Yɛrɛmaya 1:18 - ALLALA KUMƐ

¹⁸ N si i ma iko so-latankanɛ, ni wo ma, nɛgɛ-sɛnbɛrɛn-kɔn, ni wo ma, sila-tarɛ. Mɔgɛ bɛɛ si i ragbɛrɛn Yuda nyamanɛ rɔ, a mansa wo, a kun-tigi wo, a saraka-masɔla wo, anubɛ a mɔgɛ toenu.

Yɛrɛmaya 1:18 Iomraidhean Croise

Aiseya 50:7

N mamɔɛn-bɔrɔ ma taran n ye bawo ma Tigi Mari ye n dɛnbɛna. N bara a latɛgɛ n yisi rɔ ko wo ti n miliya tun.

Yɛrɛmaya 1:17

Mari ko, “I ni wuli ka kuma mɔgɛnu na. N ba min fɔ i ye, i ni wo bɛɛ latenbi anu ma. I kana kilan mɔgɛnu na kaka. Ni i kilanta anu na kaka, i tenbi anu tɛma, wo kilan si tenbi kakatɛ la.

Yɛrɛmaya 1:19

Anu si i kɛlɛ kɔnɔ anu ti i nɔ bawo n bi i fɛ. Nde le si i lakanan.”

Yɛrɛmaya 15:10

E, n na, alako i kana n sɔrɔn nun. N ma di mɔgɔ-wo-mɔgɔ ye Yerusalɛm soe burɔ. N ma yili tɛgɛ hali ka fen sinka mɔgɔ ma kɔnɔ hali wo, mɔgɛ bɛɛ ye n dankala.

Yɛrɛmaya 15:20

Mari ko a si n ma wole ye iko dandan tagbɛlɛ. A ko n ta si gbɛlɛya iko sila-dandan. A ko wo ya n kɛlɛ nya-wo-nya, wo ti n nɔ worɔ. A ko ni wo ya a yen wo ye mala bawo ale Mari ye n fɛ. A ko a si n kumafunfan ka n nakanan.

Yɛrɛmaya 20:11

Kɔnɔ ile Mari taranta n fɛ iko kɛlɛ-nyana. N gbennɛnu si anu kian latugu ka bui fugbu! Anu ti n nɔ muk! Anu ba foo n na, anu si to miliyɛ rɔ kɔgɔrɔyɔlɔ! Anu si to miliyɛ wo rɔ ha, ado mɔgɔ ti nyina anu bara-koe la,

Yɛrɛmaya 21:4

Isirɛlata Mari Alla ko a si a ma, Babilɔn mansɛ ni ale Sɛdɛkayata kɛlɛ-dannu nɔ. Anuta kɛlɛ-kɛ-mirannu ti anu dɛnbɛ nɔ-ko sɔrɔn-tinɛ. Babilɔn kɛlɛ-dannu si don hali Yerusalɛm soe burɔ.

Yɛrɛmaya 26:24

Kɔnɔ Safanna den Ahaikam ye nde, Yɛrɛmaya dɛnbɛna min kɛ, anu ma n don wole bolo ka n faga.

Yɛrɛmaya 34:3

A ko ale Mansa Sɛdɛkaya ti ke a burila. A yogenu si a bira ka a don Babilɔn mansɛ wo bolo. A ko anubɛ mansɛ wo ya-den filɛ si bɛn ka kuma anu nyɔgɔn na. Wo kɔma, anu si ta a la Babilɔn.

Yɛrɛmaya 37:7

n ni sarakanɛ lake Mansa Sɛdɛkaya ma. A ko Iyipiti kɛlɛ-dannu bi kilɛ la ka na wo dɛnbɛ kɔnɔ anu bi sɛgila le tun.

Yɛrɛmaya 38:18

Kɔnɔ a ko ni i ma sɔn dɛgɛ minna mumɛ, soe kɛ kunyɛ si don Babilɔn kɛnu bolo. Anu si a mintan gburr, ado ile kunyɛ ti bɔ a rɔ.”

Yɛrɛmaya 38:2

Mari ara a fɔ n ye ko mɔgɔ-wo-mɔgɔ tora sigini Yerusalɛm soe burɔ, a ma ta dɛgɛ min Babilɔn kɛnu ye, ni wo tigi ma faga kɛlɛ bolo, a si faga kɔnkɛ bolo, ni wo ma, kirayɛ bolo. Mɔgɔ-wo-mɔgɔ tara dɛgɛ min anu ye, wo tigi ti faga. Anubɛ a niyi dɔrɔn de ye tola.

Yɛrɛmaya 42:22

Woletɔ wo hɛnkili ni to kɛ ko. Sigi-sɔgɛ ye wo la nyamanɛ min tɔ, wo tɔgɔ si to kɛlɛ la nyɔ, ni wo ma, kɔnkɛ anubɛ kiraya-fitinɛ.”

Yɛrɛmaya 6:27

Mari ko a ara nde, Yɛrɛmaya ma sulubondon-sɔlɛ la. A ko wole, ala mɔgɛnu mani de iko nɛgɛ ye bɔla kuri min tɔ. A ko n ni wo lakɔrɔsi tɛ wo rɔ ni nɛgɛ le wole la.

Yɔni 1:42

Wo kɔma, a nara Saimon la Yisa wara. Yisa ya a mafɛlɛn tumɛ min, a ko, “Saimon le ile la, Yɔnila dan. I tɔgɛ si kele Sifasi.” (Tɔgɛ kɛ anubɛ Pita, tɔgɔ kelen de! A kɔrɛ le, “Farɛ.”)

Lankɛnimayɛ 3:12

Minnu ba nɔlɛ kɛ, n si wonu ma sɛnbɛrɛn-kɔn la n fa Alla-Bato-Bɔn la. Anu ti bɔ nyɔ mumɛ! N si n fa Alla tɔgɛ anubɛ ata so-kurɛ tɔgɛ sɛbɛ anu ma, Yerusalɛm so kurɛ, kɔni. Soe wo si yigi ka bɔ Arinyɛni tɔ nta Alla bolo. N si n nyɛrɛ tɔgɔ-kurɛ fanan sɛbɛ anu ma.