Yɛrɛmaya 1:9 - ALLALA KUMƐ

⁹ Mari ban kɛ fɔla, a ya a kɔɛn lana ka a tugun n dɛ la. A ya a fɔ n ye ko, “I ma a yen, n bi nna kumɛnu donna i da rɔ.

Yɛrɛmaya 1:9 Iomraidhean Croise

Aiseya 49:2

A ya nna kumɛnu dɛ lasa iko faan. A ya n yamasansan a kɔɛn la. A ya n ma iko kalabɛn-nasulennɛ. A ya n namara iko kalabɛn tenbi a sa-bɔrɛ rɔ.

Aiseya 50:4

Ma Tigi Mari ya n karan kuma-bole ma alako n ni mɔgɔ-rafaganɛnu tagbɛlɛya. A si n nakunden sɔgɔma-wo-sɔgɔma. A si n karan ka n tole masɔ a la iko karan-dan.

Aiseya 51:16

Ale le ya san-kole rafulen ka dugu-kole kurukɛ. Ale le ya a fɔ Yerusalɛm kɛnu ye ko ata mɔgɛ le anu na. A ko a ara ala karan don anu bolo ka anu kumafunfan a kɔɛn la.

Aiseya 59:21

Mari ko anubɛ ata mɔgɛnu bi nala sarama-kan min kirila anu nyɔgɔn tɛma, wo le kɛ la. A ko ata kumɛ anubɛ ata Sɛnbɛ ti bɔ anu fɛ. A ko a si to anu denu, anubɛ anuna dannu, anubɛ anu kebilɛnu fɛ burubukai!

Yɛrɛmaya 15:19

Mari ya nde, Yɛrɛmaya yabi ka le ko ni n sɛgira a wara la, a ko a si n yisi kurakuraya. Wo kɔma, a ko n si ke ata wɔlɛ kɛla le worɔ. A ko ni a sɔgɛ ye n na ka ma nɛbi-bɛrɛbɛrɛ la, fɔ n ba n fara kun-takolonya-kuma-fɔɛ la ka don hɛnkilimaya-kuma-fɔɛ rɔ. A ko a bɛnta, wole Yuda kɛnu ni na nde wara la kɔnɔ a ma bɛn, nde ni ta wole wara la.

Yɛrɛmaya 34:6

Babilɔn kɛlɛ-dannu buira Yerusalɛm soe ma tumɛ min, nde, Yɛrɛmaya ya sarakanɛ kɛ latenbi ale Mansa Sɛdɛkaya ma wati wo le tɔ. Anu tara bui so-latankani fila ma, Lesi anubɛ Asika. Wonu denu dɔrɔn tonɛ so-latankaniyɛ la Yuda nyamanɛ rɔ.

Yɛrɛmaya 36:2

n ni gbolo-kolonɛ do bi. A ko a ye min fɔla Isirɛla anubɛ Yuda anubɛ sibolo-gbɛrɛnu bara-koe rɔ, n ni wo bɛɛ sɛbɛ gbole wo ma. Ka a bi Mansa Yosayata wati ma, ka a sigi kaka la, a ko a ara min bɛɛ fɔ, n ni wo bɛɛ sɛbɛ.

Yɛrɛmaya 5:14

Woletɔ Mari Sɛnbɛ-Bɛɛ-Tigi ko wole, Yuda mɔgɛnu bi a fɔla ko a sa wo tɔrɔla. Woletɔ a ko a ye kumɛ minnu donna nde, Yɛrɛmaya da rɔ, wonu bi mala le iko tɛ, ado wo le manɛ iko tɛ siginɛ sɔgɔ-kundi min na.

Isikiyɛli 3:10

“Ile hadama-dan, i tole masɔ a kin na! I ni i hɛnkili to kumɛ kɛ damasi ko.

Daniyɛli 10:10

Wo kɔma, mɔgɛ do ya n nawuli a bole la. N burunnɛ tora n bole tɔ. Hali wo, n tora yɛrɛyɛrɛnna kilan bolo.

Daniyɛli 10:16

Wo kɔma, melika min sɔnɛ n dafɛ nun, wo nara a bole tugun n da-gbole la. N dɛ fulenta. N ya a fɔ a ye ko, “N tigi, n mɔlɔkɔnɛ ko-rayen kɛ bolo. Ha bi, n bi yɛrɛyɛrɛnna.

Yilan-Yilan Koe 23:5

Mari ya kuman-kan don Belam bolo a si ta min fɔ Mansa Balaki ye.

Matiyu 10:19

Anu ba ta wo la nyɔ, wo si min fɔ anubɛ wo si a fɔ nya min, wo kana hami wola ko la. A wati wa ke, wo ye nala min fɔla, wo si wo sɔrɔn

Maraka 7:33

Woletɔ Yisa ya a bi ka a bɔ nyama tɛma ka ta a la a dan na. A ya a bolo-nɔlɔnɛnu nadon a tolenu tɔ. Wo kɔma, a ya a da-yi kɛ a bolo-nɔlɔnɛ ma ka wo nɔrɔ kei wo nagan ma.

Luka 12:12

Bawo a bɛnta, wo ni min fɔ wati kelan wo rɔ, Allata Ni-Sɛnimɛ si wo karan wo la.”

Luka 21:15

bawo n si kumɛnu don wo da rɔ ka hɛnkili di wo ma. Wo si min fɔ, hali wo yogo kelen ti ke wo sɔsɔla ka wo nɔ.

Tɔn-Fɔɛ-Fila-Nyɔgɛ 18:16

“Wo tumɛ ma ye Sinayi kɔnkɛ dafɛ, wo ya Alla madiya nyɔ ko wo kana a kuman-kan lamɔɛn nyɔ rɔ, anubɛ ka ale Alla yen ta-mɛlan rɔ nyɔ bawo wo ya a lɔn ko wo ye fagala le.

Tɔn-Fɔɛ-Fila-Nyɔgɛ 18:17

Alla ya a fɔ nde ye wo wati rɔ ko mɔgɛ kɛnu bara hɛnkilimaya-kumɛ fɔ.

Tɔn-Fɔɛ-Fila-Nyɔgɛ 18:18

A ya a fɔ ko a si nɛbinu nabɔ wole Isirɛla mɔgɛnu tɛma ka anu nana wo ma minnu manɛ iko nde, Musa. Mari ko nɛbi wonu bi kumɛ minnu fɔla wo ye, ale le ye wonu fɔla wonu ye.