma wo kɔrɔ kɔnɔ anu ta tina sa.

Kɛlɛ-Kurugbɛnu 5:4

Ile Mari min nara ila mɔgɛnu na ka bɔ Idɔm kɔnkɔ-nyamanɛ rɔ, dugi yɛrɛyɛrɛnta wulɔn, bandɛ nara, kɔnkɛnu magara anu gbɛ rɔ. Wo bɛɛ mara ile Isirɛla mɔgɛnuta Mari Alla yala, ale min bi Sinayi kɔnkɛ kuma, kɔni.

1 Samuwɛli 17:26

Kɛlɛ-dan minnu sɔnɛ Dawuda dafɛ, Dawuda ya wonu manyinika ko, “Mɔgɛ min bi Filisiti keinɛ kɛ fagala ka Isirɛla mɔgɛnu bɔ miliya-su kɛ rɔ, wo tigi si nfen sɔrɔn? Nfen bi Filisiti keini-kemininyabɛlɛ kɛ la? Ale ma a lɔn, ba ko a ye a kɔgɔ raka Alla-nimɛta kɛlɛ-dannu denu na kɛ la?”

1 Samuwɛli 17:36

N bara yarɛ faga. N bara sogo-feremɛ fanan faga, ado kemininyabɛlɛ kɛ min bara a kɔgɔ raka Alla-nimɛta kɛlɛ-dannu na, n si ke le kɛ fanan fagala.