Yɛrɛmaya 1:14 - ALLALA KUMƐ

¹⁴ Mari ya a fɔ n ye tun ko, “Kasarɛ si bɔ kantɔ-wara la. Kasarɛ si ke mɔgɛ bɛɛ ma nyamanɛ kɛ rɔ.

Yɛrɛmaya 1:14 Iomraidhean Croise

Aiseya 14:31

“Wole Filisiti so-burɔ-mɔgɛnu, wo ni wo dɛ sa-a-rɔ wo dɛnbɛn-koe la. Wo kun ma ni kɔ. Kirindinu bi nala gbangban tugula ka bɔ bolo-maran wara la, ado kɛlɛ-dan minnu bi nala wonu na, yuto-wo-yuto sa wonu tɔ.”

Aiseya 41:25

“Nde, Mari ara mɔgɛ do tɔnbɔn tele-bɔɛ wara la. A si wo kɛlɛ dabira kantɔ-wara la. Wo wa na, a si kun-tiginu tatɛntɛn iko bore. A si wonu tatugutugu iko bɔnku-daga-sɔlɛ si bɔnkɛ ramaga nya min.

Yɛrɛmaya 10:22

Wole Yuda kɛnu, wo ni wo tole rabalan. Kɛlɛ-mankan ye nala. Kɛlɛ-sɔnkɔ-sɔnkɛ ye nala ka bɔ kantɔ-wara la. Wo yogenu si wola soenu ma tonbɔn la iko wula-da-rakolɔn. Nyɔ si ma fira-wulinu barɛ la.

Yɛrɛmaya 11:17

Mari Sɛnbɛ-Bɛɛ-Tigi le ya wo ki. Ale le nyɛrɛ ya a fɔ wo ye ko kasarɛ si na. Wo bɛɛ ye tɛgɛla min ma bawo Isirɛla mɔgɛnu anubɛ wole, Yuda mɔgɛnu bara yogoya ka a dan-natenbi. Wo ara sarakɛ di Beyali ma min kɛ, wo ara a ma, Mari fonde ara bɔ ka tenbi a dan kun na.

Yɛrɛmaya 25:9

a si kantɔ-mɔgɛ bɛɛ kele wo kan ma katarala Babilɔn Mansa Nɛbukanasa ma, ata wɔli-kɛlɛ, kɔni. A ko mansɛ wo si na wole Yuda nyamanita-mɔgɛ bɛɛ kɛlɛ anubɛ wo dan-masa-nyɔgɛnu. Anu ba ban wo kɛlɛla, anu si wola nyamanɛ kasaranɛ to. Mɔgɛ min ba nyɔ yen, wo kuma si tɛgɛ.

Yɛrɛmaya 31:8

A si bɔ wo la kantɔ-wara la. A si wo kundɛn ka bɔ duninya-tonko-nanɛ bɛɛ rɔ. Fiyɔnnu anubɛ namarɛnu si taran wo tɛma. Donu kolomɛ ye wo rɔ. Donu buyi la ara maga. Wo siyaman si na duk!

Yɛrɛmaya 4:6

Wo ni tamasere layɛlɛ san ma min si a ma, mɔgɛnu ni Yerusalɛm kilɛ bira. Wo ni wo buri wola kanan-koe la. Wo kana a makɔni bawo a ko a ye kasarɛ lanala ka bɔ kantɔ-wara la. A ko kasarɛ wo si ma kasara-belebele la.

Yɛrɛmaya 46:20

Iyipiti mani de iko ninki-tɔlɔnɛ kɔnɔ sigitɛgɛ ye nala a kan ma ka bɔ kantɔ-wara la.

Yɛrɛmaya 47:2

A ko n ni n yɛ lata kɛlɛ-dannu tɔkɔkɛ ma nala ka bɔ kantɔ-wara la iko gboron-gboronna-yi ye tugula a rɔ nya min. Mɔgɔ ti ke dugi yenna kɛlɛ-dan wonuna siyayɛ bolo. Soenubɛ mɔgɛnu si to anuna sɛnbɛ kɔrɔ. Mɔgɛnu si anu dɛ sa-a-rɔ dɛnbɛn-koe la. Anu dama si di biribiri!

Yɛrɛmaya 50:41

Mansa-siyaman tabɛnnɛ kɛlɛ-koe la, ado anuna kɛlɛ-dannu bi bɔla kantɔ-findan ma, sibolo-makilannɛ min fɛ-yan anu na, kɔni.

Yɛrɛmaya 50:9

N si sibolo kurun nabɔ kantɔ-wara la ka na kɛ Babilɔn kɛnu ma. Wonu si nyamanɛ kɛlɛ ka a nɔ. Donso-nyana le wonu na, min bole di kalabɛn la dɔgɔma-ma-de!

Yɛrɛmaya 6:1

Wole Bɛnyamɛ bɔnsɔn, wo ni wo buri wo niyila ko la. Wo ni wo buri bɔla Yerusalɛm soe burɔ. Wo ni kɛlɛ-buri fɛ Tekoya soe burɔ. Wo ni tamasere layɛlɛ ka bɔ Bɛti-Hakɛram soe burɔ. Wo ni a fɔ ko kasarɛ ye yigila a ma ka bɔ kantɔ-wara la. Kasara-belebele ye nala wo kuma.

Yɛrɛmaya 6:22

Mari ya a fɔ ko, “Wo ni wo yɛ lata. Kɛlɛ-dannu bi nala ka bɔ kantɔ-findan ma pon! Sibolo-makawanɛ do ye nala. Anu tabɛnnɛ kɛlɛ-wɛla ko la.

Isikiyɛli 1:4

N ya banda-fin-fɔn-bɛ yen nala bɔla kantɔ-wara la. N ya san yen a nyin masɔgɔla balubalu! Banda-nyin-masɔgɛ wo tɛmɛ, nyɔ-silɛ ye tiila a ma.

Isikiyɛli 24:3

Nna tili kɛ rakaran nna mɔgɔ-murutiyanɛnu ye.” Nde, wo Tigi Mari ko, Dagɛ lafa yi la ka a sigi tɛ rɔ.

Yowɛli 2:20

Kɛlɛ-den-siyamɛ minnu nara ka bɔ kantɔ-wara la a ko a si wo doinu kunyɛ lasɛgi a rɔ wulɛ wara la. Kɛlɛ-den yarɔ-sɔlɛ wonu si ta bui Dalɛ-Faganɛ rɔ. Minnu bi kɔma, wonu si ta bui Mɛdetereniyan Kɔgɔ-Yi rɔ. Wonu suyi-suma-titi-wɛ si bɔ. A ko a si kɛlɛ-dan wonu dama kasara tɛrr, ka a tɛgɛ anu bara min ma wo la nun.

Sakaraya 6:6

So-finyɛnu bi kirindi min saganna, wonu tamatoe Babilɔn wara la le. So-gbɛnu tamatoe tele-yigi wara la. So-mapusan wonu tamatoe Iyipiti nyamanɛ wara la.