Yɛrɛmaya 1:16 - ALLALA KUMƐ

¹⁶ N bi nna mɔgɛnu tɔrɔla nya min, n si wo ragbɛ anu ye. N si anu tɔrɔ bawo anu bara hakɛ kɛ ka anu kan-kɔ sɔ n na. Anu bi bɛsɛnu nadanna ka nta sarakɛnu di anu ma, ado anu bi bɛsɛ wonu nadanna anu bole nyɛrɛ-nyɛrɛ le la.”

Yɛrɛmaya 1:16 Iomraidhean Croise

2 Mansɛnu 22:17

Yerusalɛm kɛnu ya anu ban ale Mari la ka sarakɛ bɔ anubɛ ka isɛnti mintan anuna bɛsɛnu ye. Woletɔ Mari fonde ara bɔ. A ko fenfen sa nyɔ min si ala fondo-bɔɛ makimɛ.

2 Ko-Kɔrɔta-Karan 15:2

A tara Mansa Esa taran. A ya a fɔ anubɛ ala mɔgɛnu ye ko, “Wole Yuda bɔnsɔn-mɔgɛnu anubɛ Bɛnyamɛ bɔnsɔn-mɔgɛnu, wobɛ wola mansɛ ni wo wɔlɔ matɔlɔ. Fananta wo ye Mari fɛ, a ye wo fanan fɛ. Ni wo ya a nyini, a si a ma, wo ni a yen. Kɔnɔ ni wo ya wo kan-kɔ sɔ a la, ale fanan si wo boloka.

2 Ko-Kɔrɔta-Karan 28:2

A ya Isirɛla mansɛnu sɔn bi. Bɛsɛ min tɔgɛ Beyali, a ya wola muninyɛnu nadan nɛgɛ la.

2 Ko-Kɔrɔta-Karan 34:25

A ko anu ya anu ban ale Mari la. A ko anu ya sarakɛnu bɔ anuna bɛsɛnu ye woletɔ ale Mari fonde bɔnɛ Yerusalɛm kɛnu kuma. A ko fenfen sa nyɔ min si ala fondo-bɔɛ makimɛ.

2 Ko-Kɔrɔta-Karan 7:19

“Kɔnɔ ni wolebɛ ila mɔgɛnu ya nna tɔnnu tinya n bara min di wo ma nun ka a tɛgɛ bɛsi-kɔɛ ma,

Aiseya 2:8

Anuna nyamanɛ lafanɛ bɛsɛnu na, anu ya min nadan anu bole la, kɔni. Anu bi wonu kɔla.

Aiseya 37:19

ka anuna bɛsɛnu mintan, ado ma ya a lɔn ko Alla ma wonu na. Kɔlɔma anubɛ kuru-lɛsɛnɛ le wonu na dɔrɔn. Anu nadannɛ hadama-dan bolo la.

Aiseya 44:15

Kɔlɔma wo do si ma sɔgɛ la. A kundu kelan, a si wo ma a gbala-fan la, a kundi doi, a si wo ma biredi-mintan-fan la. A toe si ma bɛsɛ wo la a si to min kɔla.

Aiseya 65:3

A ko anu bi anu tuila ka ko-latinyanɛnu nadan iko a ya sa anu na. Anu bi sarakɛnu bɔla anuna bɛsɛnu ye anuna kan-tina-hakikɛnu tɔ. Anu bi isɛnti mintanna kan-tina-hakikɛ rɔ.

Yɛrɛmaya 10:15

Fufafuyi le anu na. Anu ti ko-wo-ko nyinya. Yɛlɛnma-fan le anu na. Kiti-tɛgɛ-lunyɛ wa ke, bɛsɛ wonu si kasara.

Yɛrɛmaya 10:3

Fufafuyi le sibolo-gbɛrɛnuna namunyɛnu na. Anuna bɛsɛnu bɛnni ma fenfen ma fɔ gbɔngbɔn-kɔnnu, ado boloma-wɔli-kɛlɛnu bi wonu denu lɛsɛla tun.

Yɛrɛmaya 11:12

Yerusalɛm kɛnu anubɛ Yuda nyamanita-mɔgɛ toe bɛɛ si ta wola bɛsɛnu bara wo dɛnbɛn-koe rɔ. Wo si isɛnti mintan bɛsɛ wonu ye sarakayɛ la kɔnɔ kasarɛ wo wati wa ke, bɛsɛ wonu ti ke wo kunyɛ bɔla kasarɛ wo kɔrɔ.

Yɛrɛmaya 11:17

Mari Sɛnbɛ-Bɛɛ-Tigi le ya wo ki. Ale le nyɛrɛ ya a fɔ wo ye ko kasarɛ si na. Wo bɛɛ ye tɛgɛla min ma bawo Isirɛla mɔgɛnu anubɛ wole, Yuda mɔgɛnu bara yogoya ka a dan-natenbi. Wo ara sarakɛ di Beyali ma min kɛ, wo ara a ma, Mari fonde ara bɔ ka tenbi a dan kun na.

Yɛrɛmaya 15:6

Mari ko wole, Yerusalɛm mɔgɛnu bara wo ban a la, ado wo ye tola tala le tun. Wo sa wo yɛ lasɛgila. Woletɔ a ko a ye wo dan labirala ka wo tɔrɔ. A ko wola koe min nakɔlɔn-kɔlɔnnɛ a burɔ, a ti ke wo birala-a-rɔ tun.

Yɛrɛmaya 16:11

Mari ko n ni a fɔ wole fanan ye ko ni wo ya kɛ yen mala wo la, wo benbanu denu fɔlɔn ya ale Mari boloka. Anu ya bɛsɛnu kɔ ka anu taya wonu ma. A ko wo benbanu fɔlɔn bara anu masɛgi Mari la. Anu ya anu ban ale Marita tɔn-bira-koe ma.

Yɛrɛmaya 17:13

Mari, Isirɛla mɔgɛnu yigi le ile la. Mɔgɔ-wo-mɔgɔ wa a kan-kɔ sɔ i la, wo tigi si miliya. Min bi a bɔla ile Marita kilɛ fɛ, wo tigi mani de iko tɔgɛ min sɛbɛnɛ gbangban rɔ. Wo sa mɛla bawo a ara ile Mari boloka. Tenke-kimanɛ le ile Mari la.

Yɛrɛmaya 18:15

Kɔnɔ a ko wole, ala mɔgɛnu bara nyina a ko. Wo ye sarakɛnu bɔla bɛsi-fuyinu ye. Wo ara sama kilɛ ma. Wo ara sama ka wo benbanuna kila-kɔrɛnu bi. Wo ye bɔla kila-nɛnu fɛ ka kila-wɛnu to.

Yɛrɛmaya 19:4

A ko a ye wo mala le bawo wole, Yuda mɔgɛnu bara wo kan-kɔ sɔ a la. A ko wo ara kan-tinɛ kɛ ma bɛsi-kɔ-tinɛ la ka saraka-mintantɛnu mintan wola bɛsɛnu ye nyɔ, ado wo benbanu wo, wola Yuda mansɛnu wo, wole wo, fɔlɔ nun wo do-wo-do ma bɛsɛ wonu kɔ. A ko a ya a ma, kan-tinɛ kɛ la ara fa mɔgɔ-yele la minnu ma ko tinya.

Yɛrɛmaya 2:13

A ko wole, ata mɔgɛnu bara hakɛ-su fila kɛ. A fɔlɔtɛ, wo ya wo kan-kɔ sɔ ale Mari la, ale min bi tenke-nyimɛ la wo ye, kɔni. A fila nyɔgɛ, wo ara bila bɛsi-gbɛrɛkɛnu fɛ minnu manɛ iko mɔgɛ wa yi kɛ bɔnku-daga-ratiinɛnu tɔ.

Yɛrɛmaya 2:17

A ko wo nyɛrɛ gbɛ le wo la, yɔ! Wo mara bawo wo ara wo kan-kɔ sɔ ale wota Mari Alla la wo tumɛ a sɔnɛ wo yarɔ wulɛ rɔ.

Yɛrɛmaya 2:19

A ko wola karagbɛlɛyɛ si tɔrɔyɛ lana wo ma. Wola ko-yogomɛnu si wo don nyagbɛ rɔ. Wo ni wo miri a ma a kilɛ fɛ alako wo ni ko nya-yen. Ka wo kan-kɔ sɔ wota Mari Alla la, wo yogo dɔgɔma-ma-de! A ko ka a fɔ wo ti kilan a la, wo ma telen. Wo Tigi Mari Sɛnbɛ-Bɛɛ-Tigi kan le kɛ la.

Yɛrɛmaya 2:28

A ko wole Isirɛla mɔgɛnu, wo ya bɛsɛ minnu nadan wo nyɛrɛ ye, wonu bi mintɔ gbɛ? Nba, ni wola bɛsɛnu si nanparan nɔ, wonu ni na wo kunyɛ bɔ a rɔ. Soe min nyɔgɔn ye Yuda nyamanɛ rɔ, wo le nyɔgɔn bɛsɛ ye a rɔ.

Yɛrɛmaya 4:12

Fɔn-kalamɛ wo tenbira wo la pirr! Fɔn-sufa kɛ ye bɔla Mari le bolo, ado Mari le ye ata kiti lawulila wole, Yuda kɛnu kan ma.

Yɛrɛmaya 4:28

Nyamanita-mɔgɛnu si anu dɛ sa-a-rɔ lungbɔn! San-kole si fin. Mari ko kɛ ye mala le bawo ale ti a kuman-kan dɔn. A ara ban a latɛgɛla, ado a ti a miriya yɛlɛma.

Yɛrɛmaya 44:17

Ma wa ma dato min na, ma ye wo le mala. Ma benbanu anubɛ mala mansɛnu, anubɛ mala kun-tiginu bi isɛnti mintanna ka minni-sarakɛnu nabon mala bɛsɛ ye min tɔgɛ Arinyɛnɛ Musu-Mansɛ Yerusalɛm soe anubɛ Yuda nyamanɛ toe rɔ. Wonu ya a ma nya min, male fanan bi a mala wo nya na le. Dɔn-fen-siyaman taranta ma bolo nun. Ma ara ma-a-la nun, ado nanparan sa ma ma nun.

Yɛrɛmaya 5:29

Kɔnɔ ale Mari ko a si karagbɛlɛ wonu tɔrɔ kɛnuna ko la. Mari ko fɔ a wa mɔgɛ kɛnu tayili sara.

Yɛrɛmaya 5:9

Mari ko nfenna a ti mɔgɛnu tɔrɔ kɛla ko la? A ko a ni mɔgɔ-su kɛnu tɔrɔ iko a bɛnta, wo ni tɔrɔ nya min.

Yɛrɛmaya 51:17

Hɛnkili sa bɛsi-ladannɛ do-wo-do la. Siyakinu bara miliya anuna bɛsɛ wonu na, anu denu ya minnu nadan, kɔni. Anuna bɛsi-fuyi wonu niyi sa anu tɔ.

Yɛrɛmaya 7:17

A ya n manyinika ni n sa a yenna wo ye min kun na Yerusalɛm luyinu ma anubɛ Yuda soe toenu burɔ.

Yɛrɛmaya 7:18

A ko n ni n yɛ lata wole, Yuda kɛnu kɛ-nya ma. Wola dannu tenbi nala sɔgɛ la, anu fanu bi tɛ ladɛnna wo la. Anu nanu bi dɛgɛ mintanna ka wo di bɛsɛ wo ma min tɔgɛ Arinyɛnɛ Musu-Mansɛ. Wo kɔma, anu bi minni-sarakɛnu bɔla bɛsɛ doinu ye. A ko wo ye wo damasi mala alako a fonde ni bɔ.

Yɛrɛmaya 7:9

Ha bi, wo ye kankanyɛ kɛla. Ha bi, wo ye mɔgɔ-fagɛ kun na. Ha bi, wo bole ye yɛlɛnyɛ rɔ. Ha bi, wo ye tɔgɛ sala mɔgɛnu na. Ha bi, wo ye bɛsi Beyali kɔla. Ha bi, wo nɔrɔnɛ sibolo-gbɛrɛnuna bɛsi-kɔ-koenu ma.

Isikiyɛli 16:18

N ya kura-bɔnni-hakikɛ minnu di i ma, i ya wonu bi ka wonu ma bɛsi-kei wonu makiri-fan la. Nna tulu-hakikɛ anubɛ nna isɛnti, i ya wonu natenbi bɛsɛ wonu ma.

Isikiyɛli 24:14

Nde, wo Tigi Mari le wara kɛ fɔ. Nta diminya-lakɛ-wati ara ke a ma. N ti kinikini a ma tun fɔ ka ala so-burɔ-mɔgɛnu bira iko hakɛ-kɛlɛnu. A fɛrɛ sa fɔ a wa tɔrɔ le serr! Nde, a Tigi Mari kan le kɛ la.”

Hoseya 11:2

N bi wo kelela nya min, wo ye wo kan-kɔ sɔla n na wo nya na le. Wole nta mɔgɛnu ya sarakɛnu bɔ wola bɛsi Beyali ye ka isɛnti mintan wola bɛsɛ doi wonu ye.

Hoseya 8:6

Isirɛla boloma-wɔli-kɛlɛ do le ya turɛ wo ladan dɔrɔn. Nde, Alla ma wo la. Tura-danla muninyɛ wo ra si mɔsɔkɔn-mɔsɔkɔn.

Yowɛli 2:11

Mari ye kumala ala kɛlɛ-dannu ye iko san-sɛran, ado kɛlɛ-dan wonu bi ata kumɛ birala. Anu kolo gbɛlɛ, ado anu siya. Marita tele-makilannɛ wo, yon si ke a muinna wo kɔrɔ?

Kɛwɔlɛnu 7:41

Wo kɔma, anu ya ninki-danla muninyɛ ladan ka wo ma bɛsɛ la anu nyɛrɛ ye ka sarakɛ bɔ wo ye. Anu ya ladiyɛ ladan ka a tɛgɛ anu nyɛrɛta bolola-wɔlɔ-gbɛ wo ma ka wo gbiliya.

Tɔn-Fɔɛ-Fila-Nyɔgɛ 28:20

“Ni wo ya wo ban Mari la ka ko-yogomɛ ma, Mari si yakɔrɔ-mamɔ-belebele lana wo kuma. Tɔ-a-la, wo si kasara pɔɔ!

Tɔn-Fɔɛ-Fila-Nyɔgɛ 31:16

Mari ya a fɔ Musa ye nyɔ ko, “Musa, i sa mɛla so-sɛgi-kɛla tun. I wa so-sɛgi-kɛ tumɛ min, mɔgɛ kɛnu si n boloka ka sarama-kan tinya ka don lanyiri-nyamanɛ bɛsi-kɔ-koenu tɔ anu bi tala kan min.

Yasowa 24:20

Ni wo ya bɛsi-wo-bɛsi kɔ ka wo ban Mari la, a si wo tɔrɔya ata fondo-bɔɛ la. A ya ata ko-nyimɛ min kɛ wo ye nun fɔlɔ, a si wo halaki wo gbɛ rɔ.”

Lankɛnimayɛ 9:20

Mɔgɛnu ya bɛsɛ minnu nadan anu bole la, anu ma tubi ka fara wonu kɔɛ la. Mɔgɔ-toe wonu ma faga fitina sawɛ wonu kɔrɔ. Anu ma fara nyina-kɔɛ la. Bɛsɛ minnu nadannɛ sɛnɛ anubɛ wodi-gbɛ la wo, bɛsɛ minnu nadannɛ silɛɛ anubɛ kuri la wo, bɛsɛ minnu nadannɛ kɔlɔma la wo, anu ma fara wonu fanan kɔɛ la. Bɛsɛ wonu ti ke fen yenna. Anu ti ke ko lamɔɛnna. Anu ti ke tagamana. Anu ti ke fenfen mala.