Yɛrɛmaya 1:8 - ALLALA KUMƐ

⁸ A ko n kana kilan mɔgɔ-wo-mɔgɔ la bawo a ye n fɛ. A si n nakanan. Ale Mari kan le.

Yɛrɛmaya 1:8 Iomraidhean Croise

Bɔ-Koe-Iyipiti 3:12

Alla ko, “N si to i fɛ yati! I wa na nta mɔgɛnu na ka bɔ Iyipiti nyamanɛ rɔ tumɛ min, anu si n bato kɔnkɛ kɛ nyɛrɛ kuma. Wo si ma tamasere la i ye ko nde le ya i kilaya.”

Aiseya 43:2

A ko ma tenbi dumɛ tɛma, a ye ma fɛ nyɔ rɔ. Ma kunyɛ ti to tɔrɔyɛ wo rɔ. Hali ma tenbi tɛ tɛma, a ko ma ti mintan. Ma kunyɛ ti to gbɛlɛyɛ wo rɔ.

Aiseya 51:12

Mari ko ale le si wo sɛnbɛ don. Hadama-dan min siyi-fɛ wuru iko binyɛ, wole kilannɛ wo la nfenna gbɛ?

Aiseya 51:7

Mari ko wole minnu ya ko-telennɛ lɔn, wo ni wo tole masɔ a la, ala karan ara gbangban wole min yisi rɔ, kɔni. Wo kana kilan wo mamɔɛn-kumɛ anubɛ wo rasɛ-kumɛnu na

Yɛrɛmaya 1:17

Mari ko, “I ni wuli ka kuma mɔgɛnu na. N ba min fɔ i ye, i ni wo bɛɛ latenbi anu ma. I kana kilan mɔgɛnu na kaka. Ni i kilanta anu na kaka, i tenbi anu tɛma, wo kilan si tenbi kakatɛ la.

Yɛrɛmaya 1:19

Anu si i kɛlɛ kɔnɔ anu ti i nɔ bawo n bi i fɛ. Nde le si i lakanan.”

Yɛrɛmaya 20:11

Kɔnɔ ile Mari taranta n fɛ iko kɛlɛ-nyana. N gbennɛnu si anu kian latugu ka bui fugbu! Anu ti n nɔ muk! Anu ba foo n na, anu si to miliyɛ rɔ kɔgɔrɔyɔlɔ! Anu si to miliyɛ wo rɔ ha, ado mɔgɔ ti nyina anu bara-koe la,

Yɛrɛmaya 30:11

A ko a si na wo kisi. Wo ranyɛnsɛnnɛ sibole min bɛɛ tɛma, a ko a si wonu dama kasara pɔ! Kɔnɔ a ti wo lato. A ko a ti wo to wo tɔrɔbɛlɛ la kɔnɔ a ko a si wo tɔrɔ iko a bɛnnɛ wo ma nya min. Mari nyɛrɛ kan le kɛ la.

Yɛrɛmaya 39:11

Babilɔn Mansa Nɛbukanasa ya a fɔ ala kɛlɛ-den-kunyɛ Nɛbusaradan ye ko a ni a fɔ ala kɛlɛ-dannu ye ko

Yɛrɛmaya 42:11

A ko wo ni fara kilanna Babilɔn mansɛ la. Ale Mari si taran wo fɛ. A si wo tanka a sɛnbɛ-wɛ la.

Daniyɛli 3:17

Ni ile, ma tigi, ya ma lafili sulubondon tɛ rɔ, male ye Alla min batola, wo si ke ma latankala ma tigita sɛnbɛ ma hali sulubondon tɛ wo.

Daniyɛli 3:25

Ale mansɛ ko, “Nfenna worɔ, n bi mɔgɔ nani yenna tagamana tɛ wo rɔ? Wo ni wo yɛ lata. Anu kirini ma tun, ado n ma la a la ni anu tanbannɛ le. Anu nani nyɔgɛ wo mani de iko Allata melika.”

Matiyu 10:26

“Nba, wo kana kilan mɔgɛnu na. Fenfen yamatogonnɛ, wo yama si ka. Gbundu-koe bɛɛ la si bɔ gbɛ rɔ.

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Kɛwɔlɛnu 26:17

A ko, ‘N bi i latala Isirɛla mɔgɛ anubɛ sibolo-gbɛrɛ minnu ma, n si i kisi wonu masibɛ ma.

Kɛwɔlɛnu 4:13

Mɔgɔ-banu kawara Pita anubɛ Yɔnila yisi-latɛgɛ ma bawo anu ya a lɔn nun ko mɔgɛ le anu na dɔrɔn minnu ma karan nun. Anu ya hɛnkili sɔrɔn a ma wo rɔ ko kɛnu bi Yisa fɛ nun yati,

Kɛwɔlɛnu 4:29

Nba, Mari, anu bi niyi-ragbɛrɛn-kumɛ minnu fɔla, i wɔlɔ matɔlɔ wonu na. I ni sɔn ko male, ila wɔli-kɛlɛnu ni ila kumɛ fɔ yisi-latɛgɛ bɛɛ rɔ.

Ɛfɛsa 6:20

Bawo hali n bi yele la kaka, kilayɛ le n na kibara-nyimɛla ko la. Woletɔ wo ni Alla matara n ye ko n ni kuma yisi-latɛgɛ rɔ iko a bɛnnɛ n ni kuma nya min.

Tɔn-Fɔɛ-Fila-Nyɔgɛ 31:6

Wo si wo yisi gbɛlɛya ka wo kerinteya. Wo kana kilan anu na bawo wo tigi Mari Alla si to wo fɛ. A ti wo baya, ado a ti wo boloka mumɛ!”

Tɔn-Fɔɛ-Fila-Nyɔgɛ 31:8

Mari nyɛrɛ si taran i fɛ ka sɔ i yarɔ. A ti i baya, ado a ti i boloka. I yisi kana tinya kilan bolo.”

Yasowa 1:5

Mɔgɔ-wo-mɔgɔ ti ile, Yasowa nɔ i siyi-tele-bɛɛ rɔ. N tora Musa fɛ nya min, n si to ile fanan fɛ wo nya na le. N si to i fɛ tuma-wo-tuma. N ti i boloka dɛɛ!

Yasowa 1:9

N ma a fɔ i ye fɔlɔ nun ko i ni i yisi ragbɛlɛya ka i kerinteya, wa? I kana kilan, i yisi kana tinya. I tara kan-bo-kan, nde, ita Mari Alla si to i fɛ nyɔ.”